ରୁଷର ୟୁକ୍ରେନ ସହର ଉପରେ ତାୱଡ଼ତୋଡ୍ ଆକ୍ରମଣ, କ୍ଷେପଣାସ୍ତ୍ର, ଗୁଳି, ବୋମା ମାଡ଼ରେ ତ୍ରାହି ତ୍ରାହି ୟୁକ୍ରେନ୍ ମାଟି
କିଭ୍ : ୟୁକ୍ରେନର କିଭ୍ ଉପରେ ରୁଷର ତାୱଡ଼ତୋଡ୍ ଆକ୍ରମଣ ୨୪ ଦିନରେ ପହଂଚିଛି । ସ୍କୁଲ, କଲେଜ, ଥିଏଟର୍, ତୈଳ ଡିପୋ, ଗ୍ୟାସ୍ ପାଇପ୍ ଲାଇନ୍, ସୈନ୍ୟ ଆଡ୍ଡା, ଡାକ୍ତରଖାନା, ସାମରିକ ବିମାନ ମରାମତି କରୁଥିବା କାରଖାନାରେ ଜୋର୍ସୋର୍ କ୍ଷେପଣାସ୍ତ୍ର ନିକ୍ଷେପ ଚାଲିଛି । ଏଭଳି ଅବସ୍ଥା ୟୁକ୍ରେନ୍ରେ ଦେଖିବାକୁ ମିଳିଛି ଯେ, ଏଣେ ତେଣେ ଶବ ବିଛାଡ଼ି ହୋଇ ପଡ଼ିଛି । ଜନଜୀବନ ଛାର୍ଖାର୍ ହୋଇ ସାରିଛି । ୟୁକ୍ରେନ୍କୁ ଧ୍ୱଂସ ବିଧ୍ୱସ୍ତ କରି ସାରିଛି ରୁଷ । କିନ୍ତୁ ଏ ପର୍ଯ୍ୟନ୍ତ ରାଜଧାନୀ କିଭ୍କୁ ସଂପୂର୍ଣ୍ଣ ଅକ୍ତିଆର କରି ପାରିନଥିବାରୁ ଆହୁରି ତେଜିଆନ୍ କରିଛି ଆକ୍ରମଣକୁ ରୁଷ ।