ଡେଲାଙ୍ଗ, (ଦିଲ୍ଲୀପ କୁମାର ଧାଉଡିଆ) : ଅକ୍ଟୋବର ମାସର ଦ୍ୱିତୀୟ ଗୁରୁବାର ‘ବିଶ୍ୱ ଦୃଷ୍ଟି ଦିବସ’ ଭାବରେ ପାଳନ କରାଯାଏ । ଏହି ବର୍ଷ ଏହା ୧୦ ଅକ୍ଟୋବରରେ ଆମ ଚକ୍ଷୁ ଏବଂ ଦୃଷ୍ଟିଶକ୍ତିର ସୁରକ୍ଷା କରିବା, ଦୃଷ୍ଟି ଶକ୍ତି ଦୁର୍ବଳତା ଏବଂ ଅନ୍ଧତ୍ୱ ବିଷୟରେ ସଚେତନତା ସୃଷ୍ଟି କରିବା, ଏବଂ ଏ ଦିଗରେ ଯତ୍ନ ନେବାରେ ପ୍ରୋତ୍ସାହନ ପାଇଁ ଏହି ଦିବସ ପାଳନ ଏକ ସୁଯୋଗ ପ୍ରଦାନ କରେ । ନିଜ ଚକ୍ଷୁ ସ୍ୱାସ୍ଥ୍ୟକୁ ପ୍ରାଥମିକତା ଦେବା ପାଇଁ ବିଶ୍ୱ ଦୃଷ୍ଟି ଦିବସ ଏକ ସତର୍କ ସଙ୍କେତ ରୂପେ କାର୍ଯ୍ୟ କରେ । ଡିଜିଟାଲ୍ ଡିଭାଇସ୍ ବ୍ୟବହାର କରି ପଢିବା କିମ୍ବା ଅନ୍ୟ ଯେକୌଣସି କାର୍ଯ୍ୟକଳାପ ସମୟରେ ନିୟମିତ ବିରତି ନେବା ଉଚିତ । ସେଭଳି କୌଣସି ରାସାୟନିକ ପଦାର୍ଥ ବ୍ୟବହାର ହେଉଥିବା କାର୍ଯ୍ୟ କଳାପ ସମୟରେ ଆଖିର ସୁରକ୍ଷା କବଚ ପିନ୍ଧିବା ଜରୁରୀ ଅଟେ । ଆଖି ରୋଗକୁ ରୋକିବା ପାଇଁ ଧୂମପାନ ଏବଂ ଆଲଟ୍ରା ଭାୟଲେଟ (ୟୁଭି) ଏକ୍ସପୋଜରକୁ ମଧ୍ୟ ଏଡାଇବା ଉଚିତ୍, ତେଣୁ ଚଷମା ଏବଂ ଟୋପି ପିନ୍ଧିବା ଜରୁରୀ । ଯେତେବେଳେ ଦୃଷ୍ଟିଶକ୍ତି ଦୁର୍ବଳତା ଶିକ୍ଷା ଏବଂ ସାମାଜିକ ଅନ୍ତର୍ଭୂକ୍ତିକୁ ପ୍ରଭାବିତ କରିପାରେ, ଚଷମା ବ୍ୟବହାର ଭଳି ସରଳ ସମାଧାନ ଏକ ଆଶ୍ୱସ୍ତ ଆଣିପାରେ । ମେ ୨୦୨୪ ରେ, ବିଶ୍ଵ ସ୍ୱାସ୍ଥ୍ୟ ସଂଗଠନ (ଡବ୍ଲୁଏଚ୍ଓ) ଏକ ବିଶ୍ଵ ସ୍ତରୀୟ ଏସ୍ପିସିଏସ୍ ୨୦୩୦ ପଦକ୍ଷେପ ଆରମ୍ଭ କଲା, ଯାହା ଆବଶ୍ୟକ କରୁଥିବା ସମସ୍ତଙ୍କ ପାଇଁ ଗୁଣାତ୍ମକ, ସୁଲଭ ଦର୍ଶନ ଏବଂ ଆନୁଷଙ୍ଗିକ ଲୋକହିତ କେନ୍ଦ୍ରିତ ସେବାଗୁଡିକର ସୁନିଶ୍ଚିତ କରିବାକୁ । ୨୦୨୪ ରେ ବିଶ୍ଵ ସ୍ୱାସ୍ଥ୍ୟ ସଙ୍ଗଠନ ଶିଶୁ ମାନଙ୍କ ଚକ୍ଷୁ ସ୍ୱାସ୍ଥ୍ୟ ଉପରେ ଧ୍ୟାନ କେନ୍ଦ୍ରିତ କରିଛି । ତେଣୁ ଚଳିତ ବର୍ଷ ପାଇଁ ଥିମ୍ ହେଉଛି ‘ତୁମ ପିଲାମାନଙ୍କ ଚକ୍ଷୁର ଯତ୍ନ ପ୍ରତି ଧ୍ୟାନ ଦିଅ’ । ‘ଇନ୍ଟେରନ୍ୟାସନାଲ ଏଜେନ୍ସି ଫର ପ୍ରିଭେନସନ୍ ଅଫ୍ ବ୍ଳାଇଣ୍ଡନେସ୍ (ଆଇପିବ)’ ବା ‘ଅନ୍ଧତ୍ୱ ନିରାକରଣ ପାଇଁ ଆନ୍ତର୍ଜାତିକ ସଂସ୍ଥା’ ଦ୍ୱାରା ଏହି ଦିବସ ପାଳନ ସଂଯୋଜିତ ଅଟେ । ଏହି ଅଭିଯାନର ଲକ୍ଷ୍ୟ ଅନ୍ତର୍ଭୁକ୍ତ କରେ ଯେ, ଶିଶୁମାନଙ୍କ ମଧ୍ୟରେ ଦୃଷ୍ଟିଶକ୍ତି ହରାଇବା ବିଷୟରେ ସଚେତନତା ସୃଷ୍ଟି କରିବା, ପିଲାମାନଙ୍କ ପାଇଁ ଚକ୍ଷୁ ଯତ୍ନର ଉନ୍ନତି କରିବା, ପିଲାମାନଙ୍କ ପାଇଁ ସେବା ଏବଂ ଚିକିତ୍ସା ଯୋଗାଇବା ଇତ୍ୟାଦି । ଏହା ଅର୍ଥନୈତିକ ଏବଂ ଶିକ୍ଷାଗତ ସୁଯୋଗକୁ ସୁଦୁର ପ୍ରସାର କରିବାରେ ସହାୟକ ହେବ । ଆଜିର କମ୍ପ୍ୟୁଟର, ଲାପଟପ୍, ମୋବାଇଲ୍ ଫୋନ ଯୁଗରେ ଶିଶୁ ତଥା ଯୁବକ ମାନଙ୍କ ଚକ୍ଷୁ ପ୍ରଭାବିତ ହୋଇଥାଏ । ତେଣୁ ସେମାନଙ୍କ ଚକ୍ଷୁ ସ୍ୱାସ୍ଥ୍ୟ ପ୍ରତି ଧ୍ୟାନ ଦେବା ନିହାତି ଜରୁରୀ ସୋଇପଡ଼ିଛି । ଏହି ଅଭିଯାନ ବର୍ଷସାରା ହେବାର ଅଛି ଏବଂ ପିଲାମାନଙ୍କର ଦୃଷ୍ଟି ଏବଂ ଆଖି ସ୍ୱାସ୍ଥ୍ୟର ଅନନ୍ୟ ଆବଶ୍ୟକତା ଉପରେ ଧ୍ୟାନ ଦେଇଥାଏ । ଦୃଷ୍ଟିହୀନତାକୁ ରୋକିବା ବିଷୟରେ ଏହି ଦିନର କାର୍ଯ୍ୟକଳାପକୁ ସମର୍ଥନ କରିବା ପାଇଁ ଆଇପିବି ଏହାର ସଦସ୍ୟ ସଂଗଠନ ସହିତ ସହଭାଗୀତା କରୁଛି । ବିଶ୍ୱ ଦୃଷ୍ଟି ଦିବସରେ, ଚାଲନ୍ତୁ ବର୍ତ୍ତମାନ ଏବଂ ଆସନ୍ତାକାଲି ଉତ୍ତମ ଦୃଷ୍ଟି ଶକ୍ତି ପାଇଁ ପିଲାମାନଙ୍କ ଆଖିକୁ ସୁରକ୍ଷା ଦେବା ପାଇଁ ପ୍ରତିଶୃତି ବଦ୍ଧ ହେବା ।