କାଶୀପୁର, (ଅଞ୍ଜନ କୁମାର ନାଏକ) : ରାୟଗଡା ଜିଲ୍ଲା କାଶୀପୁର ସ୍ଥିତ ଦେଶୀ ମଦ ଭାଟି ଠାରେ ଜଣେ ଯୁବକଙ୍କ ମୃତ୍ୟୁ ହୋଇଛି । ମୃତ ଯୁବକ ଜଣକ ସ୍ଥାନୀୟ ନୂଆଁସାହୀର ବିଶି ମାଝୀ (୪୦) ପିତା ଲବେନା ମାଝୀ ବୋଲି ଜଣାପଡିଛି । ନୂଆଁସାହୀ ନିକଟରେ ଏକ ଦେଶୀ ମଦ ଭାଟି ଦୋକାନ ପ୍ରାଙ୍ଗଣରେ ବିଶିଙ୍କ ମୃତ ଶରୀର ପଡିଥିବା ନେଇ ତାଙ୍କ ପରିଜନ ପୋଲିସ ଓ ଗଣମାଧ୍ୟମକୁ ସୂଚନା ଦେଇଥିଲେ । ଘଟଣା ସ୍ଥଳରେ ଏସ୍.ଆଇ ପି.କେ. ସ୍ୱାଇଁ, ଏ.ଏସ.ଆଇ.ଏସ୍ ଡି. ପ୍ରଧାନ ଏବଂ ପୋଲିସ ଦଳ ପହଞ୍ଚି ଶବ ଜବତ କରି ଶବ ବ୍ୟବଚ୍ଛେଦ ନିମନ୍ତେ ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ସ୍ଥାନାନ୍ତର କରାଯାଇଛି । ସୂଚନା ଅନୁଯାୟୀ ନୂଆଁସାହୀ ନିକଟରେ ଦୁଇଟି ବିଦେଶୀ ମଦ ଦୋକାନ ଏବଂ ଗୋଟିଏ ଦେଶୀ ମଦ ଭାଟି ଦୋକାନ ଅଛି । ଏବଂ ଆଖପାଖ ସାହିର ଯୁବକମାନେ ଅଭ୍ୟାସରତ ଭାବେ ମଦ ପିଇ ମାତାଲ ପାଲଟୁଛନ୍ତି । ଯାହାର ଉଦାହରଣ ସ୍ୱରୂପ ବୃତକ ବିଶି ମାଝୀ । ବିଶି ସର୍ବଦା ସଖାଳରୁ ସଞ୍ଜ ପର୍ଯ୍ୟନ୍ତ ଦେଶୀ ମଦ ପିଇ ନିଜ ପରିବାରକୁ ଶକାକୁଳ ପରିସ୍ଥିତିରେ ଛାଡି ଯାଇଛନ୍ତି ବୋଲି ଗ୍ରାମବାସୀ କହିଛନ୍ତି । ଅଭାବ ଅନାଟନରେ କୁଲିମଜୁରୀ କରି ପରିବାର ଗୁଜୁରାଣ ମେଣ୍ଟାଉ ଥିଲେ ବିଶି । ବିଶି ଚାଲିଯିବା ପରେ ତାଙ୍କ ସ୍ତ୍ରୀ ଓ ୨ ପୁଅ ବର୍ତ୍ତମାନ ଶୋକରେ ଭାଙ୍ଗି ପଡିଛନ୍ତି । ଅଞ୍ଚଳବାସୀଙ୍କ ପକ୍ଷରୁ ସରକାରୀ ସହାୟତା ପାଇଁ ପ୍ରଶାସନକୁ ଦାବୀ କରାଯାଉ ବୋଲି କହିଛନ୍ତି ।