ଢେଙ୍କାନାଳ, (ତାପସ ଦାସ) : ପ୍ରଥମେ ବିବାହିତା ମହିଳାଙ୍କ ସହିତ ସମ୍ପର୍କ ଏବଂ ପରେ ମହିଳାଙ୍କ ଉପରେ ସନ୍ଦେହକୁ ନେଇ ତାଙ୍କୁ ଜିଅନ୍ତା ଜାଳି ଦେଲା ବଏଫ୍ରେଣ୍ଡ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ମୁକ୍ତାପସୀ ଅଞ୍ଚଳରେ । ଯାହାକୁ ନେଇ କାମାକ୍ଷାନଗର ପୋଲିସ ଅଭିଯୁକ୍ତ ବଏଫ୍ରେଣ୍ଡ ରବି ଓରଫ୍ ଟୁକୁ ବିଶ୍ୱାଳଙ୍କୁ ଗିରଫ କରିଛି । ଟୁକୁର ଘର ପରଜଙ୍ଗ ଥାନା ଗଡ଼ପଳାଶୁଣୀ ଗାଁରେ ହୋଇଥିବା ସୂଚନା ମିଳିଛି । ସୂଚନା ଅନୁସାରେ ସେ ଗତ ଦୁଇ ବର୍ଷ ହେବ ଅନୁଗୁଳ ଜିଲ୍ଲା ବଅଁରପାଳ ଥାନା ପୁରୁକିଆ ଗାଁର ଦିଲ୍ଲୀପ କୁମାର ଜେନାଙ୍କ ସ୍ତ୍ରୀ ସୁନିତା ଜେନାଙ୍କୁ ଭଲପାଇ ଆସୁଥିଲା । ଏକ ମିସ୍କଲରୁ ଉଭୟ ମହିଳା ଓ ଯୁବକଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା । ତେବେ ସୁନିତାଙ୍କର ଅନ୍ୟ କୌଣସି ଯୁବକଙ୍କ ସହିତ ସମ୍ପର୍କ ରହିଥିବା ସନ୍ଦେହରେ ଟୁକୁ ତାଙ୍କୁ ଚଳିତ ମାର୍ଚ୍ଚ ମାସ ୧୨ ତାରିଖ ଦିନ ମୁକ୍ତାପସୀ ଗାଁ ପାଖ ଜଙ୍ଗଲ ନିକଟକୁ ଆଣି ପ୍ରଥମେ ମାଡ଼ ମାରିଥିଲେ ଓ ପରେ ସେ ଚେତା ଶୂନ୍ୟ ହୋଇଯିବାରୁ ତାଙ୍କ ଉପରେ ତାଳ ପତ୍ର ପକାଇ ନିଆଁ ଲଗେଇ ଦେଇ ଚମ୍ପଟ ମାରିଥିଲା । ସୋଭାଗ୍ୟ ବଂଶତ ସୁନିତା ବଞ୍ଚି ଯାଇଥିବା ବେଳେ ପରେ ପୋଲିସ ଛାନ୍ ଭିନ୍ ଜାରି କରିଛି ।