ବଳଙ୍ଗା : ବଳଙ୍ଗା ନାବାଳିକା ପୋଡ଼ି ଘଟଣାରେ ନୂଆ ଟୁଇଷ୍ଟ । ପୁଲିସ ଟିମ୍ ହାତରେ ଲାଗିଲା ବଡ଼ ସୁରାକ୍ । ମାରାଥନ୍ ଜେରାରେ ମୁହଁ ଖୋଲିଲେ କ୍ରୀଷ୍ଣା ଜୁଏଲାରୀ ଦୋକାନୀ କୁନୁ ସାହୁ । ଅଢ଼େଇ ମାସ ତଳେ ପୀଡ଼ିତାଙ୍କ ସାଙ୍ଗ କିଣିଥିଲେ ରୁପା ମୁଦି । ସାଙ୍ଗରେ ଆସିଥିଲେ ଅନ୍ୟ ଜଣେ ନାବାଳିକା । ମୁଦି ବାବଦକୁ ୫୦୦ଟଙ୍କା ଦେଇଥିବା ଗହଣା ଦୋକାନୀ ସୂଚନା ଦେଇଛନ୍ତି । ଜେରା ପରେ ଜୁଏଲାରୀ ମାଲିକ କୁନୁ ସାହୁଙ୍କୁ ଛାଡ଼ିଛି ପୁଲିସ । ପୀଡ଼ିତାଙ୍କ ପାଖକୁ ମୁଦି କେମିତି ଗଲା ବୋଲି ପ୍ରଶ୍ନ ଉଠିଛି । ଗୁରୁବାର ସନ୍ଧ୍ୟାରେ ବଳଙ୍ଗା ବଜାରର ଜଣେ ସୁନା ଦୋକାନୀକୁ ଉଠାଇ ନେଇ କ୍ରାଇମ୍ ସ୍ପଟ୍ରୁ ମିଳିଥିବା ରୁପା ମୁଦି ସମ୍ପର୍କରେ ପଚରାଉଚରା କରିଛି । ରୁପା ମୁଦିଟି ଉକ୍ତ ସୁନା ଦୋକାନରୁ ବିକ୍ରି ହୋଇଥିବା ବେଳେ ଅଢ଼େଇ ୨ ମାସ ତଳେ ଜଣେ ପୀଡ଼ିତାଙ୍କ ସାଙ୍ଗ ମୁଦିଟିକୁ କିଣିଥିବା ସେ କ୍ରାଇମ୍ବ୍ରାଞ୍ଚ ଟିମ୍କୁ ସୂଚନା ଦେଇଛନ୍ତି । ଘଟଣାକୁ ନେଇ ଦୀର୍ଘ ଦିନ ହୋଇଥିବା ବେଳେ ଦୋକାନରେ ଲାଗିଥିବା ସିସିଟିଭି ଫୁଟେଜରୁ କିଛି ତଥ୍ୟ ମିଳିନାହିଁ । ଏହି ମୁଦି ଘଟଣାକୁ ନୂଆ ମୋଡ଼ ଦେବ ବୋଲି ଆଶା କରାଯାଉଛି । ତେବେ ଘଟଣା ଘଟିଥିବା ସ୍ଥାନକୁ ମୁଦିଟି କିପରି ଗଲା ତାକୁ ନେଇ କ୍ରାଇମ୍ବ୍ରାଞ୍ଚ ଟିମ୍ ଖୋଳତାଡ଼ ଚଳାଇଥିବା ବେଳେ ମୁଦି କିଣିଥିବା ନାବାଳିକାଙ୍କୁ ଚିହ୍ନଟ ପାଇଁ ତଦନ୍ତ ଚାଲିିଛି ।
