ଶ୍ରୀନଗର : ଜମ୍ମୁ କାଶ୍ମୀରର କୁଲଗାମରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ହୋଇଥିବା ଗୁଳିବିନିମୟରେ ଜଣେ ଆତଙ୍କବାଦୀ ନିହତ ହୋଇଥିବା ଜଣାପଡିଛି । ତେବେ ନିହତ ଆତଙ୍କବାଦୀକୁ ଏପର୍ଯ୍ୟନ୍ତ ଚିହ୍ନଟ କରାଯାଇନଥିବା ବଳେ ଅନ୍ୟ ଆତଙ୍କବାଦୀମାନେ ମଧ୍ୟ ଏହି ଅଞ୍ଚଳରେ ଲୁଚି ରହିଥିବା ସୂଚନା ମିଳୁଛି । ବହୁ ସଂଖ୍ୟକ ଯବାନ ଏହି ଅଞ୍ଚଳକୁ ଘେରି ରହିଛନ୍ତି । ଆତଙ୍କବାଦୀମାନେ ଏହି ଅଞ୍ଚଳରୁ ପଳାୟନ ନକରିବା ପାଇଁ ଯବାନମାନେ ସମସ୍ତ ରାସ୍ତା ବନ୍ଦ କରି ଦେଇଛନ୍ତି । ଲୁଚି ରହିଥିବା ଆତଙ୍କବାଦୀଙ୍କୁ ଯଥାଶୀଘ୍ର ମୃତ କିମ୍ବା ଜୀବନ୍ତ ଧରିବା ପାଇଁ ସୁରକ୍ଷାବାହିନୀ ଉଦ୍ୟମ ଜାରି ରଖିଛି ।