ଭୁବନେଶ୍ୱର : ବାଲେଶ୍ୱର ଓ ତିର୍ତ୍ତୋଲ ଉପନିର୍ବାଚନ ସାମ୍ନାକୁ ଆସି ଯାଇଥିବା ବେଳେ ଏହାର ପ୍ରସ୍ତୁତି ନେଇ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁଶୀଲ କୁମାର ଲୋହାନୀ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ନଭେମ୍ବର ୩ରେ ଭୋଟ ହେବାକୁ ଥିବା ବେଳେ କରୋନା କଟକଣା ଭିତରେ ନିର୍ବାଚନ ହେବ ବୋଲି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୂଚନା ଦେଇଛନ୍ତି । ଦିଆଯାଇଥିବା ସୂଚନା ଅନୁସାରେ ସମସ୍ତ ବୁଥ୍ରେ ଆଶା କର୍ମୀ, ସେଚ୍ଛାସେବୀ ରହିବେ । ସାମାଜିକ ଦୂରତା ନିୟମ ମାନି ମତଦାନ କରାଯିବ ବୋଲି ସେ କହିଛନ୍ତି ।