ଟିଟିଲାଗଡ, (ସଞ୍ଜୟ କୁମାର ନାୟକ) : ଦ୍ୱିତୀୟ ବର୍ଷ ବାସୁ ମେମୋରିଆଲ ଫୁଟବଲ ଟୁର୍ଣ୍ଣ।ମେଣ୍ଟ ଜଗୁଆ ଗ୍ରାମପଞ୍ଚାୟତର ଭାଟିପଡ଼ା ଗ୍ରାମ ଖେଳ ପଡିଆରେ ଅନୁଷ୍ଠିତ ହୋଇଯାଇଛି । ଏହି ଫୁଟବଲ ପ୍ରତିଯୋଗିତାରେ କୁସକେଲା ଗ୍ରାମର ଯୁବନେତା ପ୍ରକାଶ ମହାନନ୍ଦ ଏବଂ ଟିଟିଲାଗଡ଼ ଗରିବସେନା ସଭାପତି ବିରେନ୍ଦ୍ର କୁମାର ବାଗଙ୍କୁ ମୁଖ୍ୟ ଅତିଥି ଭାବରେ ନିମନ୍ତ୍ରଣ କରାଯାଇଥିଲା । ଦୁଇ ଦଳର ଖେଳାଳିଙ୍କୁ ଉତ୍ସାହିତ କରିବା ପାଇଁ ପଡିଆ ଭିତରକୁ ଯାଇ କରମର୍ଦନ କରିବା ପରେ ଖେଳ ଆରମ୍ଭ ହୋଇଥିଲା । ମଙ୍ଗଳବାର ଦିନ ହଳଦୀ ଓ ବଡ଼ମାଳ ମଧ୍ୟରେ ମ୍ୟାଚ୍ ଅନୁଷ୍ଠିତ ହୋଇଥିବା ବେଳେ ବଡ଼ମାଳକୁ ଏକ ଗୋଲ ଦେଇ ହଳଦୀ ଟିମ ବିଜୟୀ ହୋଇଛି । ଆସନ୍ତା ଡ଼ିସେମ୍ବର ୩ ତାରିଖରେ ଫାଇନାଲ ମ୍ୟାଚ୍ ଅନୁଷ୍ଠିତ ହେବ ବୋଲି ଆୟୋଜକ ଟିମ ପକ୍ଷରୁ କୁହାଯାଇଛି ।