ବଲାଙ୍ଗିର, (କେପିଏନ୍ଏସ୍) : ଆଜି ଦେଶର କୋଣ ଅନୁକୋଣରେ ଆନ୍ତରାଷ୍ଟ୍ରୀୟ ମହିଳା ଦିବସ ପାଳନ କରାଯାଉଛି । ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ଓ ବଲାଙ୍ଗିର ଜିଲ୍ଲା ତରଫରୁ ବିଭିନ୍ନ କଲେଜ ଶାଖା ମାନଙ୍କରେ ମହିଳା ଦିବସକୁ ବିଭିନ୍ନ କାର୍ଯ୍ୟକ୍ରମ ମାଧ୍ୟମରେ ପାଳନ କରାଯାଇଛି । ବଲାଙ୍ଗିର ସରକରୀ ମହିଳା ମହାବିଦ୍ୟାଳୟରେ ଏହି କାର୍ଯ୍ୟକ୍ରମକୁ ଏକ ଅଭିନବ ଢ଼ଙ୍ଗରେ ବିଭିନ୍ନ ଲିପି ପ୍ରଦର୍ଶନୀ କରି ପାଳନ କରାଯାଇଛି । ଏହି କାର୍ଯ୍ୟକ୍ରମରେ ଅନ୍ୱେଷା ହୋତା, ନିଲମ ପଧାନ, ଅପର୍ଣ୍ଣା ଶୁଭଦର୍ଶିନୀ ସେଠ୍ ଇତ୍ୟାଦି ପ୍ରମୁଖ ନେତୃତ୍ୱ ନେଇଥିଲେ । ସେହିଭଳି ଭାବରେ କେ.ଭି କଲେଜ ଏବଂ ତୁରେକେଲା କଲେଜରେ ମଧ୍ୟ ଆଲୋଚନା ଚକ୍ର ମାଧ୍ୟମରେ ଏହି ଦିବସକୁ ପାଳନ କରାଯାଇଛି । ପାଖାପାଖି ଶତାଧିକ ଛାତ୍ରୀମାନେ ଏହି ମହିଳା ଦିବସ ଅବସରରେ ନାରୀ ସୁରକ୍ଷା, ନାରୀ ସଶକ୍ତିକରଣ ଓ ନାରୀ ଶିକ୍ଷା ଇତ୍ୟାଦି ବିଭିନ୍ନ ବିଷୟର ଚର୍ଚ୍ଚାରେ ନିଜକୁ ଅଂଶୀଦାର କରିଥିଲେ । ସୁସ୍ଥ ସମାଜ ଗଠନରେ ମହିଳାମାନଙ୍କର ଯେଉଁ ଗୁରୁତ୍ୱପୂର୍ଣ୍ଣ ଭୂମିକା ରହିଛି ତାହା ମଧ୍ୟ ଆଲୋକପାତ କରାଯାଇଥିଲା ।
