ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ନିର୍ବାଚନ ମଣ୍ଡଳୀର ମହୁଲପାଲି ଗ୍ରାମ ପଞ୍ଚାୟତ ମହୁଲପାଲି ଗ୍ରାମଠାରେ ବରିକେଲ ମଣ୍ଡଳ ସଭାପତି ସୌକିଲାଲ ସାହାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଆଗାମୀ ପଞ୍ଚାୟତ ନିର୍ବାଚନ କାର୍ଯ୍ୟକର୍ତ୍ତାଙ୍କ ବୈଠକ ଅନୁଷ୍ଠିତ ହୋଇଥିଲା । ରାଜ୍ୟ କୃଷକ ମୋର୍ଚ୍ଚା ସଭାପତି ତଥା ପୂର୍ବତନ ବିଧାୟକ ପ୍ରଦୀପ ପୁରୋହିତ, ଏସଟି ମୋର୍ଚ୍ଚା ସାଧାରଣ ସମ୍ପାଦକ ଗୋବର୍ଦ୍ଧନ ଭୁଏ, ଜିଲ୍ଲା ସମ୍ପାଦିକା ସରସ୍ୱତୀ ସାହୁ, ଜିଲ୍ଲା କୃଷକ ମୋର୍ଚ୍ଚା ସଭାପତି ଚିତ୍ରସେନ ବାଗ, ବରିକେଲ ମଣ୍ଡଳ କୃଷକ ମୋର୍ଚ୍ଚା ସଭାପତି ବସନ୍ତ ବଢେଇ, ସର୍ଗିବହାଲ ମଣ୍ଡଳ ସଭାପତି ନିରାକାର ବରିହା, ଝାରବନ୍ଧ ସାଂସଦ ପ୍ରତିନିଧି ହରିହର ସାହୁ, ପଦ୍ମପୁର ସାଂସଦ ପ୍ରତିନିଧି ଚିନ୍ମୟ କୁମର ପଣ୍ଡା, ବରିକେଲ ମଣ୍ଡଳ ଯୁବମୋର୍ଚ୍ଚା ସଭାପତି ରାଜେନ୍ଦ୍ର ମରେଇ, ବରିକେଲ ମଣ୍ଡଳର ସାଧାରଣ ସମ୍ପାଦକ ରାଜୁ ବେହେରା, ମହୁଲପାଲି ଗ୍ରାମ ପଞ୍ଚାୟତ ସରପଞ୍ଚ ଯୁଗଳ କିଶୋର ସାହୁ ପ୍ରମୁଖ ଯୋଗଦାନ କରିଥିଲେ । ଏଥିରେ ଜିଲ୍ଲା କୋଡ଼ିନେଟର ଲକ୍ଷ୍ମୀକାନ୍ତ ବରିହା ମଞ୍ଚ ସଞ୍ଚାଳନ କରିଥିବା ବେଳେ ବିଜେପି ବରିଷ୍ଟ ନେତା ଲୋଚନ ବରିହା କାର୍ଯ୍ୟକ୍ରମକୁ ପରିଚାଳନା କରିଥିଲେ । ମହୁଲପାଲି ଗ୍ରାମ ବରିଷ୍ଟ କାର୍ଯ୍ୟକର୍ତ୍ତା ଚୂଡ଼ାମଣି ସାହୁ ଓ ବିଭୀଷଣ ସାହୁଙ୍କୁ ଭାରତରତ୍ନ ଅଟଳ ବିହାରୀ ବାଜପେୟୀଙ୍କ ନାମରେ ନାମିତ ଅଟଳ ସମ୍ମାନରେ ସମ୍ମାନିତ କରାଯାଇଥିଲା । ନବ ନିଯୁକ୍ତ ରାଜ୍ୟ ଏସ୍ଟି ମୋର୍ଚ୍ଚା ସାଧାରଣ ସମ୍ପାଦକ ଗୋବର୍ଦ୍ଧନ ଭୁଏଙ୍କୁ ବରିକେଲ ମଣ୍ଡଳ ରାଜିବ ବୁଦ୍ଧିଆ, ମଣ୍ଟୁ ପାଣ୍ଡେ, ଲକ୍ଷ୍ମୀକାନ୍ତ ବରିହା, ରାଜୁ ବେହେରା, ନରହରି ପାଣ୍ଡେ ସମ୍ବୋଧନ କରିଥିଲେ । ମହୁଲ ପାଲି ଗ୍ରାମ ପଞ୍ଚାୟତର ପ୍ରମୁଖ ଭିକାରୀ ଚରଣ ସାହୁ ଓ ସହ ପ୍ରମୁଖ ଜିତେନ୍ଦ୍ର କୁମାର ସାହୁଙ୍କୁ ଭାରତୀୟ ଜନତା ପାର୍ଟି ତରଫରୁ ସର୍ବ ସମ୍ମତି କ୍ରମେ ଘୋଷଣା କରାଯାଇଛି । ଭାରତୀୟ ଜନତା ପାର୍ଟିର ବିଚାର ଧାରାରେ ଅନୁପ୍ରାଣିତ ହୋଇ ଅନିଲ ବରିହା, ପ୍ରଶାନ୍ତ ବେହେରା ଓ ବୁଲୁ ସାହୁ ଭାତୀୟ ଜନତା ପାର୍ଟିରେ ଯୋଗଦାନ କରିଥିଲେ । ପଦ୍ମପୁର ପୂର୍ବତନ ତଥା ରାଜ୍ୟ କୃଷକ ମୋର୍ଚ୍ଚା ସଭାପତି ପ୍ରଦୀପ ପୁରହିତ ତୃଣମୂଳ ସ୍ତରରୁ ବରିକେଲ ମଣ୍ଡଳ ସଂଗଠନ ସୁଦୃଢ ହେଉଥିବାରୁ ସନ୍ତୋଷ ବ୍ୟକ୍ତ କରିଥିଲେ । ପରିଶେଷରେ ସର୍ଗିବାହଲ ମଣ୍ଡଳର ସଭାପତି ନିରାକାର ବରିହା ଧନ୍ୟବାଦ ଦେଇ ସଭା ଶେଷ କରିଥିଲେ ।