କେନ୍ଦ୍ର ଗୃହମନ୍ତ୍ରୀ ତଥା ସମବାୟ ମନ୍ତ୍ରୀ ଅମିତ ଶାହଙ୍କ ଅଧ୍ୟକ୍ଷତାରେ ଆଜି ନୂଆଦିଲ୍ଲୀରେ ସପ୍ତମ ଏନ୍ସିଓଆରଡି ଶୀର୍ଷସ୍ତରୀୟ ବୈଠକ ଏବଂ ଜାତୀୟ ନାର୍କୋଟିକ୍ସ ହେଲ୍ପଲାଇନ୍ ‘ମାନସ’ର ଶୁଭାରମ୍ଭ
- ମାନସରେ ଏକ ଟୋଲ୍ ଫ୍ରି ନମ୍ବର ୧୯୩୩, ଏକ ୱେବ୍ ପୋର୍ଟାଲ, ଏକ ମୋବାଇଲ୍ ଆପ୍ ଏବଂ ଉମଙ୍ଗ ଆପ୍ ରହିବ ଯାହା ଦ୍ୱାରା ଦେଶର ନାଗରିକମାନେ ନିଶାମୁକ୍ତି ଏବଂ ଥଇଥାନ ଉପରେ ମାର୍ଗଦର୍ଶନ ଗ୍ରହଣ, ନିଶା କାରବାର ସମ୍ପର୍କରେ ସୂଚନା ପ୍ରଦାନ ପାଇଁ ଏନ୍ସିବି ୨୪ଙ୍ଘ୭ ସହ ବେନାମୀ ଭାବେ ଯୋଗାଯୋଗ କରିପାରିବେ
- ୨୦୪୭ ସୁଦ୍ଧା ଭାରତକୁ ସବୁ କ୍ଷେତ୍ରରେ ପ୍ରଥମ କରିବା ପାଇଁ ପ୍ରଧାନମନ୍ତ୍ରୀ ମୋଦୀ ଲକ୍ଷ୍ୟ ଧାର୍ଯ୍ୟ କରିଛନ୍ତି, ଯାହା କି ଯୁବପିଢ଼ିଙ୍କୁ ଡ୍ରଗ୍ସ କବଳରୁ ଦୂରେଇ ରଖିବା ଦ୍ୱାରା ହିଁ ସମ୍ଭବ
- ମୋଦୀ ସରକାର ଗତ ୫ ବର୍ଷ ମଧ୍ୟରେ ‘ସମ୍ପୂର୍ଣ୍ଣ ସରକାରୀ ଆଭିମୁଖ୍ୟ’ ଆଧାରରେ ଏବଂ ଢାଞ୍ଚାଗତ, ସଂସ୍ଥାଗତ ଏବଂ ସୂଚନାମୂଳକ ସଂସ୍କାରର ତିନୋଟି ସ୍ତମ୍ଭ ଉପରେ ଆଧାରିତ ଏହି ସଂଗ୍ରାମ ଲଢ଼ିବାକୁ ଚେଷ୍ଟା କରିଛନ୍ତି
- ଡ୍ରଗ୍ସର ପୂରା ବ୍ୟବସାୟ ଏବେ ନାର୍କୋ ଆତଙ୍କବାଦ ସହ ଜଡ଼ିତ, ଡ୍ରଗ୍ସରୁ ମିଳିଥିବା ଅର୍ଥ ଦେଶର ସୁରକ୍ଷା ପାଇଁ ସବୁଠାରୁ ବଡ଼ ବିପଦ ପାଲଟିଛି ସମସ୍ତ ଏଜେନ୍ସିର ଲକ୍ଷ୍ୟ କେବଳ ଡ୍ରଗ୍ସ ବ୍ୟବହାର କରୁଥିବା ଲୋକଙ୍କୁ ଧରିବା ନୁହେଁ ବରଂ ଏହାର ସମଗ୍ର ନେଟୱାର୍କକୁ ଧ୍ୱଂସ କରିବା ଦିଗରେ ହେବା ଉଚିତ୍
- ଆମେ କୌଣସି ସ୍ଥାନରୁ ଗୋଟିଏ ଗ୍ରାମ୍ ଡ୍ରଗ୍ସ ଭାରତକୁ ଆସିବାକୁ ଦେବୁ ନାହିଁ କିମ୍ବା ଭାରତର ସୀମାକୁ ନିଶା କାରବାର ପାଇଁ ବ୍ୟବହାର କରିବାକୁ ଅନୁମତି ଦେବୁ ନାହିଁ
- ନିଶା ଯୋଗାଣ ପ୍ରତିହତ ପାଇଁ ଏକ କଠୋର ଆଭିମୁଖ୍ୟ, ଚାହିଦା ହ୍ରାସ ପାଇଁ ଏକ ରଣନୈତିକ ଆଭିମୁଖ୍ୟ ଏବଂ କ୍ଷତି ହ୍ରାସ ପାଇଁ ଏକ ମାନବିକ ଆଭିମୁଖ୍ୟ ରହିବା ଆବଶ୍ୟକ, ଏନ୍ସିଓଆର୍ଡି ବୈଠକ ଆଉଟକମ୍ ଭିତ୍ତିକ ଏବଂ ଫଳାଫଳ ଭିତ୍ତିକ ହେବା ଉଚିତ
