ବଲାଙ୍ଗିର, (କେପିଏନ୍ଏସ୍) : ସାଧାରଣତନ୍ତ୍ର ଦିବସ ପାଳନ ଉପଲକ୍ଷେ ସ୍ଥାନୀୟ ଗାନ୍ଧୀ ଷ୍ଟାଡିୟମଠାରେ ପ୍ରଶାସନ ଏକାଦଶ ଓ ସାମ୍ବାଦିକ ଏକାଦଶ ମଧ୍ୟରେ ଏକ ବନ୍ଧୁତ୍ୱପୂର୍ଣ୍ଣ କ୍ରିକେଟ ମ୍ୟାଚ ଅନୁଷ୍ଠିତ ହୋଇଯାଇଛି । ଏହି ମ୍ୟାଚକୁ ପ୍ରଶାସନ ଏକାଦଶ ୭ଟି ୱିକେଟ ବିନିମୟରେ ବିଜୟ ଲାଭ କରିଛି । ପ୍ରଶାସନ ଏକାଦଶ ତରଫରୁ ଜିଲ୍ଲା ପରିଷଦ କାର୍ଯ୍ୟ ନିର୍ବାହୀ ଅଧିକାରୀ ତିନୋଟି ୱିକେଟ ନେବା ସହିତ ଚମକ୍ତାର ବ୍ୟାଟିଂ ପ୍ରଦର୍ଶନ କରିଥିଲେ । ସେହିଭଳି ସାମ୍ବାଦିକ ଏକାଦଶ ଦଳ ତରଫରୁ ପାର୍ଥ ମହାମାତ୍ର ଶେଷ ସମୟ ପର୍ଯ୍ୟନ୍ତ ବ୍ୟାଟିଂ ସମ୍ଭାଳିଥିଲେ । ସାମ୍ବାଦିକ ବିରେନ୍ଦ୍ର ଝାଙ୍କର ୨ଟି ୱିକେଟ ଓ ସୁନୀଲ ମହାନ୍ତି ଗୋଟିଏ ୱିକେଟ ନେଇଥିଲେ । ସାମ୍ବାଦିକ ଏକାଦଶ ତରଫରୁ ମୁନା ମିଶ୍ର, ପ୍ରଦୀପ୍ତ ମିଶ୍ର, ଦୀପକ ପୁରୋହିତ, ନରେଶ ସାହୁ, ଘଟେଶ୍ୱର ମିଶ୍ର, ତରୁଣ ସାହୁ, ରାଧାକାନ୍ତ ମିଶ୍ର, ବିରେନ ନାଗ, କରୁଣାକର ପ୍ରଧାନ, ସୁବ୍ରତ ନାଏକ ଓ ସୁଜିତ ସେଠ ମ୍ୟାଚ ଖେଳିଥିବା ବେଳେ ସାମ୍ବାଦିକ ସଂଘ ସାଧାରଣ ସମ୍ପାଦକ ଶିଶିରକାନ୍ତ ଶତପଥୀ, ବରିଷ୍ଠ ସାମ୍ବାଦିକ ନବୀନ ପଶାୟତ, ସୁଧିର ମିଶ୍ର, ସଚିଦାନନ୍ଦ ବଗର୍ତ୍ତୀ, ଗୁପ୍ତେଶ୍ୱର ପୃଷ୍ଟି, ସସ୍ମିତା ସାହୁ, ଗୋପବନ୍ଧୁ ଶତପଥୀ, ଗୋପାଳ ପ୍ରଧାନ ପ୍ରମୁଖ ଉପସ୍ଥିତ ଥିଲେ । ସେହିଭଳି ପ୍ରଶାସନ ଏକାଦଶ ତରଫରୁ ଏଡିଏମ୍ ଲମ୍ବୋଦର ଧୁରୁଆଙ୍କ ନେତୃତ୍ୱରେ ଜିଲ୍ଳା ସୂଚନା ଓ ଲୋକ ସର୍ମ୍ପକ ଅଧିକାରୀ ସରୋଜ କୁମାର ସାହୁ, ଜିଲ୍ଲା ସଂସ୍କୃତି ଅଧିକାରୀ ରଶ୍ମିରଞ୍ଜନ ମିଶ୍ର, ଜିଲ୍ଲା କ୍ରୀଡା ଅଧିକାରୀ ପରାସର ବାଗ, ଜିଲ୍ଲାପାଳଙ୍କ ଅଙ୍ଗରକ୍ଷୀ ସୁମନ୍ତ୍ର ନାଏକ ଓ ଅନ୍ୟମାନେ ମ୍ୟାଚ ଖେଳିଥିଲେ । ମ୍ୟାଚ ଅନୁଷ୍ଠିତ ହୋଇଥିବା ବେଳେ ଜିଲ୍ଲା କ୍ରୀଡା ସଂସଦର ସାଧାରଣ ସମ୍ପାଦକ ହରିନାରାୟଣ ପୂଜାରୀ ଓ ଅନ୍ୟମାନେ ଉପସ୍ଥିତ ଥିଲେ ।