ବିକଶିତ ଭାରତ ସଂକଳ୍ପ ଯାତ୍ରାର ପ୍ରଥମ ଚରଣରେ ଆଦିବାସୀ ଜିଲ୍ଲା ସମୂହର ଗ୍ରାମ ପଞ୍ଚାୟତଗୁଡିକୁ ଅଭିନନ୍ଦନ ପତ୍ର ପ୍ରଦାନ
- ଡିଜିଟାଲ ଇଣ୍ଡିଆ ଭିତ୍ତିକ ଲ୍ୟାଣ୍ଡ ରେକର୍ଡ ଆଧୁନିକୀକରଣ କାର୍ଯ୍ୟକ୍ରମର ଉଦ୍ଦେଶ୍ୟ ହେଲା ଦେଶରେ ଏକ ଆଧୁନିକ, ପୂର୍ଣ୍ଣାଙ୍ଗ ଓ ସ୍ୱଚ୍ଛ ଭୂ-ରେକର୍ଡ ପରିଚାଳନା ବ୍ୟବସ୍ଥା ବିକଶିତ କରିବା
- ଭାରତ ସରକାର ୨୦୨୩ ନଭେମ୍ବର ୧୫ତାରିଖରୁ ବିକଶିତ ଭାରତ ସଂକଳ୍ପ ଯାତ୍ରା ଆୟୋଜନ କରୁଛନ୍ତି ଏବଂ ଏହା ୨୦୨୪ ଜାନୁୟାରୀ ୨୬ ପର୍ଯ୍ୟନ୍ତ ଚାଲିବ
- ଏହି ସଂକଳ୍ପ ଯାତ୍ରା ଲୋକଙ୍କ ମଧ୍ୟରେ ଲ୍ୟାଣ୍ଡ ରେକର୍ଡ ଡିଜିଟାଇଜେସନ ସମ୍ପର୍କରେ ସଚେତନତା ସୃଷ୍ଟି ପାଇଁ ଉଦ୍ଦିଷ୍ଟ
- ବିକଶିତ ଭାରତ ସଂକଳ୍ପ ଯାତ୍ରା ଅଧୀନରେ ଭୂସମ୍ପଦ ବିଭାଗ ଯୋଗ୍ୟ ଗ୍ରାମଗୁଡିକରେ ଅଭିନନ୍ଦନ ପତ୍ର ବିତରଣ କରିବାକୁ ଯୋଜନା କରିଛି
- ଏହି ଅବସରରେ ସମ୍ପୃକ୍ତ ଗ୍ରାମ ପଞ୍ଚାୟତଗୁଡିକୁ ସମ୍ବର୍ଦ୍ଧିତ କରାଯିବ
କେନ୍ଦ୍ର ଭୂ-ସମ୍ବଳ ବିଭାଗ ପକ୍ଷରୁ ଡିଜିଟାଲ ଇଣ୍ଡିଆ ଲ୍ୟାଣ୍ଡ ରେକର୍ଡ
ଦିଲ୍ଲୀ, (ପିଆଇବି) : ଆଧୁନିକୀକରଣ କାର୍ଯ୍ୟକ୍ରମ (ଡିଆଇଏଲଆର୍ଏମ୍ପି) କୁ କାର୍ଯ୍ୟକାରୀ କରାଯାଉଛି । ଏହା କେନ୍ଦ୍ର ସରକାରଙ୍କର ଏକ ଯୋଜନା । ଭାରତ ସରକାର ଏଥି ପାଇଁ ଶତ ପ୍ରତିଶତ ଅର୍ଥ ଯୋଗାଇ ଦେଉଛନ୍ତି । ଏହି ଯୋଜନାର ଲକ୍ଷ୍ୟ ହେଲା ଦେଶର ଏକ ଆଧୁନିକ, ପୂର୍ଣ୍ଣାଙ୍ଗ, ଓ ସ୍ୱଚ୍ଛ ଲ୍ୟାଣ୍ଡ ରେକର୍ଡ ପରିଚାଳନା ବ୍ୟବସ୍ଥା ବିକଶିତ କରିବା । ଡିଆଇଏଲଆରଏମ୍ପି ମାଧ୍ୟମରେ ଦେଶରେ ଜମିଜମା