ବଲାଙ୍ଗିର, (କେପିଏନ୍ଏସ୍) : ସିଏନ୍ସି ମହାବିଦ୍ୟାଳୟର ବାର୍ଷିକ କୁଇଜ୍ ପ୍ରତିଯୋଗିତାରେ ଅଭିଷେକ ଓ ଶ୍ରେୟା ବିଜୟୀ ହୋଇଛନ୍ତି । ସୂଚନା ଅନୁସାରେ ଗତ ୧୭ ତାରିଖ ଦିନ ବଲାଙ୍ଗିରର ଅଗ୍ରଣୀ ଶିକ୍ଷାନୁଷ୍ଠାନ ନାଇସ୍ ବାଣିଜ୍ୟ ମହାବିଦ୍ୟାଳୟ (ସିଏନ୍ସି)ର ବାର୍ଷିକ କୁଇଜ୍ ପ୍ରତିଯୋଗିତା ମହାସମାରୋହରେ ପାଳିତ ହୋଇଯାଇଛି । ପୂର୍ବରୁ ଏକ ପ୍ରଶ୍ନୋତ୍ତର ଲେଖା ପ୍ରତିଯୋଗିତାରେ ଶତାଧିକ ଛାତ୍ରଛାତ୍ରୀ ଭାଗ ନେଇଥିଲେ । ସେମାନଙ୍କ ମଧ୍ୟରୁ ଉତ୍ତୀର୍ଣ୍ଣ ସର୍ବଶ୍ରେଷ୍ଠ ୮ ଜଣଙ୍କୁ ଚାରୋଟି ବିଭାଗରେ ବିଭକ୍ତ କରି ଶୁକ୍ରବାର ସଂଧ୍ୟାରେ ଏକ ସ୍ୱତନ୍ତ୍ର ପ୍ରତିଯୋଗିତା କାର୍ଯ୍ୟକ୍ରମର ଆୟୋଜନ କରାଯାଇଥିଲା । ଉକ୍ତ ପ୍ରତିଯୋଗିତାରେ ଗ୍ରୁପ୍ ‘ଏ’ରେ ଅଭିଶେଷ ଅଗ୍ରୱାଲ ଓ ଶ୍ରେୟା କେଶୱାନୀ, ଗ୍ରୁପ୍ ‘ବି’ରେ ବାଳକ୍ରିଷ୍ଣ ସାହୁ ଓ ନିକି ଶର୍ମା, ଗ୍ରୁପ୍ ‘ସି’ରେ ସୁଜଲ ଅଗ୍ରୱାଲ ଓ ସାଗର ପାଣିଗ୍ରାହୀ ଏବଂ ଗ୍ରୁପ୍ ‘ଡି’ରେ ଆଶୁତୋଷ ଆୟୁଷ କୁମାର ସାହୁ ଓ ଆୟୁଷ ଜୈନ ପ୍ରମୁଖ ଭାଗ ନେଇଥିଲେ । ପ୍ରତିଯୋଗିତାକୁ ଅନୁଷ୍ଠାନାର ପରିଚାଳକ ଆଶୁତୋଷ ପୁରୋହିତ ପରିଚାଳନା କରିଥିଲେ । ପ୍ରତିଯୋଗିତାରେ ଗ୍ରୁପ୍ ‘ଏ’ ଓ ଗ୍ରୁପ୍ ‘ବି’ ମଧ୍ୟରେ ଟାଇ ହୋଇଥିଲା । ପରେ ଏକ ଟାଇବ୍ରେକର ପ୍ରଶ୍ନ ମାଧ୍ୟମରେ ଗ୍ରୁପ୍ ‘ଏ’କୁ ବିଜୟୀ ଘୋଷଣା କରାଯାଇଥିଲା । ଆରମ୍ଭରେ ପୂର୍ବରୁ ଆୟୋଜିତ ପ୍ରତିଯୋଗିତାମାନଙ୍କର କୃତି ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇଥିଲା ଓ ଶେଷରେ ଯୁଗ୍ମ ପରିଚାଳକ ପ୍ରଦୀପ ସାହୁ କୃତି ପ୍ରତିଯୋଗୀମାନଙ୍କୁ ପୁରସ୍କାର ପ୍ରଦାନ କରି ସମ୍ମାନିତ କରିଥିଲେ । ଉକ୍ତ କାର୍ଯ୍ୟକ୍ରମରେ ଅନୁଷ୍ଠାନର ସମସ୍ତ ଛାତ୍ରଛାତ୍ରୀ ତଥା ଅଧ୍ୟାପକ ଓ ଅଧ୍ୟାପିକାମାନେ ଉପସ୍ଥିତ ଥିଲେ ।
