ବଲାଙ୍ଗିର, (କେପିଏନ୍ଏସ୍) : ଅଗ୍ରଣୀ ସାମାଜିକ ଅନୁଷ୍ଠାନ ବିଙ୍ଗ ହ୍ୟୁମାନ ଫାଉଣ୍ଡେସନ ତରଫରୁ ଏକ ଶବକୁ ସମ୍ମାନ ସହ ସତ୍କାର କରାଯାଇଛି । ସୁଚନା ଅନୁଯାୟୀ ଝାଡ଼ଖଣ୍ଡ ରାଜ୍ୟ ଇଷ୍ଟସିମ୍ଭୋମ ଜିଲ୍ଲା ଶିକରାଗୁଡା ଗାଁର ଖୁଦେରାମ ସର୍ଦାର(୪୦) ୪ ମାସ ଆଗରୁ ନିଜ ଭାଇ ସହ ବେଙ୍ଗଲୋରକୁ କାମ କରିବାକୁ ଯାଇଥିଲେ । ସେଠାରେ ତାଙ୍କ ଦେହ ଅସୁସ୍ଥ ହେବାରୁ ଗତ କାଲି ବେଙ୍ଗଲୋରରୁ ନିଜ ଗାଁକୁ ଟ୍ରେନ ଯୋଗେ ଫେରୁଥୁଲେ ହେଲେ ରାସ୍ତାରେ ବଲାଙ୍ଗିର ରେଲୱେ ଷ୍ଟେସନ ପାଖରେ ତାଙ୍କର ଦେହାନ୍ତ ହୋଇଯାଇଥିଲା । ଜିଆରପି ପୋଲିସ ଖବର ପାଇ ଶବକୁ ଉଦ୍ଧାର କରି ପୋଷ୍ଟମର୍ଟମ ପାଇଁ ପଠାଇଥିଲା । ପରେ ତାଙ୍କ ଭାଇ ସବକୁ ନେବାପାଇଁ ନିରୁପାୟ ହୋଇ ଅସମର୍ଥ ହେବାରୁ ବିଙ୍ଗ ହ୍ୟୁମାନ ଫାଉଣ୍ଡେସନ ତରଫରୁ ସ୍ଥାନୀୟ ବିଭୁତିପଡା ଶ୍ମଶାନରେ ମଯ୍ୟାଦା ସହ ଶତ୍କାର କରାଯାଇଛି ତାସହ ତାଙ୍କ ଭାଇଙ୍କୁ ଝାଡ଼ଖଣ୍ଡ ପଠାଇବା ପାଇଁ ମଧ୍ୟ ବ୍ୟବସ୍ଥା କରାଯାଇଛି । ଏହି ମହତ କାର୍ଯ୍ୟରେ ଅନୁଷ୍ଠାନର ପ୍ରତିଷ୍ଠାତା ସୋମନାଥ ମିଶ୍ର, କନ୍ଦର୍ପ ରଣା, ଶୁଭ୍ରାନ୍ତ ନନ୍ଦ, ରଜତ ପଧାନ, ବିଶ୍ୱଜିତ ପଟେଲ, ଘନ ପଶୟତ, ମୁକେଶ ପଧାନ ପ୍ରମୁଖ ରହି ଶବ ଶତ୍କାର କରିଥିଲେ ।