- ପୂର୍ବରୁ ଆମ ଏଜେନ୍ସିଗୁଡ଼ିକର ଉଦ୍ଦେଶ୍ୟ ଥିଲା ‘ଜାଣିବାର ଆବଶ୍ୟକତା’, କିନ୍ତୁ ବର୍ତ୍ତମାନ ଆମକୁ ‘ଡ୍ୟୁଟି ଟୁ ସେୟାର’ ଆଡ଼କୁ ଯିବାକୁ ହେବ ଏବଂ ଏହି ବଡ଼ ପରିବର୍ତ୍ତନକୁ ସମସ୍ତ ଏଜେନ୍ସି ଗ୍ରହଣ କରିବାକୁ ପଡ଼ିବ
- ଖୁବଶୀଘ୍ର ସରକାର ସୁଲଭ ମୂଲ୍ୟରେ ନିଶାଦ୍ରବ୍ୟର ପ୍ରାଥମିକ ପରୀକ୍ଷା ପାଇଁ କିଟ୍ ଯୋଗାଇ ଦେବାକୁ ଯାଉଛନ୍ତି, ଯାହା ଦ୍ୱାରା ମାମଲା ରୁଜୁ କରିବା ଅଧିକ ସହଜ ହେବ
ନୂଆଦିଲ୍ଲୀ, (ପିଆଇବି) : କେନ୍ଦ୍ର ଗୃହମନ୍ତ୍ରୀ ତଥା ସମବାୟ ମନ୍ତ୍ରୀ ଅମିତ ଶାହ ନୂଆଦିଲ୍ଲୀର ବିଜ୍ଞାନ ଭବନରେ ନାର୍କୋ-ସମନ୍ୱୟ କେନ୍ଦ୍ର (ଏନ୍ସିଓଆର୍ଡି)ର ସପ୍ତମ ସର୍ବୋଚ୍ଚ ସ୍ତରୀୟ ବୈଠକରେ ଅଧ୍ୟକ୍ଷତା କରିଛନ୍ତି । ଏହି ଅବସରରେ ଗୃହମନ୍ତ୍ରୀ ଶ୍ରୀନଗରଠାରେ ଜାତୀୟ ନାର୍କୋଟିକ୍ସ ହେଲ୍ପଲାଇନ୍ ‘ମାନସ’ (ମାଦକ ପଦାର୍ଥ ନିଷେଧ ଅସୂଚନା କେନ୍ଦ୍ର)ର ଶୁଭାରମ୍ଭ କରିବା ସହ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ଜୋନାଲ୍ କାର୍ଯ୍ୟାଳୟକୁ ଭର୍ଚୁଆଲ୍ ଭାବେ ଉଦ୍ଘାଟନ କରିଥିଲେ । ଅମିତ ଶାହ ଏନ୍ସିବି ‘ବାର୍ଷିକ ରିପୋର୍ଟ ୨୦୨୩’ ଏବଂ ‘ନଶା ମୁକ୍ତ ଭାରତ’ ଉପରେ ସଂକଳନ ମଧ୍ୟ ଜାରି କରିଛନ୍ତି । ବୈଠକରେ ନିଜ ଅଭିଭାଷଣରେ ଅମିତ ଶାହ କହିଥିଲେ ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଡ୍ରଗ୍ସ ବିରୋଧରେ ଲଢ଼େଇ ଅତ୍ୟନ୍ତ ଦୃଢ଼ ଭାବରେ ଚାଲୁ ରହିଛି ଏବଂ ଆମେ ଏହାକୁ ଏକ ଅଭିଯାନ ଭାବରେ ଆଗେଇ ନେବାରେ ସଫଳ ହୋଇଛୁ । ସେ କହିଛନ୍ତି ଯେ, ପ୍ରକୃତ ଲଢ଼େଇ ବର୍ତ୍ତମାନ ଆରମ୍ଭ ହୋଇଛି କାରଣ ବର୍ତ୍ତମାନ ଆମେ ଏହି ଲଢେଇରେ ଏକ ଗୁରୁତ୍ୱପୂର୍ଣ୍ଣ ମୁହୂର୍ତ୍ତରେ ଅଛୁ । ଶ୍ରୀ ଶାହ କହିଛନ୍ତି ଯେ, ୩୫ ବର୍ଷରୁ କମ୍ ବୟସର ଦେଶର ପ୍ରତ୍ୟେକ ନାଗରିକ ଏହି ଯୁଦ୍ଧ ଲଢ଼ିବା ପାଇଁ ଶପଥ ନେବେ ଏବଂ ୩୫ ବର୍ଷରୁ ଅଧିକ ବୟସର ପ୍ରତ୍ୟେକ ନାଗରିକ ସେମାନଙ୍କୁ ମାର୍ଗଦର୍ଶନ କରିବାକୁ ଶପଥ ନ ନେଲେ ଆମେ ଏହି ଯୁଦ୍ଧ ଜିତିପାରିବୁ ନାହିଁ । ସେ ଆହୁରି ମଧ୍ୟ କହିଛନ୍ତି ଯେ, ସରକାର ମାନେ ମଧ୍ୟ ଏହି ଲଢ଼େଇରେ ଜିତି ପାରିବେ ନାହିଁ, ବରଂ ଏହି ଲଢେଇକୁ ଦେଶର ୧୩୦ କୋଟି ଲୋକଙ୍କ ପାଖରେ ପହଞ୍ଚାଇବା ପାଇଁ ଆଭିମୁଖ୍ୟ ରହିବା ଉଚିତ୍ । କେନ୍ଦ୍ର ଗୃହମନ୍ତ୍ରୀ କହିଛନ୍ତି ଯେ, ପ୍ରଧାନମନ୍ତ୍ରୀ ମୋଦୀ ୨୦୪୭ ସୁଦ୍ଧା ଭାରତକୁ ପ୍ରତ୍ୟେକ କ୍ଷେତ୍ରରେ ପ୍ରଥମ କରିବାକୁ ଲକ୍ଷ୍ୟ ରଖିଛନ୍ତି, ଯାହା କେବଳ ଯୁବପିଢ଼ିଙ୍କୁ ଡ୍ରଗ୍ସ କବଳରୁ ଦୂରେଇ ରଖିବା ଦ୍ୱାରା ସମ୍ଭବ । ସେ କହିଛନ୍ତି ଯେ ଡ୍ରଗ୍ସ ବିରୋଧରେ ଏହି ଲଢ଼େଇ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଏବଂ ଏହାକୁ ଗମ୍ଭୀରତାର ସହ ଏବଂ ପ୍ରାଥମିକତାର ସହ ଲଢ଼ିବାର ଆବଶ୍ୟକତା ରହିଛି । ଯଦି ଆମେ ଏହି ଲଢ଼େଇକୁ ପ୍ରାଥମିକତା ନ ଦେବୁ ତେବେ ଆମେ ଏହାକୁ ଜିତିପାରିବୁ ନାହିଁ ବୋଲି ସେ କହିଛନ୍ତି । ଶ୍ରୀ ଶାହ କହିଛନ୍ତି ଯେ, ପ୍ରଧାନମନ୍ତ୍ରୀ ମୋଦୀଙ୍କ ନିଶାମୁକ୍ତ ଭାରତର ସ୍ୱପ୍ନ ଏକ ବିରାଟ ଆହ୍ୱାନ ଏବଂ ସଂକଳ୍ପ । ସେ କହିଛନ୍ତି ଯେ, ଆମେ ବର୍ତ୍ତମାନ ସଚେତନ ହୋଇଛୁ ଏବଂ ଏହି ଗୁରୁତ୍ୱପୂର୍ଣ୍ଣ ମୁହୂର୍ତ୍ତରେ ଯଦି ଆମେ ସାହସିକତାର ସହ ଲଢ଼ିବା ତେବେ ଆମେ ଏହି ଲଢ଼େଇ ଜିତିପାରିବା । ଅମିତ ଶାହ କହିଥିଲେ ଯେ, ଗତ ୫ ବର୍ଷ ମଧ୍ୟରେ ମୋଦୀ ସରକାର ‘ସମ୍ପୂର୍ଣ୍ଣ ସରକାରୀ ଆଭିମୁଖ୍ୟ’ ଆଧାରରେ ଏବଂ ତିନୋଟି ସ୍ତମ୍ଭ – ଢାଞ୍ଚାଗତ, ସଂସ୍ଥାଗତ ଏବଂ ସୂଚନାଗତ ସଂସ୍କାର ଆଧାରରେ ଏହି ଲଢ଼େଇ ଲଢ଼ିବାକୁ ଚେଷ୍ଟା କରିଛନ୍ତି । ୨୦୦୪ରୁ ୨୦୨୩ ମଧ୍ୟରେ ୫୯୩୩ କୋଟି ଟଙ୍କାର ଏକ ଲକ୍ଷ ୫୨ ହଜାର କେଜି ଡ୍ରଗ୍ସ ଜବତ ହୋଇଥିବା ବେଳେ ୨୦୧୪ ରୁ ୨୦୨୪ ପର୍ଯ୍ୟନ୍ତ ୧୦ ବର୍ଷ ମଧ୍ୟରେ ଏହି ପରିମାଣ ୫ ଲକ୍ଷ ୪୩ ହଜାର କେଜିକୁ ବୃଦ୍ଧି ପାଇଛି, ଯାହାର ମୂଲ୍ୟ ୨୨ ହଜାର କୋଟି ଟଙ୍କାରୁ ଅଧିକ । ଶ୍ରୀ ଶାହ କହିଛନ୍ତି ଯେ, ମୋଦୀ ସରକାରଙ୍କ ପ୍ରୟାସ ଯୋଗୁଁ ଅନେକ ଡ୍ରଗ୍ସ ନେଟ୍ୱାର୍କକୁ ସଫଳତାର ସହ ଭାଙ୍ଗି ଦିଆଯାଇଛି । କେନ୍ଦ୍ର ଗୃହ ତଥା ସମବାୟ ମନ୍ତ୍ରୀ କହିଛନ୍ତି ଯେ, ଡ୍ରଗ୍ସର ସବୁଠାରୁ ବଡ଼ କ୍ଷତି ହେଉଛି ଏହା ଆମର ଭବିଷ୍ୟତ ପିଢ଼ିକୁ ନଷ୍ଟ କରିଦିଏ ଏବଂ ନିଶାଗ୍ରସ୍ତମାନେ ସେମାନଙ୍କର ପୂରା ପରିବାରକୁ ଚରମ ନିରାଶା ଏବଂ ହୀନ ମାନସିକତାର ଶିକାର କରନ୍ତି । ଏବେ ଏକ ନୂଆ ବିପଦ ସୃଷ୍ଟି ହୋଇଛି କାରଣ ଏହି ସମଗ୍ର ବ୍ୟବସାୟ ନାର୍କୋ ଆତଙ୍କବାଦ ସହ ଜଡିତ ହେଉଛି ଏବଂ ଡ୍ରଗ୍ସରୁ ଆସୁଥିବା ଅର୍ଥ ଦେଶର ସୁରକ୍ଷା ପାଇଁ ସବୁଠାରୁ ଗମ୍ଭୀର ବିପଦ ଭାବେ ଉଭା ହେଉଛି । ଶ୍ରୀ ଶାହ କହିଛନ୍ତି ଯେ, ନିଶା କାରବାର ଯୋଗୁଁ ଆମ ଅର୍ଥନୀତିକୁ ଦୁର୍ବଳ କରିବା ପାଇଁ ଉଦ୍ଦିଷ୍ଟ ଅର୍ଥନୈତିକ କାରବାରର ଅନ୍ୟାନ୍ୟ ମାଧ୍ୟମ ମଧ୍ୟ ସୁଦୃଢ଼ ହୋଇଛି । ଏଭଳି ଅନେକ ସଂଗଠନ ଗଠନ କରାଯାଇଛି, ଯେଉଁମାନେ କେବଳ ନିଶା କାରବାର ନୁହେଁ ବରଂ ବେଆଇନ ହାଓ୍ଵାଲା କାରବାର ଓ ଟିକସ ଚୋରିରେ ମଧ୍ୟ ସଂପୃକ୍ତ ହେଉଛନ୍ତି । ସେ କହିଛନ୍ତି ଯେ, ନିଶା ଦ୍ରବ୍ୟ ଚୋରା ଚାଲାଣ ଏବେ ଏକ ବହୁସ୍ତରୀୟ ଅପରାଧରେ ପରିଣତ ହୋଇଛି, ଯାହାକୁ ଆମକୁ ଦୃଢ଼ ଏବଂ କଠୋର ଭାବରେ ମୁକାବିଲା କରିବାର ଆବଶ୍ୟକତା ରହିଛି । ଅମିତ ଶାହ କହିଛନ୍ତି ଯେ, ସମସ୍ତ ଏଜେନ୍ସି, ବିଶେଷ କରି ରାଜ୍ୟ ପୋଲିସ କେବଳ ନିଶା ଦ୍ରବ୍ୟ ବ୍ୟବହାର କରୁଥିବା ଲୋକଙ୍କୁ ଧରିବା ପାଇଁ ଲକ୍ଷ୍ୟ ରଖିବା ଉଚିତ୍ ନୁହେଁ ବରଂ ଏହାର କାରବାରରେ ସମ୍ପୃକ୍ତ ଲୋକଙ୍କୁ ଧରିବା ଏବଂ ସମଗ୍ର ନେଟ୍ୱାର୍କକୁ ଧ୍ୱଂସ କରିବାକୁ ଲକ୍ଷ୍ୟ ରଖିବା ଉଚିତ୍ । ଏଥିପାଇଁ ‘ଉପରୁ ତଳ’ ଏବଂ ‘ତଳୁ ଉପର’ ପର୍ଯ୍ୟନ୍ତ ଯାଞ୍ଚ ଉପରେ ଗୁରୁତ୍ୱ ଦେବାର ଆବଶ୍ୟକତା ରହିଛି ବୋଲି ସେ କହିଛନ୍ତି । ସେ କହିଛନ୍ତି ଯେ, ଯଦି ଦେଶର ସୀମାରେ ଡ୍ରଗ୍ସ ମହଜୁଦ୍ ରହିଛି, ତେବେ ଏହାର ତଦନ୍ତ କରି ଏହା ପଛରେ ଥିବା ପୂରା ନେଟ୍ୱାର୍କକୁ ଧ୍ୱଂସ କରିବାର ଆବଶ୍ୟକତା ରହିଛି । ଗୃହମନ୍ତ୍ରୀ କହିଛନ୍ତି ଯେ, ଗୁଜରାଟ ‘ଟପ୍ ଟୁ ବଟମ୍’ ଏବଂ ‘ବଟମ୍ ଟୁ ଟପ୍’ ଆଭିମୁଖ୍ୟ ସହିତ ଅନେକ ବଡ଼ ଡ୍ରଗ୍ସ ମାମଲାର ତଦନ୍ତ କରିବାରେ ବହୁତ ଭଲ କାମ କରିଛି । ସେ କହିଛନ୍ତି ଯେ, ଭାରତରେ ମଧ୍ୟ ସିନ୍ଥେଟିକ୍ ଡ୍ରଗ୍ସ ସମସ୍ୟା ଏବେ ସାମ୍ନାକୁ ଆସୁଛି ଏବଂ ନିକଟରେ ଅନେକ ବେଆଇନ ପରୀକ୍ଷାଗାର ଧରାପଡ଼ିଛି । ସେ କହିଛନ୍ତି ଯେ, ସମସ୍ତ ରାଜ୍ୟ ତଦନ୍ତ ଏବଂ ଅନ୍ୟାନ୍ୟ ଏଜେନ୍ସି ଏନସିବିଠାରୁ ଏ ସମ୍ପର୍କରେ ବିସ୍ତୃତ ସୂଚନା ନେବା ଉଚିତ ଏବଂ ନିଜ ନିଜ ରାଜ୍ୟରେ ଏଭଳି କାର୍ଯ୍ୟକଳାପକୁ ରୋକିବା ପାଇଁ କାର୍ଯ୍ୟ କରିବା ଉଚିତ୍ । ଶ୍ରୀ ଶାହା କହିଛନ୍ତି ଯେ, ଆମର ଲକ୍ଷ୍ୟ ହେବା ଉଚିତ୍ ଯେ, ଆମେ କୌଣସି ସ୍ଥାନରୁ ଗୋଟିଏ ଗ୍ରାମ୍ ଡ୍ରଗ୍ସ ମଧ୍ୟ ଭାରତକୁ ପ୍ରବେଶ କରିବାକୁ ଦେବୁ ନାହିଁ କିମ୍ବା ଭାରତର ସୀମାକୁ ନିଶା କାରବାର ପାଇଁ କୌଣସି ଉପାୟରେ ବ୍ୟବହାର କରିବାକୁ ଅନୁମତି ଦେବୁ ନାହିଁ । ସେ କହିଛନ୍ତି ଯେ, ଡ୍ରଗ୍ସ ଯେକୌଣସି ସ୍ଥାନରୁ ଆସିଲେ କିମ୍ବା ଯେଉଁ ସ୍ଥାନକୁ ବି ପ୍ରେରଣ କରାଗଲେ ତାକୁ ଗମ୍ଭୀରତାର ସହ ନିଆଯିବା ଉଚିତ୍ ଏବଂ ସମଗ୍ର ବିଶ୍ୱ ଏକାଠି ଲଢ଼ିଲେ ହିଁ ଆମେ ଏହି ଯୁଦ୍ଧ ଜିତିପାରିବୁ ।
ଅମିତ ଶାହ କହିଛନ୍ତି ଯେ, ସେ ୨୦୧୪ ରୁ ଏନ୍ସିଓଆର୍ଡିର କାର୍ଯ୍ୟକାରିତା ଉପରେ ବହୁତ ଗୁରୁତ୍ୱ ଦେଇଛନ୍ତି ଏବଂ ଏହା ଉତ୍ସାହଜନକ ଫଳାଫଳ ପ୍ରଦାନ କରିବାରେ ସାହାର୍ଯ୍ୟ କରିଛି । ଜିଲ୍ଲାସ୍ତରୀୟ ଏନ୍ସିଓଆରଡି କାର୍ଯ୍ୟ ନକଲେ ଏହି ଲଢ଼େଇ ସଫଳତାର