ସଂକ୍ରାନ୍ତ ମାମଲାର ରେକର୍ଡପତ୍ର ପ୍ରସ୍ତୁତ କରିବାରେ ଉଲ୍ଲେଖନୀୟ ଉନ୍ନତି ଘଟିଛି । ଅନେକ ଜମିଜମାର ରେକର୍ଡପତ୍ରକୁ ଡିଜିଟାଇଜ୍ କରାଯାଇଛି । ଏହି କାମରେ ସଫଳତା ପାଇଁ ଦେଶର ବିଭିନ୍ନ ଜିଲ୍ଲାଗୁଡିକ ମଧ୍ୟରେ ସୁସ୍ଥ ପ୍ରତିଯୋଗିତା ଚାଲିଛି । ଏଥି ପାଇଁ ବିଭାଗ ପକ୍ଷରୁ ସଫଳତା ଆଧାରରେ ଜିଲ୍ଲାଗୁଡିକ ନିମନ୍ତେ ଗ୍ରେଡିଂ ବ୍ୟବସ୍ଥା କରାଯାଇଛି ।
ଏ ସଂକ୍ରାନ୍ତ ଛ’ଟି ମୌଳିକ ବିଷୟରେ ଯେଉଁ ଜିଲ୍ଲା ୯୯ଶତାଂଶ ବା ତତୁର୍ଦ୍ଧ କାମ ସମ୍ପୂର୍ଣ୍ଣ କରିଛନ୍ତି ସେମାନଙ୍କ ପାଇଁ ପ୍ଲାଟିନମ୍ ଗ୍ରେଡର ମାନ୍ୟତା ବ୍ୟବସ୍ଥା ସରକାର କରିଛନ୍ତି । ୨୦୨୩ ଅକ୍ଟୋବର ୨୬ତାରିଖ ସୁଦ୍ଧା ଦେଶର ୧୪ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ମୋଟ ୧୫୭ ଜିଲ୍ଲା ଏ କ୍ଷେତ୍ରରେ ୯୯ ଶତାଂଶ କାମ ଶେଷ କରି ପ୍ଳାଟିନମ୍ ମାନ୍ୟତା ପାଇବାରେ ଯୋଗ୍ୟତା ଅର୍ଜନ କରିଛନ୍ତି । ଏହି ଜିଲ୍ଲାଗୁଡିକ ମଧ୍ୟରେ ଅନେକ ଆଦିବାସୀ ଅଧୁଷିତ ଜିଲା ରହିଛନ୍ତି । ଯେଉଁ ଛ’ଟି ମୌଳିକ କାର୍ଯ୍ୟ ଉପରେ ଗୁରୁତ୍ୱ ଦିଆଯାଇଛି ସେଗୁଡିକ ହେଲା-
୧) ଲ୍ୟାଣ୍ଡ ରେକର୍ଡର କମ୍ପ୍ୟୁଟରାଇଜେସନ
୨) କାଡାଷ୍ଟ୍ରାଲ/ଏଫ୍ଏମ୍ବିସିଏମ୍ ମ୍ୟାପର ଡିଜିଟାଇଜେସନ
୩) କାଡାଷ୍ଟ୍ରାଲ ମ୍ୟାପ ସହ ଲ୍ୟାଣ୍ଡ ରେକର୍ଡର ସଂଯୋଗ ସ୍ଥାପନ
୪) ପଞ୍ଜୀକରଣ (ରେଜିଷ୍ଟ୍ରେସନ)ର କମ୍ପ୍ୟୁଟରାଇଜେସନ
୫) ଲ୍ୟାଣ୍ଡ ରେକର୍ଡସ ଦପ୍ତର (ରାଜସ୍ୱ ଅଫିସ) ସହିତ ରେଜିଷ୍ଟ୍ରେସନ (ଏମ୍ଆରଓ )ର ସଂଯୋଗୀକରଣ ଏବଂ ୬) ଆଧୁନିକ ରେକର୍ଡ ରୁମ ପ୍ରତିଷ୍ଠା ।
