ନିର୍ବାଚନରେ ଶୋଚନୀୟ ଭାବେ ପରାଜିତ ହୋଇଥିବା କଂଗ୍ରେସ ଦଳକୁ ପୁନର୍ଜୀବିତ କରିବାକୁ ଚେଷ୍ଟା କରୁଛନ୍ତି ପ୍ରିୟଙ୍କା ଗାନ୍ଧୀ !
ନୂଆଦିଲ୍ଲୀ : ସମ୍ପ୍ରତି ୫ଟି ବିଧାନସଭା ନିର୍ବାଚନରେ କଂଗ୍ରେସ ସମସ୍ତ ପାଞ୍ଚଟି ରାଜ୍ୟରେ ନିର୍ବାଚନରେ ପରାଜୟର ସମ୍ମୁଖୀନ ହୋଇଛି । ଏଭଳି ପରିସ୍ଥିତିରେ ଜି -୨୩ ଗୋଷ୍ଠୀର ବରିଷ୍ଠ ନେତାମାନେ ମଧ୍ୟ ଅସନ୍ତୋଷ ବ୍ୟକ୍ତ କରିଛନ୍ତି । ସେପଟେ ଖବର ଆସିଛି ଯେ, ୟୁପି ନିର୍ବାଚନର ଦାୟିତ୍ୱ ଗ୍ରହଣ କରିଥିବା ପ୍ରିୟଙ୍କା ଗାନ୍ଧୀ ପୁଣି ଥରେ ଦଳକୁ ପୁନର୍ଜୀବିତ କରିବାକୁ ଚେଷ୍ଟା କରୁଛନ୍ତି ।
ନିର୍ବାଚନରେ ହାରିଯିବା ପରେ କଂଗ୍ରେସର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରା କ୍ରମାଗତ ତିନି ଦିନ ଧରି ଦଳର ନେତାଙ୍କୁ ଭେଟି ଲୋକସଭା ନିର୍ବାଚନ ପୂର୍ବରୁ ଉତ୍ତରପ୍ରଦେଶରେ ଦଳକୁ ପୁନର୍ଜୀବିତ କରିବା ପାଇଁ ରଣନୀତି ପ୍ରସ୍ତୁତ କରିଥିଲେ । ସୂତ୍ରରୁ ପ୍ରକାଶ ଯେ, ଉତ୍ତରପ୍ରଦେଶ ନିର୍ବାଚନରେ କଂଗ୍ରେସ ମାତ୍ର ଦୁଇଟି ଆସନ ଜିତିବାରେ ସକ୍ଷମ ହୋଇଛି । ଆଗାମୀ ସମୟ କଠିନ ପ୍ରମାଣିତ ହେବା ସ୍ୱଭାବିକ । ତେଣୁ ପ୍ରିୟଙ୍କା ଗାନ୍ଧୀ ଏଥିପାଇଁ ଏକ ବ୍ଲୁ ପ୍ରିଣ୍ଟ ପ୍ରସ୍ତୁତ କରିବାକୁ ଚେଷ୍ଟା କରିଛନ୍ତି ।