ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ପାଇକମାଲ ବ୍ଲକ ମାଣ୍ଡୋସିଲ ଗ୍ରାମରେ ଉପାୟ ସ୍ୱେଚ୍ଛାସେବୀ ଅନୁଷ୍ଠାନ ମାଣ୍ଡୋସିଲ ତରଫରୁ ଶେଖ ମହମ୍ମଦ ହନିଫଙ୍କ ସଭାପତିତ୍ୱରେ ପୁଷ୍ପୁନି ଭେଟ୍ଘାଟ୍ ଆୟୋଜିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ପ୍ରଦୀପ ପୁରୋହିତ ପୂର୍ବତନ ବିଧାୟକ ପଦ୍ମପୁର ତଥା ବିଜେପି ରାଜ୍ୟ ମୁଖପାତ୍ର, ସମ୍ମାନିତ ଅତିଥି ଭାବେ ଶ୍ରୀମତୀ ତ୍ରିପୁରା ବରିହା ଜିଲ୍ଲା ପରିଷଦ ସଭ୍ୟା ମାଣ୍ଡୋସିଲ ମଣ୍ଡଳ ଉପସ୍ଥିତ ରହି ପୁଷ୍ପୁନି ଭେଟ୍ଘାଟ୍ ବିଷୟରେ କହିଥିଲେ । ଦୁଲ୍ଦୁଲି ବଜାରେ ଅତିଥିମାନଙ୍କୁ ଗାଁରେ ଭ୍ରମଣ କରାଇ ସ୍ୱାଗତ କରାଯାଇଥିଲା । ଏହି କାର୍ଯ୍ୟକ୍ରମରେ ପ୍ରଥମେ ଅତିଥିମାନଙ୍କ ଦ୍ଵାରା ଭାରତ ମାତାର ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ କରାଯାଇଥିଲା । ତାପରେ ଉପାୟ ଅନୁଷ୍ଠାନର ନିର୍ଦ୍ଦେଶକ ତଥା ସାଧାରଣ ସମ୍ପାଦକ ଲଳିତ ଜଗତ ଅନୁଷ୍ଠାନ କାର୍ଯ୍ୟକ୍ରମ କରୁଥିବା ବିବରଣୀ ବିଷୟରେ ଆଲୋକପାତ କରିଥିଲେ । ତାପରେ ସାଂସ୍କୃତିକ କାର୍ଯ୍ୟକ୍ରମ ଆରମ୍ଭ ହୋଇଥିଲା । ପାୟଲ ମେଲୋଡି ଜାମସେଠ୍, ଘଣ୍ଟେଶ୍ଵରୀ ପାଲା ପାର୍ଟି ଡୁଡୁକି ଝରିଆ, ସଂଚାର ଦଳ ଭୂତମୁଣ୍ଡା, ଦୁଲ୍ଦୁଲି ବଜା ପାର୍ଟି ଭେଙ୍ଗରାଜପୁର, ଦୁଲଦୁଲି ବଜା ପାର୍ଟି ଟେମରି, ଟିଙ୍କି ପ୍ରଧାନ ଓ ଆଶାଲତା ସୁନା ନିଜ ନିଜର କଳା ପରିବେଷଣ କରିଥିଲେ । ସମସ୍ତ କଳାକାରମାନଙ୍କୁ ଉତ୍ତରୀୟ ମାନପତ୍ର ଦେଇ ମୁଖ୍ୟ ଅତିଥି ସମ୍ମାନିତ କରିଥିଲେ । ଏହି କାର୍ଯ୍ୟକ୍ରମରେ ସୁବାଷ ହଂସ, କୁଳମଣି ବେହେରା, ଘନଶ୍ୟାମ ସାହୁ, ଚୁଡ଼ାମଣି ବାଗ, ତାରାଚାନ୍ଦ ସୁନା, ଆରତୀ ଛେଚୁଆ, ଶୈଳ ବାଳା ସାହୁ, ରିତୁ ବେହେରା, ଶେଖ ମହମ୍ମଦ ଅଲ୍ଲୀ, ଫିରୋଜ ଖାଁ ଓ ମାନସ ରଞ୍ଜନ ବରିହା ପ୍ରମୁଖ ସହଯୋଗ କରିଥିଲେ ।
Prev Post