ଭାଲୁମୁଣ୍ଡା : ବଙ୍ଗୋମୁଣ୍ଡା ତହସିଲ ଅଫିସର ଅମିନ ତଥା ବଙ୍ଗୋମୁଣ୍ଡା ଥାନା ତଥା ଜୁଏରପଡା ଗାଁର ମୁକେଶ ମଲ୍ଲିକ(୨୮) ବେକରେ ଗାମୁୁଛା ଲଗାଇ ଆତ୍ମହତ୍ୟା କରିଥିବା ଜଣାପଡିଛି । ସୂଚନା ଅନୁସାରେ, ରବିବାର ମୁକେଶଙ୍କ ମା’ ଗାଧୋଇବାକୁ ଯାଇଥିଲେ । ଫେରିବା ପରେ ଘର ଭିତରେ ମୁକେଶଙ୍କ ଝୁଳନ୍ତା ଶରୀର ଦେଖି ପାଖ ଲୋକଙ୍କୁ ଡାକିଥିଲେ । ସେତେବେଳକୁ ମୁକେଶଙ୍କ ଜୀବନ ଚାଲିଯାଇଥିଲା । ଖବର ପାଇ ବଙ୍ଗୋମୁଣ୍ଡା ଥାନା ଅଧିକାରୀ, ଏସ୍ଆଇ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିଲେ । କଣ୍ଟାବାଞ୍ଜି ସ୍ୱାସ୍ଥ୍ୟକେନ୍ଦ୍ରରେ ଶବ ବ୍ୟବଚ୍ଛେଦ କରିବା ପରେ ପରିବାର ଲୋକଙ୍କୁ ହସ୍ତାନ୍ତର କରିଥିଲେ ।