ବଲାଙ୍ଗିର, (କେପିଏନ୍ଏସ୍) : ଜିଲ୍ଲା ଛାତ୍ର କଂଗ୍ରେସ କମିଟି ତରଫରୁ ଆୟୋଜିତ ହେଇଥିବା ରକ୍ତଦାନ ଶିବର ଆଜି ୧୭ ତମ ଦିନରେ ପହଁଚିଲା । ତେବେ ଏହି ଅବସରରେ ଆଜି ଜିଲ୍ଲା ଛାତ୍ର କଂଗ୍ରେସ ସଭାପତି ଅଙ୍କିତ ସାହୁଙ୍କ ନେତୃତ୍ୱରେ ରକ୍ତଦାନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟତଃ ଅଙ୍କିତ ସାହୁ, ଶୁଭେନ୍ଦୁ ସାହୁ, ଗୋବିନ୍ଦ ପୁଟେଲ, ଆନନ୍ଦ ମିଶ୍ର, ନନ୍ଦୀ ସାହୁ ପ୍ରମୁଖ ରକ୍ତଦାନ କରିଥିଲେ । ଆଜି ଏହି ରକ୍ତଦାନ କାର୍ଯ୍ୟକ୍ରମରେ ବରିଷ୍ଠ କଂଗ୍ରେସ ନେତା ତଥା ବଲାଙ୍ଗିର ଜିଲ୍ଲା କଂଗ୍ରେସ କମିଟି ସଭାପତି ଦିଲୀପ ବେହେରା ଉପସ୍ଥିତ ରହି ରକ୍ତ ଦାତା ମାନଙ୍କୁ ପ୍ରମାଣପତ୍ର ବାଣ୍ଟିବା ସହ ତାଙ୍କୁ ଉତ୍ସାହିତ କରିଥିଲେ । ଅନ୍ୟମାନଙ୍କ ମଧ୍ୟରୁ ମନୀଷ ମିଶ୍ର, ବୁଲୁ ଦାନୀ, କୈଳାଶ ମିଶ୍ର, ସଞ୍ଜୟ ମିଶ୍ର, ଅଜୟ ବାଲି, ଟୁଲୁ ସେନ, ଅମୀୟ ବଗର୍ତ୍ତି ପ୍ରମୁଖ ଉପସ୍ଥିତ ଥିଲେ ।