ବେଲପଡା, (ଭୋଜରାଜ ଦଣ୍ଡସେନା) : ପଞ୍ଚଭୂତରେ ଲୀନ ହେଲେ ଯବାନ ପ୍ରତାପ ନିଆଲ । କାନ୍ଦ ବୋବାଲିରେ ଫାଟି ପଡୁଛି ବାଗଉଡାର ଗାଁ । ଆଜି ଯବାନଙ୍କ ମରଶରୀର ନିଜ ଜନ୍ମମାଟିକୁ ପହଞ୍ଚିଥିବା ବେଳେ ତାଙ୍କୁ ସ୍ୱତନ୍ତ୍ର ଗାଡିରେ ଗାଁକୁ ଅଣାଯାଇଥିଲା । ଆଜି ସ୍ୱର୍ଗତ ଯବାନଙ୍କୁ ସହସମ୍ମାନ ସହିତ ଗାର୍ଡ ଅପ ଅନର ଦେଇ ବିଦାୟ ଦିଆଯାଇଥିଲା । ତାଙ୍କୁ ଦେଖିବା ପାଇଁ ଉକ୍ତ ଗ୍ରାମରେ ପ୍ରବଳ ଲୋକଙ୍କ ଭିଡ଼ ଦେଖିବାକୁ ମିଳିଥିଲା । ସ୍ୱର୍ଗତ ଯବାନ ପ୍ରତାପ ନିଆଲ କେନ୍ଦ୍ରୀୟ ସୁରକ୍ଷା ବଳରେ କାର୍ଯ୍ୟରତ ଥିଲେ । ତାଙ୍କର ମୃତ୍ୟୁ ଖବର ପାଇ ଅଞ୍ଚଳରେ ଶୋକର ଛାୟା ଖେଳିଯାଇଛି ।