ପାଟଣାଗଡ଼, (କେପିଏନ୍ଏସ୍) : ପାଟଣାଗଡ଼ ଥାନା ଅନ୍ତର୍ଗତ ସୁନାମୁଦୀ ଗାଁର ଆତ୍ମଘୋଷିତ କାଳୀ ସାଧକ ମିତ୍ରଭାନୁ ଭୁଏ କାହିଁକି ଗିରଫ୍ ହେଲେ ? କିଏ କଲା ତାଙ୍କ ନାମରେ ଅଭିଯୋଗ ? ଅଭିଯୋଗ ପତ୍ରରେ କ’ଣ ଦର୍ଶା ଯାଇଥିଲା ? ମାମଲା ବିଷୟରେ ପାଟଣାଗଡ଼ ଏସ୍ଡ଼ିଜେଏମ୍ କୋର୍ଟ ଏପିପିଙ୍କ ଠାରୁ ମିଳିଛି ସୂଚନା । ସୁନାମୁଦୀ ଗାଁର ଲିଙ୍ଗରାଜ ବୁଡେ଼କ ନାମକ ଜଣେ ବ୍ୟକ୍ତି ମିତ୍ରଭାନୁ ଭୁଏଙ୍କ ନାମରେ ପୋଲିସ ପାଖରେ ଅଭିଯୋଗ କରିଥିଲେ ଯେ, ଗୁଣି ଗାରେଡ଼ି କରି ଲୋକଙ୍କଠାରୁ ମିତ୍ରଭାନୁ ଟଙ୍କା ଆଦାୟ କରୁଥିବା ବେଳେ ଗୁଣି ଗାରେଡ଼ିର ଦୃଶ୍ୟ ସୋସିଆଲ୍ ମିଡ଼ିଆରେ ଅପ୍ଲୋଡ଼୍ କରି ଲୋକଙ୍କୁ ଅନ୍ଧବିଶ୍ୱାସ ଜାଲରେ ଛନ୍ଦି ଦେଉଥିଲେ । ଅଭିଯୋଗକୁ ଭତ୍ତି କରି ପାଟଣାଗଡ଼ ପୋଲିସ କାଳୀ ସାଧକ ବାବା ମିତ୍ରଭାନୁ ଭୁଏଙ୍କୁ ଗିରଫ୍ କରି କୋର୍ଟ ଚାଲାଣ କରିଥିଲେ ।