ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସହର ନିକଟସ୍ଥ ବିଷ୍ଣୁମୁଣ୍ଡା ଗ୍ରାମ ପାଖରେ ଏକ ଅଟୋ ଓଲଟି ଡ୍ରାଇଭର ଜଣକ ଗୁରୁତର ଆହତ ହୋଇଥିବା ସୂଚନା ମିଳିଛି । ସୂଚନା ଅନୁସାରେ ବଲାଙ୍ଗିର-ମହିମୁଣ୍ଡା ରାସ୍ତାର ବିଷ୍ଣୁମୁଣ୍ଡା ପାଖରେ ଭାରସାମ୍ୟ ହରାଇ ରାସ୍ତା କଡ଼କୁ ଅଟୋ ଓଲଟି ପଡ଼ିଥିବା ବେଳେ ଅଟୋ ଡ୍ରାଇଭର ବଲାଙ୍ଗିର ବରପାଲିପଡ଼ା ନିବାସୀ କୃଷ୍ଣଚନ୍ଦ୍ର ଜେନା ଗୁରୁତର ଭାବେ ଆହତ ହୋଇଯାଇଥିଲେ । ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଭୀମ ଭୋଇ କଲେଜ ହସ୍ପିଟାଲ୍ରେ ତାଙ୍କୁ ଚିକିତ୍ସା ପାଇଁ ଭର୍ତ୍ତି କରିଥିଲେ । ତେବେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ବୁର୍ଲା ମେଡ଼ିକାଲ୍କୁ ସ୍ଥାନାନ୍ତର କରାଯାଇଥିବା କୁହାଯାଇଛି ।