ପଦ୍ମପୁର, (ନିରୋଜ କୁମାର ପାଣୀ) : ଶିକ୍ଷା ବିଭାଗର ନୂତନ ଛାତ୍ରଛାତ୍ରୀମାନଙ୍କୁ ସ୍ୱାଗତ କରିବା ପାଇଁ ପଦ୍ମପୁର ଅଞ୍ଚଳ ମହାବିଦ୍ୟାଳୟର କନଫରେନ୍ସ କୋଠରୀରେ ଏକ ସମ୍ବର୍ଦ୍ଧନା ଉତ୍ସବ ଅଧ୍ୟକ୍ଷ ଡଃ ଲଳିତେନ୍ଦୁ ନାୟକଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ବିଭାଗୀୟ ମୁଖ୍ୟ ଡଃ ତୁଷାରକାନ୍ତ ସାହୁ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରି ଶିକ୍ଷା ବିଭାଗର ଗୁରୁତ୍ୱ ଏବଂ ଛାତ୍ରଛାତ୍ରୀମାନଙ୍କର କେରିଅର ନିର୍ଦ୍ଧାରଣ ଉପରେ ବିସ୍ତୃତ ଆଲୋଚନା କରିବା ସହ ମହାବିଦ୍ୟାଳୟର ଆନୁସଙ୍ଗିକ ସୁବିଧା ଉପରେ ଗୁରୁତ୍ୱାରୋପ କରିଥିଲେ । ଅଧ୍ୟକ୍ଷ ଡଃ ନାୟକ ମୂଲ୍ୟବୋଧ ଭିତ୍ତିକ ଶିକ୍ଷା, ନାରୀଶିକ୍ଷା ଓ ଅଧିକାର, କର୍ମକ୍ଷେତ୍ରରେ ନାରୀମାନଙ୍କ ଅଗ୍ରଗତି ଉପରେ ଆଲୋକପାତ କରି ଛାତ୍ରଛାତ୍ରୀମାନଙ୍କୁ ଭବିଷ୍ୟତରେ ଉତ୍ତମ ଚରିତ୍ର ସମ୍ପନ୍ନ ନାଗରିକ ହେବା ପାଇଁ ଦିଗଦର୍ଶନ ଦେଇଥିଲେ । ଅଧ୍ୟାପିକା ରଶ୍ମିତାରାନୀ ସାହୁ, ଜୟନ୍ତୀ ସାହୁ କଠିନ ପରିଶ୍ରମ କିଭଳି ଭାଗ୍ୟ ନିର୍ଦ୍ଧାରଣ ଦିଗରେ କିପରି ଚାବି କାଠି ପରି ହୋଇଥିାଏ ତାହା ଆଲୋଚନା କରିଥିଲେ । ଏହି କାର୍ଯ୍ୟକ୍ରମକୁ ପଞ୍ଚମ ଓ ତୃତୀୟ ସେମିଷ୍ଟାର ଛାତ୍ରଛାତ୍ରୀମାନେ ଆୟୋଜନ କରିଥିଲେ । ସେମାନେ ହେଲେ ଶୁଭାଶିଷ, ସନ୍ତୋଷ, ବବଲୁ, ସୃତି, ମିବ, ନିତୁ, ରିପନ, ରମା, ରେଖା ଏବଂ ଅନ୍ୟମାନେ । ଶେଷରେ ଲିଜାଙ୍କ ଧନ୍ୟବାଦ ଅର୍ପଣ ପରେ ସଭା ସାଙ୍ଗ ହେଲା ।