ଏହି ଛ’ଟି ମୌଳିକ ବିଷୟର କାର୍ଯ୍ୟକାରିତା ଉପଯୁକ୍ତ ଭାବେ ହେଲେ ଲ୍ୟାଣ୍ଡ ରେକର୍ଡର ଡିଜିଟାଇଜେସନ ଓ ଆଧୁନିକୀକରଣ କାମ ଆଶାନୁରୂପ ହୋଇପାରିବ । ଏହା ଫଳରେ ଆବଶ୍ୟକ ସ୍ଥଳେ ଭୂସମ୍ପତ୍ତି/ଜମିଜମା ସଂକ୍ରାନ୍ତ ଅଦ୍ୟତମ ତଥ୍ୟ, ଏହାର ସ୍ଥିତି, ମାଲିକାନା ସ୍ୱରୂପ ଆଦି ବିଷୟରେ ପୂର୍ଣ୍ଣର୍ାଙ୍ଗ ତଥ୍ୟ ମିଳିପାରିବ । ଏହା ଫଳରେ ଭୂ-ସମ୍ପଦର ବ୍ୟବହାର ସହଜ ହୋଇପାରିବ । ଏହା ଫଳରେ ୍ଭୂମି ମାଲିକ ଓ କ୍ରେତା ମଧ୍ୟ ଉପକୃତ ହେବେ । ଏହା ଦ୍ୱାରା ଭୂମି ବିବାଦ ହ୍ରାସ ପାଇବା ସହିତ ବେନାମୀ କାରବାର, ଠକେଇ ଆଦିକୁ ରୋକି ହେବ । ଏହି ରେକର୍ଡ ଭତ୍ତିରେ ଜମିର ବ୍ୟବହାର ଯୋଜନା ସଂସଂହତ ହୋଇପାରିବ । ଆହୁରି ମଧ୍ୟ ଏହି ଡିଜିଟାଇଜେସିନ ପ୍ରକ୍ରିୟା ଜମି ବିକ୍ରି ବଟାକୁ ସହଜ କରିବ । ଜମିର ସ୍ଥିତି ଓ ମାଲିକାନା ଆଦି ବିଷୟରେ ଜାଣିବାକୁ ରାଜସ୍ୱ/ରେଜିଷ୍ଟ୍ରେସନ ଅଫିସକୁ ଉଭୟ ଭୂମି ମାଲିକ ଓ କ୍ରେତାଙ୍କୁ ଦୌଡିବାକୁ ପଡିବ ନାହିଁ । ଜମିଜମା ସଂକ୍ରାନ୍ତ ତଥ୍ୟ ବିଭିନ୍ନ ସଂଗଠନ ଓ ସଂସ୍ଥା ସହ ଆଦାନପ୍ରଦାନ କରି ହେବ ।
ଭାରତ ସରକାର ବିକଶିତ ଭାରତ ସଂକଳ୍ପ ଯାତ୍ରା ୨୦୨୩ ନଭେମ୍ବର ୧୩ ତାରିଖରୁ ଦେଶବ୍ୟାପୀ ଆରମ୍ଭ କରିଛନ୍ତି । ଏହା ୨୦୨୪ ଜାନୁୟାରୀ ୨୬ ଯାଏ ଚାଲିବ । ଏହି ଯୋଜନା ସମ୍ପର୍କରେ ଲୋକଙ୍କୁ ଅବଗତ କରିବା ଏହି ଯାତ୍ରାର ଉଦ୍ଦେଶ୍ୟ । ଏହା ବାସ୍ତବରେ ଏକ ସଚେତନତା ଅଭିଯାନ । ଜନ ଭାଗିଦାରୀ ମାଧ୍ୟମରେ ଏହି ଯୋଜନାର ଲାଭ ସମସ୍ତଙ୍କ ପାଖରେ ପହଞ୍ଚାଇବାକୁ ସରକାର ଉଦ୍ୟମ କରୁଛନ୍ତି । ଯେଉଁମାନେ ଏହି ଯୋଜନାରେ ଅନ୍ତର୍ଭୁକ୍ତ ହୋଇନାହାନ୍ତି ସେମାନଙ୍କୁ ମଧ୍ୟ ଏହି ଅଭିଯାନ କାଳରେ ଏଥିରେ ସାମିଲ କରାଯିବ ।
