ପଦ୍ମପୁର, (ନିରୋଜ କୁମାର ପାଣୀ) : ଆଜି ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଗାଇସିଲେଟ ବ୍ଲକ ଅନ୍ତର୍ଗତ କନ୍ଦାଗାଡ଼ ଗ୍ରାମର ଡାଲଖାଇ ଲୋକନୃତ୍ୟ କଳାକାରମାନଙ୍କୁ ବେଙ୍ଗାଳୁରୁର ଜୁହାର୍ ପରିବାର ତରଫରୁ ସହାୟତା ଦିଆଯାଇଛି । ମହାନ୍ ନାଟ୍ୟକାର, ଅଭିନେତା ସ୍ୱର୍ଗତ ଅଟଳ ବିହାରୀ ପଣ୍ଡାଙ୍କ ସ୍ମୃତି ରକ୍ଷା କରିବା ପାଇଁ “ଅଟଳ ସହାୟତା” କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ବର୍ତ୍ତମାନ ଦ୍ୱିତୀୟ ଲହର କରୋନା ମହାମାରୀ ଦ୍ୱାରା ସମସ୍ତ କଳାକାର ଦୁର୍ଦ୍ଦଶାରେ ଚଳୁଛନ୍ତି ତେଣୁ କରି ଜୁହାର ପରିବାର ତରଫରୁ ଶୁଖିଲା ଖାଦ୍ୟ ବଣ୍ଟନ କରାଯାଇଥିଲା । ଏଥିରେ ଆକାଶବାଣୀ କଳାକାର ତଥା ଯୁବ ପ୍ରାଶାସନୀକ ଅଧିକାରୀ ତୁଳାରାମ କଲେତ ମୁଖ୍ୟ ଅତିଥି ରୂପେ ଯୋଗଦେଇ ଜୁହାର୍ ପରିବାରକୁ ଧନ୍ୟବାଦ ଦେଇଥିଲେ । ସ୍ଥାନୀୟ ସରପଞ୍ଚ ପ୍ରମୋଦ ବରିହା ଅନ୍ୟତମ ଅତିଥି ରୂପେ ଯୋଗ ଦେଇଥିଲେ । କୋଭିଡ ନିୟମ ପାଳନ କରି ୧୩ ଜଣ ଲୋକ କଳାକାର ବେଟିଖାଇ ବରିହା, ସୁରୁଚି ବାରିକ, ଜାନକି ବରିହା, ବୁଚ କୁମ୍ଭାର ଇତ୍ୟାଦିଙ୍କୁ ସାହାଯ୍ୟ ପ୍ରଦାନ କରାଯାଇଛି । ସମସ୍ତ କାର୍ଯ୍ୟକ୍ରମକୁ ପରିଚାଳନା କରିଥିଲେ ସୁଦର୍ଶନ ବେହେରା ।