ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର କିଟ୍ ବିଶ୍ୱବିଦ୍ୟାଳୟ ରୌପ୍ୟ ଜୟନ୍ତୀ ବର୍ଷ ପାଳନ ଉପଲକ୍ଷେ ଗଣଦୌଡ ଆୟୋଜନ କରାଯାଇଛି । କୋଶଳ କଳାମଣ୍ଡଳ ପଡିଆରୁ ମାରାଥନ ବାହାରିଥିଲା । ପୌରାଧ୍ୟକ୍ଷା ଲିକା ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ ସବୁଜ ପତାକା ଦେଖାଇ ଏହାକୁ ଉଦ୍ଘାଟନ କରିଥିଲେ । ଏସ୍ଡିପିଓ ତୋଫାନ ବାଗ ଓ ଜିଲ୍ଲା କ୍ରୀଡା ସଂସଦ ସମ୍ପାଦକ ହରିନାରାୟଣ ପୂଜାରୀ ଅତିଥି ଭାବେ ଯୋଗ ଦେଇଥିଲେ । ମାରାଥନଟି କୋଶଳ କଳାମଣ୍ଡଳ ପଡିଆରୁ ବାହାରି ଭାଗିରଥୀ ଛକ ଦେଇ ସାଲେପାଲିଛକ, ବିଏସ୍ଏନ୍ଏଲ୍ ଅଫିସଛକ ଓ ବସ୍ ଟର୍ମିନାଲ ଦେଇ କିସ୍ କ୍ୟାମ୍ପସରେ ପହଞ୍ଚିଥିଲା । ଉଦ୍ଯାପନୀ ସଭାରେ ଅତିରିକ୍ତ ଜିଲ୍ଲାପାଳ ମହେନ୍ଦ୍ର ମହାପାତ୍ର ଯୋଗ ଦେଇଥିବା ବେଳେ ଜିଲ୍ଲା ଶାରୀରିକ ଶିକ୍ଷା ନିରୀକ୍ଷକ ଅନ୍ତର୍ଯ୍ୟାମୀ ବିଶ୍ୱାଲ, ଅଧ୍ୟାପକ ପ୍ରମୋଦ ସାହୁ, ଆଇନଜୀବୀ ପ୍ରିୟରଞ୍ଜନ ବହିଦାର, ଜିଲ୍ଲା କ୍ରୀଡା ସଂସଦ ସମ୍ପାଦକ ହରିନାରାୟଣ ପୂଜାରୀ ମଞ୍ଚାସୀନ ଥିଲେ । ଚିତ୍ତରଞ୍ଜନ ମିଶ୍ର ସଭା ପରିଚାଳନା କରିଥିଲେ ।
Prev Post