ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଛତ୍ରପୁର ସରକାରୀ ବିଜ୍ଞାନ ମହାବିଦ୍ୟାଳୟ ପରିସରରେ ବୁଧବାର ଛାତ୍ରମାନଙ୍କ ସହଯୋଗରେ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମହାବିଦ୍ୟାଳୟ ପରିସରରେ ଥିବା ଘାସ, ଲଟା, ଅନାବନା ଗଛପତ୍ର ଆଦି ଉପାଡ଼ି ବିଭିନ୍ନ ସ୍ଥାନକୁ ସଫେଇ କରିବା ସହ ବୃକ୍ଷ ରୋପଣ କରାଯାଇଥିଲା । ଏହି ଅବସରରେ ନାଭାଲ ୱିଙ୍ଗ ଏନସିସି ଭାରପ୍ରାପ୍ତ ଅଧିକାରୀ ମନୋରଞ୍ଜନ ମହାରଣାଙ୍କ ପୌରାହିତ୍ୟରେ ମହାବିଦ୍ୟାଳୟ ଅଧ୍ୟକ୍ଷ କିଶୋର କୁମାର ବେହେରା ମୁଖ୍ୟ ଅତିଥି ରୂପେ ଯୋଗଦେଇ ଚାରା ରୋପଣ କରିଥିଲେ । ଯୁକ୍ତ ଦୁଇ ଛାତ୍ର ରାମ ନାରାୟଣ ବେହେରା, ଆୟୁଶ କୁମାର ନାହାକ, ଜି.ଗିରି, ଆଶିଷ ବେହେରା, ମହେଶ୍ୱର ବେହେରା, ଶୁଭମ୍ ଓ ୱାଇ. ମନୋଜ, ସ୍ନାତକ ଶ୍ରେଣୀ ଛାତ୍ର ପିଣ୍ଟୁ ପ୍ରଧାନ ଓ କିଷାନ ରେଡିଙ୍କ ସମେତ ପୂର୍ବତନ ଛାତ୍ରନେତା ଇଜୁ ଆମିନ ଖାନ୍, ସୁବୋଧ ସୁମନ ସ୍ୱାଇଁ ଓ ରଞ୍ଜିତ ରଥ ପ୍ରମୁଖ ସହଯୋଗ କରିଥିଲେ ।