ସହ ଲଢ଼ାଯାଇ ପାରିବ ନାହିଁ ବୋଲି ସେ କହିଛନ୍ତି । ଜିଲ୍ଲାସ୍ତରୀୟ ଏନ୍ସିଓଆର୍ଡି କେବଳ ଆଲୋଚନାର ମଞ୍ଚ ନୁହେଁ ବରଂ ନିଷ୍ପତ୍ତି ଓ ସମୀକ୍ଷା ମଧ୍ୟ ହେବା ଉଚିତ ବୋଲି ସେ ଗୁରୁତ୍ୱାରୋପ କରିଥିଲେ । ଜିଲ୍ଲା ନିଜର ଲକ୍ଷ୍ୟ ଧାର୍ଯ୍ୟ କରି ତାହାର ସମୀକ୍ଷା କରିବା ଦରକାର ବୋଲି ସେ କହିଛନ୍ତି । ସେ କହିଛନ୍ତି ଯେ, ଏନ୍ସିଓଆର୍ଡି ବୈଠକ ଆଉଟକମ୍ ଭିତ୍ତିକ ଏବଂ ଫଳାଫଳ ଭିତ୍ତିକ ହେବା ଉଚିତ୍ । ଏକ ନିର୍ଦ୍ଦିଷ୍ଟ ଲକ୍ଷ୍ୟ ଧାର୍ଯ୍ୟ କରିବା, ଏହାର ସମୀକ୍ଷା କରିବା ଏବଂ ସ୍ଥାନୀୟ ପରିସ୍ଥିତି ଅନୁଯାୟୀ ରଣନୀତି ପ୍ରସ୍ତୁତ କରିବା ଏହାର ଏକ ଗୁରୁତ୍ୱପୂର୍ଣ୍ଣ ଅଂଶ ହେବା ଉଚିତ ବୋଲି ଶ୍ରୀ ଶାହ କହିଛନ୍ତି । ପିଆଇଟିଏନ୍ଡିପିଏସ୍ର ବ୍ୟବହାର ବଢ଼ାଇବାକୁ ସେ ସମସ୍ତ ଏଜେନ୍ସିକୁ କହିଛନ୍ତି । ଗୃହମନ୍ତ୍ରୀ କହିଛନ୍ତି ଯେ, ପୂର୍ବରୁ ଆମ ଏଜେନ୍ସି ଗୁଡ଼ିକର ଉଦ୍ଦେଶ୍ୟ ଥିଲା ‘ଜାଣିବାର ଆବଶ୍ୟକତା’, କିନ୍ତୁ ବର୍ତ୍ତମାନ ଆମକୁ ‘ଡ୍ୟୁଟି ଟୁ ସେୟାର’ (ଜଣାଇବାର କର୍ତ୍ତବ୍ୟ) ଆଡ଼କୁ ଯିବାକୁ ହେବ ଏବଂ ଏହି ବଡ଼ ପରିବର୍ତ୍ତନକୁ ସମସ୍ତ ଏଜେନ୍ସି ଗ୍ରହଣ କରିବାକୁ ପଡ଼ିବ । ଶ୍ରୀ ଶାହ କହିଛନ୍ତି ଯେ, ଔଷଧ ଯୋଗାଣ ଦିଗରେ କଠୋର ଆଭିମୁଖ୍ୟ, ଚାହିଦା ହ୍ରାସ ଦିଗରେ ରଣନୈତିକ ଆଭିମୁଖ୍ୟ ଏବଂ କ୍ଷତି ହ୍ରାସ ଦିଗରେ ମାନବୀୟ ଆଭିମୁଖ୍ୟ ରହିବା ଦରକାର । ସେ କହିଛନ୍ତି ଯେ, ଏହି ତିନୋଟି ଅଲଗା ଅଲଗା କିନ୍ତୁ ଏହା ନକଲେ ସଫଳତା ହାସଲ କରାଯାଇ ପାରିବ ନାହିଁ । କେନ୍ଦ୍ର ଗୃହମନ୍ତ୍ରୀ କହିଛନ୍ତି ଯେ, ଆଜି ମାନସ ପୋର୍ଟାଲର ଶୁଭାରମ୍ଭ କରାଯାଇଛି ଏବଂ ଏହା ସହିତ ଆହୁରି ଅନେକ ପଦକ୍ଷେପ ମଧ୍ୟ ନିଆଯାଇଛି ଯାହାକୁ ରାଜ୍ୟ ଏବଂ ଜିଲ୍ଲାର ପ୍ରତ୍ୟେକ ୟୁନିଟରେ ପହଞ୍ଚିବାକୁ ପଡିବ । ସେ କହିଛନ୍ତି ଯେ, ରାଜ୍ୟଗୁଡ଼ିକ ସେମାନଙ୍କ ବଜେଟର ଏକ ଅଂଶ ନିଶାଦ୍ରବ୍ୟର