ବଲାଙ୍ଗିର, (କେପିଏନ୍ଏସ୍) : ପ୍ରତ୍ୟେକ ନାଗରିକଙ୍କ ପାଇଁ ଆମ ଦେଶ ଭାରତ ସବୁଠାରୁ ପ୍ରିୟ ଏବଂ ଏହାର ରକ୍ଷକ ଆମର ସୈନିକ । ନିଜ ଦେଶର ଗର୍ବ ଏବଂ ସୁରକ୍ଷା ପାଇଁ ସୈନିକ ମାନେ ନିଜ ଜୀବନକୁ ଉତ୍ସର୍ଗ କରି ଦିଅନ୍ତି । ଯିଏ ଦେଶର ସୀମାରେ ମୁଣ୍ଡ କାଟି ନିଜର ସମସ୍ତ ଇଚ୍ଛା ଏବଂ ସୁଖକୁ ବିପଦରେ ପକାଇଥାଏ ସେ ହେଉଛନ୍ତି ଆମ ଦେଶର ସୈନିକ । ଏସବୁ ମଧ୍ୟରେ ଅନେକ ସୈନିକ ନିଜର ବ୍ୟକ୍ତିଗତ ଜୀବନରେ ଚାପ, ଚିନ୍ତା ଏବଂ ଉଦାସୀନତାରେ ରହୁଛନ୍ତି । ଏସବୁ ଠାରୁ କିପରି ଦୂରରେ ରହି ସୁଖମୟ ଜୀବନଯାପନ କରିବେ ସେ ସମ୍ବନ୍ଧରେ ଶାନ୍ତିପଡା ସିଆର୍ପିଏଫ୍ ଶିବିରରେ ବାଲାଙ୍ଗିରର ସାମାଜିକ ସଂସ୍ଥା ସହଯୋଗ ଫାଉଣ୍ଡେସନ୍ ଦ୍ୱାରା ଫିଟ୍ କାଫେ ନାମକ ଏକ କର୍ମଶାଳା ଆୟୋଜିତ ହୋଇଯାଇଛି । ରାମ ଅବତାର ଅଗ୍ରୱାଲଙ୍କ ନେତୃତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ସ୍ୱାସ୍ଥ୍ୟ ଏବଂ ସୁସ୍ଥତା ପ୍ରଶିକ୍ଷକ ଆର୍ତତ୍ରାଣ ପାଢ଼ୀ ମୁଖ୍ୟ ପ୍ରଶିକ୍ଷକ ଥିଲେ । ମୁଖ୍ୟ ଅତିଥି ସେଣ୍ଟ୍ରାଲ ରିଜର୍ଭ ପୋଲିସ ଫୋର୍ସ କମାଣ୍ଡାଣ୍ଟ ପୱନ କୁମାର ତିୱାରୀ, ସମ୍ମାନିତ ଅତିଥି ପୀତବାସ ପଣ୍ଡା, ଡକ୍ଟର ରମେଶ ଶର୍ମା ଏବଂ ନେହା ଶର୍ମା ଉପସ୍ଥିତ ଥିଲେ । ଏହି କାର୍ଯ୍ୟକ୍ରମରେ ପଞ୍ଚାନନ୍ ପ୍ରଧାନ, ରାମ ନାରାୟଣ ଦାଶ, ପୱନ ଅଗ୍ରୱାଲ, ରାମବତାର ଅଗ୍ରୱାଲ, ଅବନିଶ ଅଗ୍ରୱାଲ, ପରେଶ ଅଗ୍ରୱାଲ, ଅକ୍ଷୟ ଭମର, ସୁଦୀପ ତ୍ରିପାଠୀ, ତୋଫାନ ପାତ୍ର ଏବଂ ଅନିଲ ମୋଦୀ ଉପସ୍ଥିତ ଥିଲେ । କାର୍ଯ୍ୟକ୍ରମ ଶେଷ ହେବା ପରେ ସହଯୋଗ ଫାଉଣ୍ଡେସନର ସମ୍ପାଦିକା ପିଙ୍କି ମୋଦୀ ସୂଚନା ଦେଇଛନ୍ତି ଯେ, ଖୁବ ଶୀଘ୍ର ଜିଲ୍ଲା ପୋଲିସ ମୁଖ୍ୟାଳୟରେ ଏବଂ ଜିଲ୍ଲା କାରାଗାରରେ ଏଭଳି କର୍ମଶାଳା ଆୟୋଜନ କରାଯିବ ଏବଂ ଆସନ୍ତା ୨୭ ନଭେମ୍ବର ଠାରୁ ପ୍ରତି ରବିବାର ଦିନ ଭାତ ଏବଂ ଡାଲମା ଜିଲ୍ଲା ମୁଖ୍ୟ ଡାକ୍ତରଖାନାରେ ଦିଆଯିବ ।
