ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ପାଇକମାଲ ବ୍ଲକ୍ ସଭାଗୃହ ଠାରେ ୭୬ତମ ସାଧାରଣ ତନ୍ତ୍ର ଦିବସ ପାଳନ ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ପାଇକମାଳ ବ୍ଲକ୍ ବିଡିଓ ପ୍ରଫୁଲ କୁମାର ଓଦୁ ପରିଚାଳନା କରିଥିଲେ । ପାଇକମାଲ ଆଡିସିନାଲ ତହସିଲଦାର ପ୍ରତାପ ପୁଝାରୀ, ବ୍ଲକ୍ ଶିକ୍ଷା ଅଧିକାରୀ ଚୁଡାମଣୀ ବାରିକ ମଞ୍ଚାସୀନ ଥିଲେ । ଭବାନୀ ପଟେଲ ପୂର୍ବ ବୈଠକର ବିବରଣୀ ପଠନ କରିଥିଲେ । କିପରି ଭାବରେ ସୁରୁଖୁରୁରେ ସାଧାରଣ ତନ୍ତ୍ର ଦିବସ ପାଳନ କରାଯିବ ସେ ନେଇ ବିସ୍ତୃତ ଭାବରେ ଆଲୋଚନା ହେଲା ପରେ ପତାକା ଉତ୍ତୋଳନ ପାଇଁ ମୂଖ୍ୟ ଅତିଥି ଭାବରେ ପଦ୍ମପୁର ବିଧାୟିକା ବର୍ଷା ସିଂ ବରିହାଙ୍କୁ ନିମନ୍ତ୍ରଣ କରିବାକୁ ସ୍ତିର କରାଗଲା । ଆସନ୍ତା ୨୦ତାରିଖ ଦିନ ପାଇକମାଳ ସରକାରୀ ଉଚ୍ଚ ବିଦ୍ୟାଳୟରେ ସଂଗୀତ ଓ ବକ୍ତୃତା ପ୍ରତିଯୋଗିତା ୪ଟି ସ୍ତରରେ କରାଯାଇ ୩ ଜଣ ପ୍ରତିଯୋଗୀମାନଙ୍କୁ ପ୍ରଥମ ଦ୍ୱିତୀୟ ଓ ତୃତୀୟ ଦୁଇ ଦଳରୁ ୨୪ ଜଣଙ୍କୁ ବଛାଯାଇ ୨୬ ତାରିଖ ଦିନ ପ୍ୟାରେଡ ପଡିଆରେ ପୁରସ୍କୃତ କରାଯିବ । ବୈଠକରେ ଦ୍ୱାଦଶ ପ୍ରଧାନ, ନମିତା ସାହୁ, ସୁଶାନ୍ତ ସାହୁ, ଭରତ କୁମାର ସିଂ, ପାଇକମାଲ କ୍ଲଷ୍ଟର ପ୍ରଧାନ ଶିକ୍ଷକ ଓ ପିଟି ଶିକ୍ଷକ ଶିକ୍ଷୟତ୍ରୀମାନେ ଉପସ୍ଥିତ ଥିଲେ ।
Next Post