ନିୟନ୍ତ୍ରଣ କରିବା ଉପରେ ଖର୍ଚ୍ଚ କରିବା ଉଚିତ୍ । ଖୁବଶୀଘ୍ର ସରକାର ସୁଲଭ ମୂଲ୍ୟରେ ନିଶାଦ୍ରବ୍ୟର ପ୍ରାଥମିକ ପରୀକ୍ଷା ପାଇଁ କିଟ୍ ଯୋଗାଇ ଦେବାକୁ ଯାଉଛନ୍ତି, ଯାହା ଦ୍ୱାରା ମାମଲା ରୁଜୁ କରିବା ଆହୁରି ସହଜ ହେବ । ଶ୍ରୀ ଶାହ କହିଛନ୍ତି ଯେ, ସାମାଜିକ ନ୍ୟାୟ ଏବଂ ସଶକ୍ତୀକରଣ ମନ୍ତ୍ରଣାଳୟ ନିଶା ମୁକ୍ତ ଭାରତ ଅଭିଯାନକୁ ଭଲ ଭାବରେ ଗ୍ରହଣ କରିଛି ଏବଂ ସମସ୍ତ ଧାର୍ମିକ, ଯୁବ ଏବଂ ରୋଟାରୀ ସଂଗଠନ ଏଥିରେ ସାମିଲ ହେବା ଉଚିତ । ଅମିତ ଶାହ କହିଥିଲେ ଯେ, ଡ୍ରଗ୍ସ ବିରୋଧରେ ଏହି ଲଢେଇରେ ଆମକୁ ବହୁତ ଆଗକୁ ଯିବାକୁ ଅଛି ଏବଂ ବର୍ତ୍ତମାନ ଆମକୁ ଏହାର ଗତି ଏବଂ ପରିସର ବୃଦ୍ଧି କରିବାକୁ ପଡିବ । ସେ କହିଛନ୍ତି ଯେ, ବେଗ ବଢ଼ାଇବା ଏବଂ ବ୍ୟାପକତା ବୃଦ୍ଧି କରିବା ପାଇଁ ଆମକୁ ଅନେକ ସହକର୍ମୀଙ୍କୁ ସାଙ୍ଗରେ ନେବାକୁ ପଡ଼ିବ । ଜମ୍ମୁ-କଶ୍ମୀରର ଶ୍ରୀନଗରସ୍ଥିତ ଜୋନାଲ କାର୍ଯ୍ୟାଳୟ ଭାରତର ଉତ୍ତର-ପଶ୍ଚିମ ସୀମା ଦେଇ ନିଶା କାରବାର ରୋକିବା ଦିଗରେ ଧ୍ୟାନ ଦେବ । ଏନ୍ସିବିର ଏବେ ୩୦ଟି ଜୋନାଲ୍ ଅଫିସ ଓ ୭ ଟି ଆଞ୍ଚଳିକ କାର୍ଯ୍ୟାଳୟ ରହିଛି । ଏନ୍ସିବିର ବାର୍ଷିକ ରିପୋର୍ଟ-୨୦୨୩ରେ ଡ୍ରଗ୍ସ ଚୋରା ଚାଲାଣ ଏବଂ ଡ୍ରଗ୍ସ ଅପବ୍ୟବହାର ବିରୋଧରେ ଚାଲିଥିବା ଯୁଦ୍ଧରେ ଏନ୍ସିବି/ ଅନ୍ୟ ସମସ୍ତ ଏଜେନ୍ସିର ପ୍ରୟାସ ଏବଂ ସଫଳତା ଉପରେ ଆଲୋକପାତ କରାଯାଇଛି । ଏଥିରେ ସାମ୍ପ୍ରତିକ ବର୍ଷ ଗୁଡ଼ିକରେ ସମସ୍ତ ଏଜେନ୍ସି ଦ୍ୱାରା ଜବତ ହୋଇଥିବା ସାମଗ୍ରୀ, ନିଶା ଦ୍ରବ୍ୟ ଚୋରା ଚାଲାଣ ଉପରେ ସଦ୍ୟତମ ଧାରା, ନାର୍କୋଟିକ୍ ଡ୍ରଗ୍ସ ଆଣ୍ଡ ସାଇକୋଟ୍ରୋପିକ୍ ସବଷ୍ଟେନ୍ସ ଆକ୍ଟ (ପିଆଇଟିଏନ୍ଡିପିଏସ୍)ରେ ଅଧୀନରେ କାର୍ୟ୍ୟାନୁଷ୍ଠାନ, ମନି ଲଣ୍ଡରିଂ ନିବାରଣ ଆଇନ (ପିଏମ୍ଏଲ୍ଏ) ଅଧୀନରେ କାର୍ଯ୍ୟାନୁଷ୍ଠାନ ସମେତ ଆର୍ଥିକ ତଦନ୍ତ ଇତ୍ୟାଦି ବିଷୟରେ ତଥ୍ୟ ରହିଛି । ମାନସ (ମାଦକ ପଦର୍ଥ ନିଷେଧ ଅସୂଚନା କେନ୍ଦ୍ର)ରେ ଟୋଲ୍ ଫ୍ରି ନମ୍ବର ୧୯୩୩, ଏକ ୱେବ୍ ପୋର୍ଟାଲ, ମୋବାଇଲ୍ ଆପ୍ ଏବଂ ଉମଙ୍ଗ ଆପ୍ ରହିବ, ଯାହା ଦ୍ୱାରା ନାଗରିକମାନେ ନିଶା କାରବାର /ଚୋରା ଚାଲାଣ ସମ୍ପର୍କରେ ସୂଚନା ପ୍ରଦାନ କରିବା ପାଇଁ ଏବଂ ନିଶା କାରବାର/ ଚୋରା ଚାଲାଣ ସମ୍ପର୍କରେ ସୂଚନା ଦେବା ପାଇଁ କିମ୍ବା ନିଶା ସେବନ, ନିଶାମୁକ୍ତି ଏବଂ ଥଇଥାନ ଭଳି ସମସ୍ୟା ସମ୍ପର୍କରେ ପରାମର୍ଶ ଦେବା ପାଇଁ ଏନସିବି ସହ ୨୪ ଘଣ୍ଟିଆ ଯୋଗାଯୋଗ କରିପାରିବେ । ବେଆଇନ ଚାଷ ଏକ ବଡ଼ ବିପଦ ଏବଂ ବେଆଇନ ଚାଷକୁ ରୋକିବା ଏବଂ ସମ୍ପୃକ୍ତ ଏଜେନ୍ସିଦ୍ୱାରା ଏଭଳି ବେଆଇନ ଚାଷକୁ ନଷ୍ଟ କରିବା ପାଇଁ ଏନ୍ସିବି ବିସାଗ-ଏନ୍ ସହିତ ମିଶି ଏକ ୱେବ୍ ପୋର୍ଟାଲ ଏବଂ ମୋବାଇଲ୍ ଆପ୍ “ମ୍ୟାପଡ୍ରଗ୍ସ” ବିକଶିତ କରିଛି । ଏହି ବୈଠକରେ ନିଶା ମୁକ୍ତ ଭାରତ ଦିଗରେ କାର୍ଯ୍ୟ କରୁଥିବା ସମସ୍ତ ମନ୍ତ୍ରଣାଳୟ, ବିଭାଗ, ରାଜ୍ୟ ସରକାର ଏବଂ ସମସ୍ତ ଏଜେନ୍ସିର ମୁଖ୍ୟମାନେ ଯୋଗ ଦେଇଥିଲେ । ବୈଠକରେ କେନ୍ଦ୍ର ଗୃହ ସଚିବ, ରାଜସ୍ୱ ସଚିବ, ସାମାଜିକ ନ୍ୟାୟ ଓ ସଶକ୍ତୀକରଣ ମନ୍ତ୍ରଣାଳୟ ସଚିବ, ଗୁଇନ୍ଦା ବ୍ୟୁରୋର ନିର୍ଦ୍ଦେଶକ ଏବଂ ଏନ୍ସିବିର ମହାନିର୍ଦ୍ଦେଶକଙ୍କ ସମେତ କେନ୍ଦ୍ର ସରକାରଙ୍କ ବରିଷ୍ଠ କର୍ମକର୍ତ୍ତାମାନେ ଅଂଶଗ୍ରହଣ କରିଥିଲେ । ଏହି ବୈଠକରେ ସମସ୍ତ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ମୁଖ୍ୟ ଶାସନ ସଚିବ, ଡିଜିଏସ୍ପି ଏବଂ ନିଶା ନିବାରଣ ଟାସ୍କ ଫୋର୍ସ ମୁଖ୍ୟମାନେ ଭର୍ଚୁଆଲ ମାଧ୍ୟମରେ ଅଂଶଗ୍ରହଣ କରିଥିଲେ । ବୈଠକରେ ଏନସିବି, ଡିଆର୍ଆଇ, ଇଡି, ବିଏସ୍ଏଫ୍, ଏସ୍ଏସ୍ବି, ସିଆର୍ପିଏଫ୍, ସିଆଇଏସ୍ଏଫ୍, ଆର୍ପିଏଫ୍, ଭାରତୀୟ ନୌସେନା, ଭାରତୀୟ ତଟରକ୍ଷୀ ବାହିନୀ, ରାଷ୍ଟ୍ରମନ୍ତ୍ରୀ ଓ ଇ ଇତ୍ୟାଦିର ବରିଷ୍ଠ ପ୍ରତିନିଧିମାନେ ଯୋଗ ଦେଇଥିଲେ ।