ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ପୋଲିସ ଉପଖଣ୍ଡର ଜଗଦଲପୁର ଥାନା ଅନ୍ତର୍ଗତ ପୁଝାରୀପାଲି ଗ୍ରାମ ଠାରେ ବରଗଡ ଆରକ୍ଷୀ ଅଧିକ୍ଷକ ପ୍ରହଲ୍ଲାଦ ସହାୟ ମିନାଙ୍କ ନିର୍ଦ୍ଦେଶ କ୍ରମେ ପୋଲିସର ଏକ ଜନସମ୍ପର୍କ ତଥା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ଜଗଦଲପୁର ଥାନା ଅଧିକାରୀ କୈଳାଶ ଚନ୍ଦ୍ର ପ୍ରଧାନ ସଭା କାର୍ଯ୍ୟକ୍ରମ ପରିଚାଳନା କରିଥିଲେ । ଗ୍ରାମର ଅବସର ପ୍ରାପ୍ତ ଶିକ୍ଷକ ସୁରେଶ ସାହୁ ଅତିଥିଙ୍କୁ ସ୍ୱାଗତ କରିଥିଲେ । ବରଗଡ ପୋଲିସ ଆର୍ଆଇ ଶାନ୍ତନୁ ପଧାନୀ କାର୍ଯ୍ୟକ୍ରମର ଉଦ୍ଦେଶ୍ୟ ତଥା ଜନସାଧରଣଙ୍କୁ ପୋଲିସ ସହ ସୁସମ୍ପର୍କ ସ୍ଥାପନ, ମାଓବାଦୀ କାର୍ଯ୍ୟକଳାପରୁ ଦୁରେଇ ରହିବା ପାଇଁ ଜନସାଧାରଣଙ୍କୁ ନିବେଦନ କରିଥିଲେ । ଏହି ପରିପ୍ରେକ୍ଷୀରେ ଆୟୋଜିତ ସଭାରେ ଗ୍ରାମର ଗୌନ୍ତିଆ ବେଣୁଧର ସାହୁ, ନିତ୍ୟାନନ୍ଦ ପ୍ରଧାନ, ଟୁନା ଦଣ୍ଡସେନା, ପଦ୍ମପୁର ଉପଖଣ୍ଡ ଆରକ୍ଷୀ ଅଧିକାରୀ ଆଇପିଏସ୍ ଅମ୍ରିତପାଲ କୌର ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ମୁଖ୍ୟ ଅତିଥି ସମବେଷିତ ମହିଳା, ପୁରଷ, ବୟୋଜୈଷ୍ଠ ବ୍ୟକ୍ତି ବିଶେଷ, ଛାତ୍ରଛାତ୍ରୀଙ୍କୁ ଶାଢ଼ୀ, କମ୍ବଳ, ଘର ଉପକରଣ, ଛତା, ଖାତାପତ୍ର, ପେନସିଲ ଇତ୍ୟାଦି ବଣ୍ଟନ କରିଥିଲେ । କାର୍ଯ୍ୟକ୍ରମଟି ଗ୍ରାମର ଭଦ୍ରବ୍ୟକ୍ତି ତଥା ଜଗଦଲପୁର ଥାନା ପୋଲିସ ଏଏସ୍ଆଇ ଦେବାର୍ଚ୍ଚନ ଖୁମରା ଓ ଷ୍ଟାଫ, ଡିଭିଏଫ୍ଙ୍କ ମିଳିତ ସହଯୋଗରେ ସୁଚାରୁ ରୂପେ ଅନୁଷ୍ଠିତ ହୋଇଥିଲା । ପରିଶେଷରେ ଥାନାଧିକାରୀ ଶ୍ରୀଯୁକ୍ତ ପ୍ରଧାନ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।