ଫସଫେଟିକ ଏବଂ ପୋଟାସିକ (ପିଏଣ୍ଡକେ) ସାର ଉପରେ ପୋଷକ ତତ୍ତ୍ୱ ଆଧାରିତ ସବସିଡି (ଏନବିଏସ) ଦରକୁ କ୍ୟାବିନେଟ ମଞ୍ଜୁରି
- ଖରିଫ୍ ଋତୁ ୦୧.୦୪.୨୦୨୫ରୁ ୩୦.୦୯.୨୦୨୫ ପର୍ଯ୍ୟନ୍ତ ଲାଗୁ ହେବ ନୂଆ ଦର
- ଏନପିକେଏସ ଗ୍ରେଡ ସମେତ ଅଧିସୂଚିତ ପି ଆଣ୍ଡ କେ ସାର କୃଷକମାନଙ୍କୁ ରିହାତି, ସୁଲଭ ଏବଂ ଯୁକ୍ତିସଙ୍ଗତ ଦରରେ ଉପଲବ୍ଧ ହେବ
- ସିଙ୍ଗଲ୍ ସୁପର ଫସଫେଟ୍ (ଏସଏସପି) ଉପରେ ମାଲ ପରିବହନ ସବସିଡିକୁ ଖରିଫ ୨୦୨୫ ପର୍ଯ୍ୟନ୍ତ ବୃଦ୍ଧି
- ଅଧିସୂଚିତ ପି ଆଣ୍ଡ କେ ସାର ପାଇଁ ସବସିଡି ହାର ଅନୁମୋଦନ ହେଉଛି କୃଷି କ୍ଷେତ୍ର ଏବଂ କୃଷକମାନଙ୍କୁ ସରକାର ଦେଉଥିବା ଗୁରୁତ୍ୱର ଆଉ ଏକ ଉଦାହରଣ
- ପି ଆଣ୍ଡ କେ ସାରକୁ ସବସିଡି ଦେବା ଦ୍ୱାରା କୃଷକମାନେ ଉଚିତ ମୂଲ୍ୟରେ ଆବଶ୍ୟକ ପୋଷକ ତତ୍ତ୍ୱ ପାଇବା ସୁନିଶ୍ଚିତ କରିବାରେ ସାହାଯ୍ୟ କରିଥାଏ; ସୁସ୍ଥ ମୃତ୍ତିକା ସୁସ୍ଥ ଫସଲ ଆଡ଼କୁ ନେଇଯାଏ ଏବଂ ଦେଶ ପାଇଁ ଖାଦ୍ୟ ସୁରକ୍ଷା ସୁନିଶ୍ଚିତ କରିଥାଏ
- ସାରା ଦେଶରେ ଖରିଫ ୨୦୨୫ ପର୍ଯ୍ୟନ୍ତ ସୁଲଭ, ରିହାତି ଏବଂ ଯୁକ୍ତିସଙ୍ଗତ ହାରରେ ପି ଆଣ୍ଡ କେ ସାର ଉପଲବ୍ଧ କରାଇବା ପାଇଁ ୩୭,୨୧୬.୧୫ କୋଟି ଟଙ୍କାର ଏନବିଏସ ସବସିଡିକୁ କେନ୍ଦ୍ର କ୍ୟାବିନେଟ ମଞ୍ଜୁରି
ନୂଆଦିଲ୍ଲୀ, (ପିଆଇବି) : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟ ଖରିଫ ଋତୁ, ୨୦୨୫ (୦୧.୦୪.୨୦୨୫ରୁ ୩୦.୦୯.୨୦୨୫) ପାଇଁ ଫସଫେଟିକ୍ ଏବଂ ପୋଟାସିକ୍ (ପିଏଣ୍ଡକେ) ସାର ଉପରେ ପୁଷ୍ଟିକର ଆଧାରିତ ସବସିଡି (ଏନବିଏସ) ହାର ସ୍ଥିର କରିବା ପାଇଁ ସାର ବିଭାଗର ପ୍ରସ୍ତାବକୁ ଅନୁମୋଦନ କରିଛନ୍ତି । ଖରିଫ ଋତୁ ୨୦୨୫ ପାଇଁ ବଜେଟ ଆବଶ୍ୟକତା ପାଖାପାଖି ୩୭,୨୧୬.୧୫ କୋଟି ଟଙ୍କା ହେବ । ରବି ଋତୁ ୨୦୨୪-୨୫ ପାଇଁ ବଜେଟ ଆବଶ୍ୟକତା ଠାରୁ ଏହା ପ୍ରାୟ ୧୩,୦୦୦ କୋଟି ଟଙ୍କା ଅଧିକ ।
ଲାଭ :
- କୃଷକମାନଙ୍କୁ ସବସିଡିଯୁକ୍ତ, ସୁଲଭ ଏବଂ ଉଚିତ୍ ମୂଲ୍ୟର ସାରର ଉପଲବ୍ଧତା ସୁନିଶ୍ଚିତ କରାଯିବ ।
- ସାର ଏବଂ ନିବେଶର ଅନ୍ତର୍ଜାତୀୟ ମୂଲ୍ୟରେ ସାମ୍ପ୍ରତିକ ଧାରାକୁ ଦୃଷ୍ଟିରେ ରଖି ପି ଆଣ୍ଡ କେ ସାର ଉପରେ ସବସିଡି ଯୁକ୍ତିସଙ୍ଗତ ହେବ ।
କାର୍ଯ୍ୟକାରୀ ରଣନୀତି ଏବଂ ଲକ୍ଷ୍ୟ :
କୃଷକମାନଙ୍କୁ ସୁଲଭ ମୂଲ୍ୟରେ ଏହି ସାରର ସହଜ ଉପଲବ୍ଧତା ସୁନିଶ୍ଚିତ କରିବା ପାଇଁ ଖରିଫ ୨୦୨୫ (୦୧.୦୪.୨୦୨୫ରୁ ୩୦.୦୯.୨୦୨୫ ପର୍ଯ୍ୟନ୍ତ ଲାଗୁ) ପାଇଁ ଅନୁମୋଦିତ ହାର ଆଧାରରେ ଏନପିକେଏସ ଗ୍ରେଡ୍ ସମେତ ପିଏଣ୍ଡକେ ସାର ଉପରେ ସବସିଡି ପ୍ରଦାନ କରାଯିବ ।