ପାଟଣାଗଡ଼, (ଗୋରେଖନାଥ ବରିହା) : ପାଟଣାଗଡ଼ ଉପଖଣ୍ଡ ବେଲପଡା ବ୍ଲକ ମଣ୍ଡଳ ଗ୍ରାମର ଯୁବ କବି ଆଶୁତୋଷ ଠାକୁର (ବାବଲୁ) କଟକସ୍ଥିତ କର୍ମବୀର ଗୌରୀଶଙ୍କର ଟାଉନ ହଲ ଠାରେ ଅନୁଷ୍ଠିତ ଶ୍ରୀଚନ୍ଦନ ସାହିତ୍ୟ ସଂସଦର ୪୫ତମ ବାର୍ଷିକ ଉତ୍ସବ ଓ ସମ୍ବର୍ଦ୍ଧନା ପର୍ବରେ ରାଜ୍ୟସ୍ତରୀୟ ମନସ୍ୱିନୀ ବାଣୀପୁତ୍ର ସମ୍ମାନ -୨୦୨୨ରେ ସମ୍ମାନିତ ହୋଇଛନ୍ତି । ନିଜ ଘର ମଣ୍ଡଳକୁ ପହଞ୍ଚିବା ପରେ ପରିବାର, ବନ୍ଧୁବର୍ଗ ଓ ଗଣମାଧ୍ୟମ ପ୍ରତିନିଧି ନଟବର ମହାନନ୍ଦ କବି ଆଶୁତୋଷ ଠାକୁରଙ୍କୁ ଫୁଲ ତୋଡ଼ା ଦେଇ ଶୁଭେଛା ଜଣାଇଥିଲେ । ଖବର ପାଇ ଅଞ୍ଚଳରେ ଖୁସିର ଲହରୀ ଖେଲି ଯାଇଛି । ବିଭିନ୍ନ ସାହିତ୍ୟ ଅନୁଷ୍ଠାନରେ ଆଗରୁ ସମ୍ମାନିତ ହୋଇଥିଲେ ମଧ୍ୟ ଏହି ବାଣୀପୁତ୍ର ସମ୍ମାନ ତାଙ୍କୁ ଆହୁରି ପ୍ରେରଣା ଯୋଗାଇବ ବୋଲି କହିଛନ୍ତି । ଏହି ସବୁର ଶ୍ରେୟ କବି ଆଶୁତୋଷ ପାଠକମାନଙ୍କୁ ଦେଇଛନ୍ତି । କବି ଆଶୁତୋଷ ଠାକୁରଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟୁଛି ।