ବଲାଙ୍ଗିର, (କେପିଏନ୍ଏସ୍) : ଆଗଲପୁର ସାଲେଭଟା କ୍ଲଷ୍ଟର ଅନ୍ତର୍ଗତ ଖଲିଆପାଲି ଉଚ୍ଚ ପ୍ରାଥମିକ ସ୍କୁଲରେ ଆନ୍ତର୍ଜାତୀୟ ଯୋଗ ଦିବସ ପାଳିତ ହୋଇଯାଇଛି । ପ୍ରଧାନଶିକ୍ଷକ ତଥା ଜୁନିଅର ରେଡକ୍ରସ ପରାମର୍ଶଦାତା ଦୂର୍ଯ୍ୟୋଧନ ପଶାୟତ କାର୍ଯ୍ୟକ୍ରମରେ ଅଧ୍ୟକ୍ଷତା କରିଥିଲେ । ଚଳିତ ବର୍ଷର ଥିମ୍ ମାନବିକତା ପାଇଁ ଯୋଗ ଏବଂ ଯୋଗ କରିବା ଓ ନୀରୋଗ ରହିବା ଭଳି ସ୍ଲୋଗାନକୁ ଅନୁପାଳନ କରି ସମସ୍ତେ ସୁସ୍ଥ ଓ ସୁନ୍ଦର ଶରୀର ତଥା ମନରେ ଜୀବନ ଯାପନ କରି ମାନବ ସମାଜର କଲ୍ୟାଣ ଦିଗରେ କାର୍ଯ୍ୟ କରିବାକୁ ଉକ୍ତ ଦିବସରେ ମତାମତ ପ୍ରକାଶ ପାଇଥିଲା । ଏହି ଅବସରରେ ବିଦ୍ୟାଳୟରେ ଛାତ୍ରଛାତ୍ରୀମାନଙ୍କ ମଧ୍ୟରେ ବକୃତା ଏବଂ କ୍ୱିଜ୍ ପ୍ରତିଯୋଗିତା ଆୟୋଜିତ ହୋଇଥିଲା । ସମବେତ ଛାତ୍ରଛାତ୍ରୀ ପଦ୍ମାସନ, ସୂର୍ଯ୍ୟ ନମସ୍କାର, କପାଳଭାତି, ବଜ୍ରାସନ, ତାଡାସନ, ବୃକ୍ଷାସନ ଭଳି ବିଭିନ୍ନ ଆସନ ଅଭ୍ୟାସ କରିଥିଲେ । କାର୍ଯ୍ୟକ୍ରମରେ ବିଦ୍ୟାଳୟର ଶିକ୍ଷକ ଦଶରଥ ପଟେଲ, ଧିରେନ୍ଦ୍ର କୁମାର ସାହୁ, ସନ୍ତୋଷ କୁମାର ପାଇକଚନ୍ଦନ ପ୍ରମୁଖ ସହଯୋଗ କରିଥିଲେ ।