
ଗୋଛାପଡା : କନ୍ଧମାଳ ଜିଲ୍ଲାର ବିଭିନ୍ନ ଥାନା ଅଞ୍ଚଳରେ ପୁଲିସ ଦ୍ଵାରା ଗଞ୍ଜେଇ ବିରୋଧୀ ଅଭିଯାନ ଜାରି ରହିଛି । ଆଜି ୫ କ୍ୱିଣ୍ଟାଲରୁ ଅଧିକ ଗଞ୍ଜେଇ ଗୋଛାପଡା ପୋଲିସ ଜବତ କରିଥିବା ଜଣାପଡିଛି । ସୂଚନା ଅନୁସାରେ କୌଣସି ସୂତ୍ରରୁ ଖବର ପାଇ ପୁଲିସ କଟ୍ରିଙ୍ଗିଆ ପଂଚାୟତ ଅଧୀନସ୍ଥ ବଗାଲି ଗାଁ ନିକଟରେ ଥିବା ଜଙ୍ଗଲରେ ଚଢ଼ାଉ କରି ଚାଲାଣ ପାଇଁ ରଖାଯାଇଥିବା ୫୦୪ କିଲୋ ୫୦୦ ଗ୍ରାମ ଗଞ୍ଜେଇ ଜବତ କରିଥିଲା । ତେବେ ପୁଲିସକୁ ଦେଖି ପାରି ଦୁଇ ଗଞ୍ଜେଇ ଚାଲାଣକାରୀ ଘଟଣା ସ୍ଥଳରୁ ଖସିଯିବାରେ ସଫଳ ହୋଇଥିବା ଗୋଛା ଥାନା ଅଧିକାରୀ ରଞ୍ଜିତ କୁମାର ମୁନି ସୂଚନା ଦେଇଛନ୍ତି । ଏ ନେଇ ଗୋଛାପଡା ଥାନାରେ କେସ ନମ୍ବର ୬୦/୨୪ରେ ଏକ ମାମଲା ରୁଜୁ କରାଯାଇଛି । ଫେରାର୍ ଥିବା ଅଭିଯୁକ୍ତମାନଙ୍କର ଠିକଣା ମିଳି ପାରି ନଥିବା ଗୋଛାପଡା ଥାନା ପୁଲିସ କହିଛି । ତେବେ ଖୁବ୍ ଶୀଘ୍ର ଅଭିଯୁକ୍ତମାନଙ୍କୁ ଗିରଫ କରାଯିବ ବୋଲି ଥାନା ଅଧିକାରୀ ରଞ୍ଜିତ କୁମାର ମୁନି ପ୍ରକାଶ କରିଛନ୍ତି ।