ଡେଲାଙ୍ଗ, (ଦିଲ୍ଲୀପ କୁମାର ଧାଉଡିଆ) : ଡିସେମ୍ବର ୧୬ ଭାରତର ବିଜୟ ଦିବସ । ୧୯୭୧ ଯୁଦ୍ଧରେ ପାକିସ୍ତାନ ଉପରେ ଭାରତୀୟ ସେନାର ବିଜୟକୁ ସ୍ମରଣ କରିବା ପାଇଁ ପ୍ରତିବର୍ଷ ୧୬ ଡିସେମ୍ବରରେ ପାଳନ କରାଯାଏ । ୧୯୭୧ ମସିହାରେ ପାକିସ୍ତାନ ବିରୁଦ୍ଧରେ ହୋଇଥିବା ସଂଘର୍ଷରେ ନିଜ ଜୀବନକୁ ବଳି ଦେଇଥିବା ପ୍ରତ୍ୟେକ ସାହସୀ ଭାରତୀୟ ସେନା ଯୋଦ୍ଧାଙ୍କ କାହାଣୀ ଅମର ହୋଇ ରହିଥାଏ । ୧୯୭୧ ଯୁଦ୍ଧ ସମୟରେ ଭାରତୀୟ ସେନା ୩,୯୦୦ ସାହସୀ ସମର୍ପିତ ସୈନ୍ୟ ହରାଇଲା । ଏହି ସୈନିକମାନଙ୍କ ବ୍ୟତୀତ ପ୍ରାୟ ୯୮୦୦ ସୈନିକ ଗୁରୁତର ଆହତ ହୋଇଥିଲେ । ଡିସେମ୍ବର ୧୬, ୧୯୭୧ରେ ୯୩,୦୦୦ ପାକିସ୍ତାନି ସୈନିକ ଆଣ୍ଠୁମାଡି ପଡ଼ିବା ପରେ ଭାରତ ବିଜେତା ଭାବରେ ଉଭା ହୋଇଥିଲା । ପାକିସ୍ତାନି ସେନାର ଆତ୍ମସମର୍ପଣକୁ ନେଇ ଭାରତ ମଧ୍ୟ ବାଂଲାଦେଶର ସ୍ୱାଧୀନତାକୁ ସୁନିଶ୍ଚିତ କରିଥିଲା ଯାହା ପୂର୍ବରୁ ପୂର୍ବ ପାକିସ୍ଥାନ ଭାବରେ ଜଣାଶୁଣା ଥିଲା । ବିଜୟ ଦିବସ ହେଉଛି ଭାରତର ମହାନ ସୈନିକ ଫିଲ୍ଡ ମାର୍ଶଲ ସାମ ମନେକଶାଙ୍କୁ ସ୍ମରଣ କରିବାର ଦିନ, ଯିଏ ୧୯୭୧ ମସିହାରେ ପାକିସ୍ତାନ ବିରୋଧରେ ଯୁଦ୍ଧରେ ଭାରତକୁ ବିଜୟୀ କରାଇଥିଲେ । ‘ତୁମେ ଆତ୍ମସମର୍ପଣ କର କିମ୍ବା ଆମେ ତୁମକୁ ପୋଛି ଦେଉଛୁ’ । ପାକିସ୍ତାନ ପାଇଁ ଏହି ବାର୍ତ୍ତା ଥିଲା ଫିଲ୍ଡ ମାର୍ଶଲ ମାନେକ୍ସାଙ୍କର, ଯିଏ ହେଉଛନ୍ତି ଜଣେ ନିର୍ଭୀକ ଦେଶପ୍ରେମୀ ଭାବରେ ଜଣାଶୁଣା ସୈନିକ । ସେ ଦେଶର ସର୍ବୋଚ୍ଚ ସମ୍ମାନ ପଦ୍ମ ବିଭୂଷଣ ତଥା ପଦ୍ମ ଭୂଷଣ ପୁରସ୍କାର ବିଜେତା ଭାବରେ ସମ୍ମାନିତ ହୋଇଥିଲେ ।