ଡେଲାଙ୍ଗ, (ଦିଲ୍ଲୀପ କୁମାର ଧାଉଡିଆ) : ପବିତ୍ର ଶ୍ରୀରାମ ନବମୀ ଅବସରରେ କଣାସ ରୋଡ଼ ସନ୍ନିକଟ ଡେଲାଙ୍ଗ ବାୟାବଜାର ସ୍ଥିତ ମୁକ୍ତି କମ୍ୟୁନିକେସନ ପରିସରରେ ରେଳ ଯାତ୍ରୀଙ୍କ ପାଇଁ ଏକ ଟିକେଟ ବୁକିଂ ସେବା କେନ୍ଦ୍ର ଶୁଭ ଉଦ୍ଘାଟିତ ହୋଇଯାଇଛି । ପୂର୍ବତଟ ରେଳପଥ ଖୋର୍ଦ୍ଧା ରୋଡ଼ ଡିଭିଜନ ଅଧୀନରେ ଯୁବ ଉଦ୍ୟୋଗୀ ହେମନ୍ତ କୁମାର ସାହୁଙ୍କ ଦ୍ୱାରା (ଜେଟିବିଏସ) ରେଳ ଟିକେଟ ବୁକିଂ ସେବା କେନ୍ଦ୍ର ଖୋଲାଯାଇଛି । ଏହି ଉଦ୍ଘାଟନୀ ଉତ୍ସବରେ ବରିଷ୍ଠ ସାମ୍ବାଦିକ ପ୍ରସନ୍ନ ତ୍ରିପାଠୀ, ସନ୍ତୋଷ ପଟ୍ଟନାୟକ, ଦିଲ୍ଲୀପ ଧାଉଡ଼ିଆ, ପ୍ରୋପାଇଟର ମୁକ୍ତିକାନ୍ତ ସାହୁ, ହେମନ୍ତ ସାହୁ ଓ ପ୍ରଦୀପ ନାୟକ ପ୍ରମୁଖ ଉପସ୍ଥିତ ଥିଲେ । ରେଳ ଯାତ୍ରୀମାନେ ସୁବିଧାରେ ନିର୍ଦ୍ଧାରିତ ରେଳ ଭଡା ଦେଇ ଟିକେଟ କ୍ରୟ କରିପାରିବେ ବୋଲି ଶ୍ରୀ ସାହୁ କହିଛନ୍ତି ।