ବିକଶିତ ଭାରତ ସଂକଳ୍ପ ଯାତ୍ରା ଅଧୀନରେ ଭାରତ ସରକାରଙ୍କ ଭୂସମ୍ପଦ ବିଭାଗ ଯୋଗ୍ୟ ଗାଁରେ ଅଭିନନ୍ଦନ ପତ୍ର ବାଣ୍ଟିବା ସହିତ ସଫଳ ପଞ୍ଚାୟତଗୁଡିକୁ ସମ୍ବର୍ଦ୍ଧିତ କରିବେ । ଏଥିରେ ଗ୍ରାମ, ପଞ୍ଚାୟତ ଓ ବ୍ଲକସ୍ତରୀୟ କର୍ମକର୍ତ୍ତା ଓ ଲୋକପ୍ରତିନିଧିମାନଙ୍କୁ ମଧ୍ୟ ସମ୍ବର୍ଦ୍ଧିତ କରାଯିବ । ଯେଉଁ ଗ୍ରାମ ପଞ୍ଚାୟତ, ଜମି ଡିଜିଟାଇଜେସନ କାମରେ ୯୯ ଶତାଂଶ ବା ତଦୁର୍ଦ୍ଧ ସଫଳତା ହାସଲ କରିଛନ୍ତି, ସେସବୁର ପ୍ରତିନିଧିମାନଙ୍କୁ ସାର୍ଟିଫିକେଟ /ପ୍ରମାଣପତ୍ର ଦିଆଯିବ । ଏହି ସାର୍ଟିଫିକେଟରେ ଡିଜିଟାଲ ରୂପ/ନକଲ ସବୁ ରାଜ୍ୟକୁ ପଠାଇ ଦିଆଯାଇଛି । ଏହି ରାଜ୍ୟ ସରକାରମାନେ ଏହାକୁ ବାଣ୍ଟିବେ । ପ୍ରଥମ ପର୍ଯ୍ୟାୟରେ ୧୧ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ୧୦୩ ଆଦିବାସୀ ବହୁଳ ଜିଲ୍ଲାରେ ଏହି ସାର୍ଟିଫିକେଟ ସଂକଳ୍ପ ପତ୍ର ବଣ୍ଟାଯିବ ।
ବିକଶିତ ଭାରତ ସଂକଳ୍ପ ଯାତ୍ରାର ପ୍ରଥମ ପର୍ଯ୍ୟାୟ କାର୍ଯ୍ୟକ୍ରମ ଆୟୋଜିତ ହୋଇଯାଇଛି । ଏଥିରେ ଅଭିନନ୍ଦନ ପତ୍ର ସମ୍ପୃକ୍ତ ଗ୍ରାମ ଓ ପଞ୍ଚାୟତକୁ ପ୍ରଦାନ କରାଯାଇଛି ।
- ଗୁଜରାଟର ନର୍ମଦା ଜିଲ୍ଲାରେ ଅଭିନନ୍ଦନ ପତ୍ର ବଣ୍ଟନ
-ଗୁଜରାଟର ଡାଙ୍ଗ ଜିଲ୍ଲାର ବାଘାଇ ଗ୍ରାମରେ ଅଭିନନ୍ଦନପତ୍ର ବଣ୍ଟନ କାର୍ଯ୍ୟକ୍ରମ
-ପଶ୍ଚିମ ତ୍ରିପୁରା ଜିଲ୍ଲାର ଜିରାଣିଆ ବ୍ଲକରେ ଆୟୋଜିତ ସଚେତନତା ଶିବିର
