ବଲାଙ୍ଗିର, (କେପିଏନ୍ଏସ୍) : ଏମ୍.ଏମ୍. ପ୍ରଡକ୍ସନ ପ୍ରୟୋଜିତ କୋଶଲୀ ସର୍ଟ ଫିଲ୍ମ ବିଧିର୍ ବିଧାନ୍ର ଦ୍ୱିତୀୟ ଭାଗ ‘ବଦ୍ଲା’ର ଶୁଭ ମୁହୁରତ୍ ମା’ ସମଲେଶ୍ୱରୀ ମନ୍ଦିରଠାରେ ଅନୁଷ୍ଠିତ ହୋଇଯାଇଛି । ଏହା ଏକ ସସ୍ପେନ୍ସ୍ ଥ୍ରିଲର୍ ଫିଲ୍ମ ବୋଲି କୁହାଯାଇଛି । ବିଶିଷ୍ଠ ସିନେ ଅଭିନେତା ରତନ ମେହେରଙ୍କ ପ୍ରଯୋଜନାରେ ବରିଷ୍ଠ କଳାକାର ବିଜୟ କୁମାର ତ୍ରିପାଠୀ ଏଥିରେ ନିର୍ଦ୍ଦେଶନା ଦାୟିତ୍ୱ ଗ୍ରହଣ କରିଛନ୍ତି । ସହନିର୍ଦ୍ଦେଶକ ଭାବେ ଦେବାଶିଷ ମେହେର ଓ କ୍ୟାମେରା ପରିଚାଳକ ଭାବେ କୀର୍ତ୍ତିଚନ୍ଦ୍ର ଗହୀର କାର୍ଯ୍ୟଭାର ନେଇଥିବା ବେଳେ ଆମ ଅଞ୍ଚଳର କଳାକାରମାନଙ୍କୁ ନେଇ ଏହି ଫିଲ୍ମ ସୁଟିଙ୍ଗ କରାଯାଉଥିବା କୁହାଯାଇଛି ।