ଭୁବନେଶ୍ୱର, (ପିଆଇବି) : ଇନଷ୍ଟିଚ୍ୟୁଟ୍ ଅଫ୍ ହୋଟେଲ୍ ମ୍ୟାନେଜମେଣ୍ଟ୍ (ଆଇଏଚ୍ଏମ୍), ଭୁବନେଶ୍ୱର ପକ୍ଷରୁ ଅନୁଷ୍ଠାନର ବାର୍ଷିକ ଦିବସ ଖୁବ୍ ଧୁମଧାମରେ ପାଳିତ ହୋଇଯାଇଛି । ଏହା ଆତିଥ୍ୟ ଶିକ୍ଷାକ୍ଷେତ୍ରରେ ଉତ୍କର୍ଷ ଯାତ୍ରାରେ ଆଉ ଏକ ମାଇଲଖୁଣ୍ଟ ସୃଷ୍ଟି କରିଛି । ଏହି ଅବସରରେ ଇଷ୍ଟର୍ଣ୍ଣ ଇଣ୍ଡିଆ କଲିନାରୀ ଆସୋସିଏସନ (ଇଆଇସିଏ)ର ଓଡ଼ିଶା ଚାପ୍ଟରର ସମ୍ମାନଜନକ ଉଦ୍ଘାଟନ କାର୍ଯ୍ୟକ୍ରମର ଗୁରୁତ୍ଵକୁ ଆହୁରି ବୃଦ୍ଧି କରିଥିଲା, ଯାହା ରୋଷେଇ କଳା ଓ ଉଦ୍ୟୋଗ ସହଯୋଗ ପ୍ରତି ଅନୁଷ୍ଠାନର ପ୍ରତିବଦ୍ଧତା କ୍ଷେତ୍ରରେ ଏକ ନୂତନ ଦିଗକୁ ଯୋଡିଥିଲା । ଏହି ଅବସରରେ ଓଡ଼ିଶା ସରକାରଙ୍କ ପର୍ଯ୍ୟଟନ ବିଭାଗର କମିଶନର ତଥା ସଚିବ ବଲୱନ୍ତ ସିଂହ, ଆଇଏଫ୍ସିଏର ସଭାପତି ସେଫ୍ ମନଜିତ ସିଂହ ଗିଲ୍, ସ୍ୱସ୍ତି ଗ୍ରୁପ୍ ଅଫ୍ ଇନଷ୍ଟିଚ୍ୟୁବ୍ସନ୍ର ଅଧ୍ୟକ୍ଷ ଡ. ଜେ.କେ. ମହାନ୍ତି, ର୍କ୍ୟାକ୍ରମରେ ଯୋଗଦେଇଥିବା ବେଳେ ଇଆଇସିଏର ପ୍ରତିନିଧିତ୍ୱ କରୁଥିବା ସାରାଦେଶରୁ ୧୨ରୁ ଅଧିକ ସେଫ୍, ସହରର କିଛି ପ୍ରମୁଖ ସେଫ୍, ନିମନ୍ତ୍ରିତ ବ୍ୟକ୍ତି ଏବଂ ଛାତ୍ରଛାତ୍ରୀ ଉପସ୍ଥିତ ଥିଲେ । ମୁଖ୍ୟ ଅତିଥି ତାଙ୍କ ଅଭିଭାଷଣରେ ଆତିଥ୍ୟ ପେଶାଦାରମାନଙ୍କ ଭବିଷ୍ୟତ ଗଠନ ଦିଗରେ ଆଇଏଚ୍ଏମ୍ ଭୁବନେଶ୍ୱରର ନିରନ୍ତର ପ୍ରୟାସକୁ ପ୍ରଶଂସା କରିଥିଲେ ଏବଂ ଓଡ଼ିଶାର ସମୃଦ୍ଧ ସଂସ୍କୃତି ଓ ଐତିହ୍ୟକୁ ପ୍ରୋତ୍ସାହିତ କରିବା ଦିଗରେ ସହଯୋଗ କରିବାକୁ ପ୍ରତିଶ୍ରୁତି ଦେଇଥିଲେ । ଏହି ଦିବସର ଏକ ଗୁରୁତ୍ୱପୂର୍ଣ୍ଣ ଆକର୍ଷଣ ଥିଲା ଇଆଇସିଏ ଓଡ଼ିଶା ଚାପ୍ଟରର ଆନୁଷ୍ଠାନିକ ଶୁଭାରମ୍ଭ , ଯାହା କି ରନ୍ଧନ କଳା କ୍ଷେତ୍ରରେ ଉତ୍କର୍ଷ ଏବଂ ଶିଳ୍ପ ସଂଯୋଗକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ ଏକ ସମ୍ମାନଜନକ ପଦକ୍ଷେପ ଥିଲା । ଏହି ଅଧ୍ୟାୟ ଆକାଂକ୍ଷୀ ସେଫ, ଶିଳ୍ପ ପେସାଦାର ଏବଂ ଶିକ୍ଷାବିତ୍ ମାନଙ୍କ ପାଇଁ ଓଡ଼ିଶା ତଥା ଓଡ଼ିଶା ବାହାରେ ରନ୍ଧନ କଳାର ମାନ ବୃଦ୍ଧି ପାଇଁ ସହଯୋଗ, ସୃଜନଶୀଳତାର ଏକ କେନ୍ଦ୍ର ଭାବରେ କାର୍ଯ୍ୟ କରିବା ସହିତ ବିଶେଷ କରି ଓଡ଼ିଆ ଖାଦ୍ୟର ପ୍ରଚାର ପ୍ରସାର ଉପରେ ଗୁରୁତ୍ୱ ଦେବ । ଉଦଘାଟନ ଅବସରରେ ଆଇଏଫସିଏର ସଭାପତି ସେଫ୍ ମନଜିତ ସିଂହ ଗିଲ୍ ଏହି ପଦକ୍ଷେପ ଏବଂ ଏହି କ୍ଷେତ୍ରରେ ରନ୍ଧନ କଳାର ଶିକ୍ଷା ଏବଂ ବୃତ୍ତିଗତ ନେଟୱାର୍କିଂରେ ବୈପ୍ଳବିକ ପରିବର୍ତ୍ତନ ଆଣିବାର ସମ୍ଭାବନା ବିଷୟ ଉପରେ ଉଲ୍ଲେଖ କରିବା ସହିତ ଉତ୍ସାହ ପ୍ରକାଶ କରିଥିଲେ । ଆଇଏଚ୍ଏମ୍ ଭୁବନେଶ୍ୱର ସହ ମିଳିତ ସହଯୋଗ ଛାତ୍ରଛାତ୍ରୀଙ୍କୁ ପରାମର୍ଶ, ପ୍ରଶିକ୍ଷଣ ଏବଂ ବିଶ୍ୱସ୍ତରୀୟ ରନ୍ଧନ କଳାର ଧାରା ବିଷୟରେ ଅବଗତ କରାଇବାର ସୁଯୋଗ ପ୍ରଦାନ କରିବ । ଆଇଏଚ୍ଏମ୍ ଭୁବନେଶ୍ୱରର ଅଧ୍ୟକ୍ଷା ଶ୍ରୀମତୀ ଶାରଦା ଘୋଷ ତାଙ୍କ ଅଭିଭାଷଣରେ ଉଦ୍ୟୋଗ ପାଇଁ ପ୍ରସ୍ତୁତ ବୃତ୍ତିଜୀବୀମାନଙ୍କୁ ପ୍ରୋତ୍ସାହିତ କରିବା ଏବଂ ଶିକ୍ଷା କ୍ଷେତ୍ର – ଉଦ୍ୟୋଗ ସମ୍ପର୍କ ବୃଦ୍ଧି ପାଇଁ ଅନୁଷ୍ଠାନର ଦୃଷ୍ଟିକୋଣ ସମ୍ପର୍କରେ ଦୋହରାଇଥିଲେ । ଆତିଥେୟତା ଶିକ୍ଷାରେ ସୃଜନଶୀଳତା, ଶିକ୍ଷା ଏବଂ ଉତ୍କର୍ଷତାର ଭାବନାକୁ ପାଳନ କରିବାରେ ଇଆଇସିଏ ଓଡ଼ିଶା ଚାପ୍ଟର ଏବଂ ବାର୍ଷିକ ଦିବସର ମହତ୍ତ୍ୱ ଉପରେ ସେ ଆଲୋକପାତ କରିଥିଲେ । ଇଆଇସିଏ ଓଡ଼ିଶା ଚାପ୍ଟରର ଉଦ୍ଘାଟନ ସହ ଆଇଏଚ୍ଏମ୍ ଭୁବନେଶ୍ୱର ପୁଣି ଥରେ ଆତିଥ୍ୟ ଶିକ୍ଷାର ମାନକୁ ଆଗକୁ ବୃଦ୍ଧି କରିବା ଏବଂ ଛାତ୍ରଛାତ୍ରୀଙ୍କୁ ବୃତ୍ତିଗତ ଅଭିବୃଦ୍ଧି ଓ ଉତ୍କର୍ଷତା ପାଇଁ ଅତୁଳନୀୟ ସୁଯୋଗ ପ୍ରଦାନ କରିବା ନିମନ୍ତେ ନିଜର ପ୍ରତିବଦ୍ଧତାକୁ ଦୋହରାଇଛି ।