ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ସର୍ଗିବାହାଲ ସରସ୍ଵତୀ ଶିଶୁ ମନ୍ଦିରଠାରେ ଘର ହିଁ ବିଦ୍ୟାଳୟ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ଶିଶୁ ମନ୍ଦିରର ଅଭିଭାବିକା ଶ୍ରୀମତୀ ଜ୍ୟୋତି ସାହୁ ଦୀପ ପ୍ରଜ୍ୱଳନ କରି କାର୍ଯ୍ୟକ୍ରମଟିକୁ ଆଗେଇ ନେଇଥିଲେ । ବିଦ୍ୟାଳୟର ପ୍ରଧାନ ଆଚାର୍ଯ୍ୟ ପ୍ରମୋଦ କୁମାର ସାହୁ ଅତିଥି ପରିଚୟ ଓ ଉଦ୍ଦେଶ୍ୟ ଜ୍ଞାପନ କରିଥିଲେ । ବିଦ୍ୟାଳୟର ସଭାପତି ପ୍ରେମାନନ୍ଦ ବାରିକ ଘର ହିଁ ବିଦ୍ୟାଳୟ ଉପରେ ମାଆମାନଙ୍କୁ ମାର୍ଗଦର୍ଶନ କରିଥିଲେ । ସଭା ପରେ ବାଟିକାର ଗୁରୁମା ବିଷ୍ଣୁପ୍ରିୟା ମହାପାତ୍ର ଓ ପଦ୍ମାଳୟା ପଧାନ ମାଆମାନଙ୍କୁ ନେଇ ବିଭିନ୍ନ କ୍ରିୟାକଳାପ କରାଇଥିଲେ । କାର୍ଯ୍ୟକ୍ରମରେ ପରିଚାଳନା ସମିତିର କୋଷାଧ୍ୟକ୍ଷ କନ୍ଦର୍ପ ଶିକା ଓ ଉପସଭାପତି ମୁରଲିଧର ସାହୁ ମଧ୍ୟ ଉପସ୍ଥିତ ରହି ନିରୀକ୍ଷଣ କରିଥିଲେ । ଶେଷରେ ବିଦ୍ୟାଳୟର ବାଟିକା ପ୍ରମୁଖ ବିଷ୍ଣୁପ୍ରିୟା ମହାପାତ୍ର ଧନ୍ୟବାଦ ଦେଇଥିଲେ ।