ସମ୍ବଲପୁର : ସମ୍ବଲପୁର ପୋଲିସ ଦ୍ଵାରା ଏନକାଉଣ୍ଟର । ସଦର ଥାନା କେନଘାଟି ଅଞ୍ଚଳରେ ଗତକାଲି ଏନକାଉଣ୍ଟର ହୋଇଛି । ଏଥିରେ ଜ୍ୟାକବ ରାଜ୍ ନାମକ ଜଣେ ଅଭିଯୁକ୍ତ ଆହତ ହୋଇ ବୁର୍ଲାରେ ଚିକିତ୍ସିତ ହେଉଛନ୍ତି । ଅଭିଯୁକ୍ତ ଓ ସହଯୋଗୀ ଡକାୟତି କରିଥିବାବେଳେ ପୋଲିସ ଧରିବାକୁ ଯାଇଥିବା ସମୟରେ ଏହି ଘଟଣା ଘଟିଛି । ପାଲଟା ଫାୟାରିଙ୍ଗ କରିବାକୁ ଚେଷ୍ଟା କରିବାରୁ ପୋଲିସ ଗୁଳିରେ ଜ୍ୟାକବ ଆହତ ହୋଇଛନ୍ତି । ଏହି ଘଟଣାରେ ସମୁଦାୟ ୧୨ ଜଣ ଗିରଫ ହୋଇଥିବା ସମ୍ବଲପୁର ଏସ୍ପି କହିଛନ୍ତି । ପୋଲିସ ଅଭିଯୁକ୍ତଙ୍କଠାରୁ ୨ଟି ପିସ୍ତଲ, ୨ଟି ଭୁଜାଲି, ୪ଟି ଛୁରୀ, ୩ ଲକ୍ଷ ୨୦ ହଜାର ଟଙ୍କା ଜବତ କରିଛି । ଖବର ଅନୁସାରେ ଅଭିଯୁକ୍ତମାନେ ଅଫତାବ୍ ଆଲମଙ୍କ ଘରେ ଡକାୟତି କରି ଫେରାର ମାରୁଥିଲେ । ତେବେ ପୋଲିସ ଧରିବାକୁ ଯାଇଥିବାବେଳେ ଅଭିଯୁକ୍ତମାନେ ଗୋଟିଏ ରାଉଣ୍ଡ ଗୁଳି କରିଥିଲେ । ତେବେ ପୋଲିସର ପାଲଟା ଗୁଳିରେ ଅଭିଯୁକ୍ତ ଜ୍ୟାକବ ରାଜ୍ ଆହତ ହୋଇ ବୁର୍ଲା ସ୍ଥାନାନ୍ତର ହୋଇଛନ୍ତି । ଜ୍ୟାକରଙ୍କ ଗୋଡରେ ଗୁଳି ବାଜିଥିବା ବେଳେ ତାର ଚିକିତ୍ସା ଚାଲିଛି । ତାଙ୍କ ଘର କୋରାପୁଟର ଲକ୍ଷ୍ମୀପୁର ହୋଇଥିବାବେଳେ ତାଙ୍କ ନାଁରେ ୧୦ରୁ ୧୨ଟି ମାମଲା ରହିଥିବା ଏସ୍ପି କହିଛନ୍ତି ।