କଣ୍ଟାବାଞ୍ଜି, (ପିତାମ୍ବର ଦୀପ) : କଣ୍ଟାବାଞ୍ଜିରୁ ତୁରେକେଲା ଯାଉଥିବା ରେଳ ଧାରଣାରୁ ଜିଆରପି ଜଣେ ଯୁବକଙ୍କ ମୃତଦେହ ଉଦ୍ଧାର କରିଛି । ମୃତକ ଯୁବକ ଜଣକ ବଙ୍ଗୋମୁଣ୍ଡା ଝାଙ୍କରପଡାର ସୁଦାମ ସିନ୍ଦୁର ବୋଲି ଜଣାପଡ଼ିଛି । ସୂଚନା ମୁତାବକ, କଣ୍ଟାବାଞ୍ଜିରୁ ତୁରେକେଲା ଯାଉଥିବା ଟ୍ରେନ୍ ଲାଇନ୍ରେ ଜଣେ ଯୁବକଙ୍କ ଖଣ୍ଡ ବିଖଣ୍ଡିତ ମୃତଦେହ ପଡ଼ିଥିବା ଦେଖିଥିଲେ ସ୍ଥାନୀୟଲୋକେ । ଏହା ଦେଖି ଜିଆରପିକୁ ସୂଚନା ଦେଇଥିଲେ । ଖବର ପାଇ ଘଟଣାସ୍ଥଳରେ ଜିଆରପି ପହଞ୍ଚି ମୃତଦେହ ଜବତ କରି ଘଟଣାର ତଦନ୍ତ କରିଥିଲେ । ପରିଚୟ ମିଳିବା ପରେ ମୃତକଙ୍କ ପରିବାର ଲୋକଙ୍କୁ ଖବର ଦିଆଯାଇଛି । ତେବେ ଯୁବକଙ୍କ ମୃତଦେହ ଏକ ମାଲବାହୀ ରେଳ ଧାରଣାରେ ପଡ଼ିଥିବାରୁ କୌଣସି ମାଲବାହୀ ଟ୍ରେନ୍ ଧକ୍କାରେ ଏହି ଦୁର୍ଘଟଣା ଘଟିଥିବା ସନ୍ଦେହ କରାଯାଉଛି । ପ୍ରାଥମିକ ତଦନ୍ତରୁ ଯୁବକ ଜଣକ ଆତ୍ମହତ୍ୟା କରିଥିବା ଜିଆରପି ଅଧିକାରୀ ସୂଚନା ଦେଇଛନ୍ତି।