ବଲାଙ୍ଗିର, (ଦେବାଶିଷ ମିଶ୍ର) : ସ୍ଥାନୀୟ ଟିକ୍ରାପଡା ଠାରେ ପୂଜ୍ୟପୂଜା ସେବା ସଂଗଠନ ତରଫରୁ ସ୍ୱଭାବ କବି ଗଙ୍ଗାଧର ଜୟନ୍ତୀ ଓ ପବିତ୍ର ରକ୍ଷାବନ୍ଧନ ଉତ୍ସବ ଅନୁଷ୍ଠିତ ହୋଇଯାଇଛି । ଅନୁଷ୍ଠାନର ସଭାପତି କେଶବ ଚନ୍ଦ୍ର ମିଶ୍ରଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ଅବସରପ୍ରାପ୍ତ ଶିକ୍ଷକ ଧର୍ମବ୍ରତ ରଥ ମୁଖ୍ୟବକ୍ତା ଭାବରେ ଯୋଗଦେଇ କବି ଗଙ୍ଗାଧରଙ୍କ ସାହିତ୍ୟ କୃତି ଓ ଜୀବନ ଦର୍ଶନ ଉପରେ ଆଲୋଚନା କରିଥିଲେ । ସଭା ପରିଚାଳନା କରିଥିଲେ ମଦନ ମୋହନ ରଥ । ଏହା ପରେ ଅନୁଷ୍ଠାନ ସଦସ୍ୟା କସ୍ତୁରୀ ରଥ ସମସ୍ତଙ୍କୁ ରାକ୍ଷୀ ବାନ୍ଧି ମଙ୍ଗଳ କାମନା କରିଥିଲେ । ଏହି ସଭାରେ ଚୁଡେନ୍ଦ୍ର କୁମାର ବେହେରା, ଅରୁଣ ଖୁଆସ, ଅଶୋକ କୁମାର ସେଠୀ, ଧିରେନ୍ଦ୍ର ନାରାୟଣ ସିଂ ଦେଓ, ମଧୁ ସାହୁ, ଜ୍ୟୋତିରାଣୀ ମିଶ୍ର, ପ୍ରିୟା ମିଶ୍ର, କପିଳ ପତି, ଦୁର୍ଗା ଚରଣ ସାହୁ, ରତ୍ନମୟ ତ୍ରିପାଠୀ ଓ ଅନେକ ଗଙ୍ଗାଧର ପ୍ରେମୀ ଉପସ୍ଥିତ ଥିଲେ । ଶେଷରେ ସମସ୍ତଙ୍କୁ ଧନ୍ୟବାଦ ଦେଇଥିଲେ ଅନୁଷ୍ଠାନର ସଭ୍ୟ ସୁନାଧର ବନଛୋର ।