ରାଜ୍ୟପାଳ ପୁରସ୍କାର ନିମନ୍ତେ ଚୟନ ଶିବିରରେ ଯୋଗଦେଲେ ଡଭା ଉଚ୍ଚ ମାଧ୍ୟମିକ ବିଦ୍ୟାଳୟର ସ୍କାଉଟ ରୋଭର ଓ ରେଞ୍ଜର

ପଦ୍ମପୁର, (ନିରୋଜ କୁମାର ପାଣୀ) : ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଝାରବନ୍ଧ ବ୍ଲକ ଅନ୍ତର୍ଗତ ଡଭା ଉଚ୍ଚ ମାଧ୍ୟମିକ ବିଦ୍ୟାଳୟର ୧୨ ଜଣ ସ୍କାଉଟ ରୋଭର ଓ ୧୨ ଜଣ ରେଞ୍ଜର ଭୁବନେଶ୍ୱର ସ୍କାଉଟ ମୁଖ୍ୟାଳୟରେ ଅନୁଷ୍ଠିତ ରାଜ୍ୟପାଳ ପୁରସ୍କାର ନିମନ୍ତେ ହୋଇଥିବା ଚୟନ ଶିବିରରେ ସମ୍ମିଳିତ ହୋଇ ଫେରି ଆସିଛନ୍ତି । ରୋଭର ସ୍କାଉଟ ଲିଡର ଅଧ୍ୟାପକ ସରୋଜ କୁମାର ସାହୁ ତଥା ରେଞ୍ଜର ଲିଡର ଶୁଭଲକ୍ଷ୍ମୀ ସାହୁଙ୍କ ନେତୃତ୍ୱରେ ଯାଇଥିବା ଦଳ ୨୩ ରୁ ୨୫ ଜାନୁଆରୀ ପର୍ଯ୍ୟନ୍ତ ବିଭିନ୍ନ ଶୈକ୍ଷିକ ଓ ସାଂସ୍କୃତିକ କାର୍ଯ୍ୟକ୍ରମରେ ଭାଗ ନେବା ସହିତ ମହାମହିମ ରାଜ୍ୟପାଳଙ୍କ ଉପସ୍ଥିତିରେ ରବୀନ୍ଦ୍ର ମଣ୍ଡପରେ ଭୋଟର ସଚେତନତା କାର୍ଯ୍ୟକ୍ରମରେ ମଧ୍ୟ ଯୋଗଦାନ କରିଥିଲେ । ଏପରି ଏକ ସୁଯୋଗ ପାଇଥିବାରୁ ଛାତ୍ରଛାତ୍ରୀ ତଥା ଅଭିଭାବକ ମହଲରେ ଖୁସିର ଲହରୀ ଖେଳି ଯାଇଛି ।