ବଲାଙ୍ଗିର, (କେପିଏନ୍ଏସ୍) : ଏ.କେ.ଫିଲ୍ମସ୍ର ଓଡ଼ିଆ/କୋଶଲୀ ଚଳଚ୍ଚିତ୍ର ପୁରସ୍କାରରେ ଦୁଇଟି ବିଭାଗରେ ପୁରସ୍କାର ମିଳିଛି । ଏହା ବଲାଙ୍ଗିର ପାଇଁ ଗୌରବ ଆଣିଦେଇଛି । ଅଶୋକ ମିଶ୍ରଙ୍କ ପ୍ରଯୋଜିତ ଏହି ଫିଲ୍ମରେ ଅଶୋକ ମିଶ୍ର ଓ ହିମାଂଶୁ ଖମାରୀ ନିର୍ଦ୍ଦେଶନା ଦେଇଛନ୍ତି । ଏଥିରେ ଗୀତ ରଚନାରେ ଶ୍ରେଷ୍ଠ ଗୀତିକାର ଭାବେ କପିଳେଶ୍ୱର ଖମାରୀ ଓ ଶ୍ରେଷ୍ଠ ଗାୟକ ଭାବେ ମାଧବ ଦାସଙ୍କୁ ‘ଯାରେ ମନ ମୋର’ ଗୀତ ପାଇଁ ପୁରସ୍କୃତ କରାଯାଇଛି । ଜୟ ପ୍ରକାଶ ପୂଜାରୀ ଏହାର ସଂଗୀତ ସଂଯୋଜନା କରିଛନ୍ତି । ସ୍ଥାନୀୟ ସାମ୍ବାଦିକ ଭବନ ଠାରେ ଉଭୟଙ୍କୁ ସମ୍ବର୍ଦ୍ଧନା ଦିଆଯାଇଛି । ପ୍ରକାଶଯୋଗ୍ୟ ଯେ, ଗତ ୧୭ ତାରିଖରେ ଭୁବନେଶ୍ୱର ଠାରେ ଏକ ଉତ୍ସବରେ ଉପମୁଖ୍ୟମନ୍ତ୍ରୀ ପ୍ରଭାତି ପରିଡ଼ାଙ୍କ ଠାରୁ ଉଭୟ ବିଜୟୀ ପୁରସ୍କାର ଗ୍ରହଣ କରିଥିଲେ । ଏହି ସଫଳତା ପାଇଁ ସେମାନେ ନିର୍ଦ୍ଦେଶକ ଓ ସଂଗୀତ ନିର୍ଦ୍ଦେଶକଙ୍କୁ ଧନ୍ୟବାଦ ଜଣାଇଛନ୍ତି । ଉକ୍ତ ଫିଲ୍ମ ପୂର୍ବରୁ ଦିଲ୍ଲୀରେ ଦାଦାସାହେବ ଫାଲ୍କେ ପୁରସ୍କାର ପାଇଛି । ପୂର୍ବରୁ ଅଶୋକ ମିଶ୍ରଙ୍କ ନିର୍ଦ୍ଦେଶିତ ଦୁଇଟି କୋଶଲୀ ଟେଲିଫିଲ୍ମ ଈଶ୍ୱର ଓ ରାଗଡ଼ ମଧ୍ୟ ପୁରସ୍କାର ପାଇସାରିଛି ।