ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଗଞ୍ଜାମ ଜିଲ୍ଲାର ସଦର ମହକୁମା ଛତ୍ରପୁର ସ୍ଥିତ ବ୍ରହ୍ମା କୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ ଛତ୍ରପୁର ଶାଖା ପକ୍ଷରୁ ପବିତ୍ର ଶ୍ରୀକୃଷ୍ଣ ଜନ୍ମାଷ୍ଟମୀ ଉତ୍ସବ ବର୍ଣ୍ଣାଢ଼୍ୟ ସମାରୋହରେ ପାଳିତ ହୋଇଯାଇଛି । ମୁଖ୍ୟଅତିଥୀ ଭାବେ ଅତିରିକ୍ତ ଜିଲ୍ଲାପାଳ (ରାଜସ୍ୱ) ଦେବଦତ୍ତ ପଣ୍ଡା ଯୋଗଦେଇ ଏହି ଅଧ୍ୟାତ୍ମିକ ଜାଗରଣ ମଞ୍ଚରେ ପ୍ରଦୀପ ଜାଳି ଏହାକୁ ଆନୁଷ୍ଠାନିକ ଭାବେ ଉଦ୍ଘାଟନ କରିଥିବା ସାଙ୍ଗକୁ ଈଶ୍ୱରୀୟ ଜ୍ଞାନ ସନ୍ଦେଶ ପ୍ରଦାନ କରିଥିଲେ । ସମ୍ମାନିତ ଅତିଥୀ ଭାବେ ବିଜେପି ନେତା ତଥା ଅବସରପ୍ରାପ୍ତ ସେନାକର୍ମୀ ବି. ଶଙ୍କର ରାଓ ଯୋଗଦେଇ ଏହି କାର୍ଯ୍ୟକ୍ରମରେ ସାମିଲ ହୋଇ ସଂସ୍ଥାନର ଭୂୟସୀ ପ୍ରଂଶସା କରିଥିଲେ । ରାଜଯୋଗିନୀ ବ୍ରହ୍ମା କୁମାରୀ ବିଜୟ ଲକ୍ଷ୍ମୀ ଏଥିରେ ଅଧ୍ୟକ୍ଷତା କରିଥିବା ବେଳେ ବ୍ରହ୍ମା କୁମାରୀ ପିଙ୍କି ଭଉଣୀ ଏହି ଦିବସର ମହତ୍ତ୍ୱ ପ୍ରତିପାଦନ କରିଥିଲେ । ବ୍ରହ୍ମା କୁମାର୍ ବାଲା କ୍ରିଷ୍ଣା ଭାଇ ଶେଷରେ ଧନ୍ୟବାଦ ଜଣାଇଥିଲେ । ଏହି ଅବସରରେ ଶିଶୁମାନଙ୍କ ମଧ୍ୟରେ ସାଂସ୍କୃତିକ ପ୍ରତିଭା ପରିବେଷଣ ହୋଇ କାର୍ଯ୍ୟକ୍ରମଟି ଖୁବ୍ ମୁଖରୀତ ହୋଇଥିଲା ।