ରାଉରକେଲା, (ସସ୍ମିତା ପ୍ରଧାନ) : ଋଷିକେଶ ଠାରେ ଆୟୋଜିତ ୧୮ତମ ଜାତୀୟସ୍ତରୀୟ ତାଇକୋଣ୍ଡୋ ପ୍ରତିଯୋଗିତାରେ ରାଉରକେଲାର ସେକ୍ଟର ୧ ସ୍ଥିତ ରହୁଥିବା ପ୍ରିୟାଂଶୁ କୁମାର ସାହୁ ଜିତିଛନ୍ତି ବ୍ରୋଞ୍ଚ ପଦକ । ତାହା ସହିତ ଷ୍ଟିଲ ସିଟି ପାଇଁ ଓ ଓଡ଼ିଶା ପାଇଁ ୭ ବର୍ଷର ବାଳକ ଗୌରବ ଅର୍ଜନ କରିଛନ୍ତି । ତେଣୁ ସାରା ରାଉରକେଲା ସହ ବିଭିନ୍ନ ସ୍ଥାନରୁ ସାଉଁଟୁଛନ୍ତି ପ୍ରଶଂସା । ଗତ ଡିସେମ୍ବର ୨୭ରେ ଋଷିକେଶ ଠାରେ ଆୟୋଜିତ ହୋଇଥିଲା ଜାତୀୟସ୍ତରୀୟ ତାଇକୋଣ୍ଡୋ ପ୍ରତିଯୋଗିତା । ଏହି ଅବସରରେ କେବଳ ରାଉରକେଲାରୁ ନୁହେଁ ସାରା ଦେଶରୁ ପ୍ରାୟ ୪୮୯ ଜଣ ପ୍ରତିଯୋଗୀ ଭାଗ ନେଇଥିବା ବେଳେ କେବଳ ଓଡ଼ିଶାରୁ ୧୨ ଜଣ ପ୍ରତିଯୋଗୀ ଅଂଶଗ୍ରହଣ କରିଥିଲେ । ଓଡିଶାର ୧୨ ଜଣ ପ୍ରତିଯୋଗୀ କୃତକାର୍ଯ୍ୟ ହୋଇଥିବା ବେଳେ ପ୍ରିୟାଂଶୁ କୁମାର ସାହୁ ବ୍ରୋଞ୍ଜ ପଦକ ଜିତି ରାଉରକେଲାର ଗର୍ବ ବଢାଇଛନ୍ତି ।