ପଦ୍ମପୁର, (ନିରୋଜ କୁମାର ପାଣୀ) : ବରଗଡ ଜିଲ୍ଲା ପଦ୍ମପୁର ଉପଖଣ୍ଡ କଂସର ପଞ୍ଚାୟତ ଅନ୍ତର୍ଗତ ଗଡ଼ଭାଟି ଗ୍ରାମରେ ଉପ ସ୍ଵାସ୍ଥ୍ୟକେନ୍ଦ୍ର ଆୟୁଷ୍ମାନ ଆରୋଗ୍ୟ ମନ୍ଦିର ଶୁଭ ଉଦ୍ଘାଟନ ହୋଇଯାଇଛି । ଏହି ଅବସରେ ମୁଖ୍ୟ ଅତିଥି ଭାବେ ବରଗଡ ସାଂସଦ ପ୍ରଦୀପ ପୁରୋହିତ ଉଦ୍ଘାଟନ କରିଥିଲେ । ସମ୍ମାନିତ ଅତିଥି କଂସର ପଞ୍ଚାୟତ ସରପଞ୍ଚ ଆନନ୍ଦ କୁମାର ବେହେରା, ଜମରତଲା ସରପଞ୍ଚ ବିଭୁଷଣ ଚାନ୍ଦ, ମହୁଲପାଲି ସରପଞ୍ଚ ପ୍ରତନିଧି ସୁନୀଲ କୁମାର ବେହେରା ଯୋଗଦେଇ ଉଦ୍ଘାଟନୀ ଉତ୍ସବରେ ସାମିଲ ହୋଇଥିଲେ । କଂସର ପଞ୍ଚାୟତର ସମସ୍ତ ୱାର୍ଡ ସଭ୍ୟ,ସଭ୍ୟା, ନାଏକ ସରପଞ୍ଚ, ଏଏନ୍ଏମ୍ ଆଶା କର୍ମୀ, ଏମ୍ବିକେ, ଅଙ୍ଗନୱାଡି ଦିଦି, ସି. ଆର.ପି ଓ ଗଡ଼ଭାଟି ଗ୍ରାମର ସମସ୍ତ ପୁରୁଷ ଓ ମହିଳା ଯୋଗଦାନ କରିଥିଲେ । ଏହି ଆୟୁଷ୍ମାନ ଆରୋଗ୍ୟ କେନ୍ଦ୍ର ହେବା ଫଳରେ ଗ୍ରାମାଞ୍ଚଳର ଲୋକ ପ୍ରାଥମିକ ସ୍ଵାସ୍ଥ୍ୟ ଚିକିତ୍ସା ସେବା ଓ ମେଡ଼ିସିନ ବିନା ମୂଲ୍ୟରେ ପାଇ ପାରିବେ ।