ପୁରୀ : ରଥ ସରୋଜିନୀ ଫାଉଣ୍ଡେସନ ତରଫରୁ ପବିତ୍ର ଶ୍ରୀ ଗୁଣ୍ଡିଚା ଅବସରରେ ବଡଦାଣ୍ଡରେ ଘୋଷଯାତ୍ରା ଜଳଛତ୍ର ଲୋକ ଉତ୍ସବ ପାଳିତ ହୋଇ ଯାଇଛି । ଏହି ଅବସରରେ ପାଞ୍ଚ ହଜାରରୁ ଅଧିକ ଶ୍ରଦ୍ଧାଳୁଙ୍କୁ ପାଣି ବୋତଲ ଏବଂ ଶୁଖିଲା ଖାଦ୍ୟ ପ୍ରଦାନ କରାଯାଇଥିଲା । ଏହି କାର୍ଯ୍ୟ ଦୁଇଦିନ କରାଯାଇଥିଲା । ମାନବିକ ମୂଲ୍ୟବୋଧ ଏବଂ ଶୃଙ୍ଖଳା ଭିତରେ କୋଡ଼ିଏ ରୁ ଅଧିକ ସ୍ୱେଚ୍ଛାସେବୀ ଏହି ସେବା କାର୍ଯ୍ୟରେ ଯୋଗଦାନ କରିଥିଲେ । ସରକାରଙ୍କ ଗାଇଡ ଲାଇନ୍ ପାଳନ କରାଯାଇଥିଲା । ଏହି ଅବସରରେ ରଥ ସରୋଜିନୀ ଫାଉଣ୍ଡେସନ ଚେୟାରମେନ ସରୋଜିନୀ ରଥ ଉପସ୍ଥିତ ରହି ଏହି କାର୍ଯ୍ୟକୁ ସମ୍ପାଦନ କରିଥିଲେ । ପ୍ରେରଣାଦାୟୀ ବକ୍ତା ତଥା ସମାଜସେବୀ ସରୋଜିନୀ ରଥଙ୍କ ପରାମର୍ଶ ଏବଂ ସେଲ୍ଫି ନେବା ପାଇଁ ହଜାର ହଜାର ଯୁବ ବ୍ୟକ୍ତିତ୍ଵ ଷ୍ଟଲ୍ ନିକଟରେ ଜମା ହୋଇଥିଲେ । ଏହି ଅବସରରେ ଅନୁଷ୍ଠାନର ମୁଖ୍ୟ ଉପଦେଷ୍ଟା ସୁବାସ ରାଉତ ଯୋଗଦାନ କରି ସେବା କାର୍ଯ୍ୟରେ ସହଯୋଗ କରିଥିଲେ । ସାମାଜିକ ଗଣ ମାଧ୍ୟମରେ ହଜାର ହଜାର ଲୋକଙ୍କ ପ୍ରଶଂସା ଅନୁଷ୍ଠାନକୁ ମିଳି ପାରିଛି । ଆସନ୍ତା ବର୍ଷ ଏହି କାର୍ଯ୍ୟକୁ ବ୍ୟାପକ କରାଯିବ ବୋଲି ସଭାପତି ସୂଚନା ପ୍ରଦାନ କରିଥିଲେ । କର୍ମକର୍ତ୍ତା ଏବଂ ସ୍ୱେଚ୍ଛାସେବୀବୃନ୍ଦ ଅମିତ ବିକ୍ରମ ମହାପାତ୍ର, ନରେନ୍ଦ୍ର ମହାପାତ୍ର, ପ୍ରମୋଦ କୁମାର ତ୍ରିପାଠୀ, ନିଗରିକା ସ୍ୱାଇଁ, ପ୍ରମୋଦ କୁମାର ଭୋଇ, ସୌମ୍ୟ ଶିବାନନ୍ଦ, ଶିବ ପ୍ରସାଦ ବେହେରା, ସିଦ୍ଧାନ୍ତ ଶେଖର ସାହୁ, ଟୁଟୁ ଦାସ, ପଙ୍କଜ ରଥ, ଅଭିନ୍ନ ସୁନ୍ଦର, ମାତୃ ପ୍ରସାଦ, ସୁପ୍ରିୟା କାଣ୍ଡି, ଅଂଶୁମାନ, ସୁଜିତ୍ କୁମାର ସାହୁ ,ଉର୍ମିଳା ପ୍ରଭା ବେଉରିଆ, ସୂଚୀ ସ୍ନିଗ୍ଧା ମିଶ୍ର ଶେଷ ପର୍ଯ୍ୟନ୍ତ ଉପସ୍ଥିତ ରହି ଭକ୍ତମାନଙ୍କୁ ସେବା ପ୍ରଦାନ କରିଥିଲେ ।
