ବଲାଙ୍ଗିର, (ଦେବାଶିଷ ମିଶ୍ର) : ବିଶ୍ୱାତ୍ମ ବିଦ୍ୟା ମନ୍ଦିର ସାହାଜବାହାଲଠାରେ ମହାସମାରୋହର ସହିତ ଶ୍ରୀକୃଷ୍ଣ ଜନ୍ମାଷ୍ଟମୀ ଉତ୍ସବ ପାଳନ କରାଯାଇଛି । ବିଦ୍ୟା ମନ୍ଦିରର ସମସ୍ତ ଛାତ୍ରୀ ରାଧାରାଣୀ ବେଶ ଏବଂ ଛାତ୍ର ଗଣ ଶ୍ରୀକୃଷ୍ଣ ବେଶରେ ସୁସଜ୍ଜିତ ହୋଇଥିଲେ । ମୁଖ୍ୟ ଆଚାର୍ଯ୍ୟ ଚନ୍ଦ୍ର କୁମାର ପୁରୋହିତଙ୍କ ଦ୍ୱାରା ପୂଜନୋତ୍ସବ ସହିତ ଆଶୀର୍ବଚନ ଦେଇଥିଲେ । ସତ୍ୟ, ଧର୍ମ ସଂସ୍ଥାପନ ସହ ସଦ୍ଗୁଣର ଆଶ୍ରିତ ହେବା ପାଇଁ ଏବଂ ଅନ୍ୟାୟ, ଅନୀତିରୁ ଦୂରେଇ ରହିବା ଏହାର ମୂଳ ଲକ୍ଷ୍ୟ । ବିଦ୍ୟା ମନ୍ଦିର ଆଚାର୍ଯ୍ୟ ରଘୁନାଥ ହୋତା, କ୍ଷୀରୋଦ୍ର ପୁରୋହିତ, ଶେଷଦେବ ଡାଙ୍ଗ, ନିରଞ୍ଜନ ଯୋଷୀ, ଆଚାର୍ଯ୍ୟ ସୁଶ୍ରୀ ମାଧବୀ ଡାଙ୍ଗ, ସବିତା ତ୍ରିପାଠୀ, ଦିପାଞ୍ଜଳି ଡାଙ୍ଗ, ରଜନୀ ବଗର୍ତ୍ତୀ, ମଂଜୁ ଭୋଇ ସହ ଅନେକ ଅଭିଭାବକ ଗଣ ମଧ୍ୟ ଉପସ୍ଥିତ ଥିଲେ । ଗତ ୦୫/୦୯/୨୩ ଦିନ ମଧ୍ୟ ଗୁରୁ ଦିବସ ପାଳନ କରାଯାଇଥିଲା । ଡଃ ସର୍ବପଲ୍ଲୀ ରାଧାକୃଷ୍ଣନ୍ଙ୍କୁ ମାଲ୍ୟାର୍ପଣ ପୂର୍ବକ ପୂଜନୋତ୍ସବ ମଧ୍ୟ କରାଯାଇଥିଲା । ମୁଖ୍ୟ ଆଚାର୍ଯ୍ୟ ଗୁରୁ ଦିବସ ଉପରେ ଛାତ୍ର ଛାତ୍ରୀମାନଙ୍କୁ ଗୁରୁ ଛାତ୍ରର କର୍ତ୍ତବ୍ୟ ଉପରେ ଉପଦେଶ ଦେଇଥିଲେ ।