ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ଲଖନା ପଞ୍ଚାୟତ ବ୍ରାହ୍ମଣୀ ଗ୍ରାମର ଦେବାନନ୍ଦ ଖମାରୀଙ୍କ ଗତ ତା ୨୧/୧୨/୨୦୨୪ରିଖ ଶନିବାର ଦିନ ସକାଳ ୮ଘଣ୍ଟା ସମୟରେ ବଲାଙ୍ଗିର ଜିଲ୍ଲା ମୁଖ୍ୟ ଚିକିତ୍ସାଳୟରେ ପରଲୋକ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ ୭୪ବର୍ଷ ହୋଇଥିଲା । ସେ କିଛି ଦିନ ହେଲା ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଥିଲେ । ମୃତ୍ୟୁ ପରେ ତାଙ୍କ ମର ଶରୀରକୁ ନିଜ ବାସଭବନକୁ ଅଣାଯାଇଥିଲା । ଅନେକ ବନ୍ଧୁ ବାନ୍ଧବ ଓ ଆତ୍ମୀୟ ସ୍ୱଜନ ତାଙ୍କ ଶେଷ ଦର୍ଶନ କରିଥିଲେ । ଶେଷ ଶଯ୍ୟା ନିକଟରେ ପତ୍ନୀ ପ୍ରେମ, ଏକମାତ୍ର ପୁତ୍ର କୁମୁଦ, ପୁତ୍ରବଧୂ ରେଣୁକା, ତାଙ୍କ ଅନ୍ୟ ୪ ଭାଇ କୁବେର, ରସାନନ୍ଦ, ମକରଧ୍ୱଜ ଓ ଧନପତଙ୍କ ସହ ସମସ୍ତ ପରିବାର, ଆତ୍ମୀୟସ୍ୱଜନ ଉପସ୍ଥିତ ଥିଲେ । ସେ ଜଣେ ମେଳାପୀ, ମିଷ୍ଟଭାଷୀ ସ୍ୱଭାବର ବ୍ୟକ୍ତି ଥିଲେ । ସ୍ୱର୍ଗତ ମୃତ ଦେବାନନ୍ଦଙ୍କ ପୁତୁରା ବୈଶୁଧ ଖମାରୀ ମୁଖାଗ୍ନି ଦେଇଥିଲେ । ତାଙ୍କ ମୃତ୍ୟୁରେ ବ୍ରାହ୍ମଣୀ ସମେତ ଆଖପାଖ ଅଞ୍ଚଳରେ ଶୋକର ଛାୟା ଖେଳିଯାଇଛି ।