ପାଟଣାଗଡ଼, (ଗୋରେଖନାଥ ବରିହା) : ଆଜି ପ୍ରାୟ ଦିନ ୩ଟା ସମୟରେ ଖୋଲା ଖୋଲି ଭାବରେ କଣ୍ଟାବାଞ୍ଜିରୁ ପାଟଣାଗଡ଼ ଦେଇ ବେଆଇନ ଗୋ ଚାଲାଣ କରୁଥିବା ୨ ଗୋଟି ଗୋରୁ ବୋଝେଇ ପିକ୍ଅପ୍ ଭ୍ୟାନ (ଓଆର୍୧୭ଏଚ୍୭୩୭୮ ଏବଂ ଓଡି୦୩ଡବ୍ଳୁ୧୭୬୯)କୁ ଜବତ କରାଯାଇଥିବା ଜଣାପଡିଛି । ସୂଚନା ଅନୁସାରେ ପିକ୍ଅପ୍ ଭ୍ୟାନ୍ରେ ୩ ଗୋଟି ଗାଈ ଓ ୬ ଗୋଟି ବଳଦ ବୋଝେଇ ହୋଇ ଯାଛଥିବା ବେଳେ କୌଣସି ସୂତ୍ରରୁ ଖବର ପାଇ ପାଟଣାଗଡ଼ ସ୍ଥିତ ବରପଦର ଯିବା ରାସ୍ତା ବ୍ରିଜଠାରେ ବଜରଙ୍ଗ ଦଳର ଜିଲ୍ଲା ସହ ସଂଯୋଜକ ହରି ବାଗ, ସଭାପତି ଗିରିଜା ଶଙ୍କର ପଟ୍ଟନାୟକଙ୍କ ସମେତ କେତେକ କର୍ମକର୍ତ୍ତା ପହଞ୍ଚି ଉକ୍କ୍ତ ଦୁଇ ପିକ୍ଅପ୍କୁ ଅଟକ ରଖି ପାଟଣାଗଡ଼ ପୋଲିସକୁ ଖବର ଦେଇଥିଲେ । ଖବର ପାଇ ପୋଲିସ ଘଟଣା ସ୍ଥଳୀର ପହଞକଚି ଗାଡିକୁ ଜବତ କରି ୪ ଜଣ ଙକୁ ଅଟକ ରଖିଥିବା ଜଣାପଡିଛି । ବେଆଇନ ଗୋ ଚାଲାଣ କରୁଥିବା ବ୍ୟକ୍ତିମାନେ ଲୋଇସିଂହା ଥାନା ରୋତ ଗ୍ରାମର ରମେଶ ପଟେଲ, ଉଗ୍ରସେନ ସାହୁ, ହେମନ୍ତ ବରିହା, ବିଶ୍ଵନାଥ ଦୀପ, ଶିବରାମ, କେରକେଟୁ ସୁନା ବୋଲି ଜଣାପଡିଛି । ପାଟଣାଗଡ଼ ପୋଲିସ ୪ ଜଣଙ୍କୁ ଅଟକ ରଖି ଏକ ମାମଲା ରୁଜୁ କରି ତଦନ୍ତ କରୁଥିବା ଜଣାପଡିଛି ।
